Tito 3:9 - Kashibo-Kakataibo Biblia

⁹ Bëtsi bëtsi unix ca sinánxmaishi aín rara ꞌiá bana ñui bëtsi unibë cuëbicanánan, usaía judíos unicama ꞌitia Moisésnën cuënëo bana uisai quicë cara quixun ñui cuamianani bëtsibë nishánania. Usaía ꞌiabi camina mixribi usai ꞌiquinma atu isëshiti ꞌain. Usai ꞌiquin upí oquin sinani banacëma ꞌixun ca unin bëtsi uni upitaxa ꞌinun ꞌaquinima.

Nukën 'Ibu Diosan ain unikama 'inan ain bana

⁹ Bëtsi bëtsi unix ca sinánxmaishi aín rara 'iá bana ñui bëtsi unibë cuëbicanánan, usaía judíos unicama 'itia Moisésnën cuënëo bana uisai quicë cara quixun ñui cuamianani bëtsibë nishánania. Usaía 'iabi camina mixribi usai 'iquinma atu isëshiti 'ain. Usai 'iquin upí oquin sinani banacëma 'ixun ca unin bëtsi uni upitaxa 'inun 'aquinima.

Tito 3:9 ပူးပေါင်းရင်းမြစ်များ

1 Corintios 13:2

ꞌËn Nucën Papa Diosan a sinánmicë ñu ñuiquin unicama ñuixuanan, camabi ñu ꞌunánquin uni itsin ꞌunáncëma ñuribi ꞌunánan, —Nucën Papa Diosan ca ꞌë ꞌaquinti ꞌicë —quixun sinánquin aín cushin aín bashibi amanu tacuiabi, ca uni itsi nuibaquin ꞌacëma ꞌicë Nucën Papa Diosan ꞌë upí isima.

1 Corintios 8:1

Unían unínbi ꞌacë ñu rabiquin ꞌaracacë ñuina ꞌacë a namix cara piisa ꞌicë quixunmi ꞌë ñucácë bana, a ñuiquin cana ësaquin mitsu cain. ꞌËn ꞌunáncësaribi oquin camina mitsun asérabi ꞌunan, Nucën Papa Diosëshi dios ꞌain ca unin ꞌacë ñu rabiquin ñuina rëcë a nami ax bëtsi namisaribi ꞌaish piti ꞌicën. Usaquin sinani ca uni raíri ainra isa ñu ꞌunánxa quixun sinani, a nami pi, bëtsibë cëruanánia. Usa ꞌaínbi ca raírinëx, a namix ca bëtsi namisaribi ꞌaish piti ꞌicë quixun ꞌunánxunbi an picëma unicama nuibaquin ꞌuchamisama tanquin piima, Jesucristonën sinánsaribi ꞌixun.

1 Timoteo 4:7

Usai ꞌiquin camina unían aín rara usai ꞌiá bana ñuicëbëtanbi, usaribi oquin ꞌaquinma, upíira oquin sinánquin Nucën Papa Dios quicësabi oquin ꞌati ꞌain.

2 Timoteo 2:14

Atúan a bana manuxunma ꞌanun sinanamiquin camina axa bëtsibë cuëbicánani —usama ca, ësaira ca bana ꞌicë —quiax cuamianáncë unicama, a Nucën ꞌIbu Dios cuëëncësabi oi usai ꞌiaxma ꞌinun quixun cati ꞌain. Usai cuamiananti ca ꞌaisama ꞌicën. Usa bana cuaquin ca uni itsin ꞌatimaquin sinánti ꞌicën.

2 Timoteo 2:16

Ënë nëtënu ꞌicë ñuishi ñuia, ax ꞌaisamairai banacë unicamasaribi camina ꞌitima ꞌain. Usai ax banacë unicamax ca Nucën Papa Diosmi sinanima camabi nëtën ꞌuchaia.

2 Timoteo 2:23

Sinánñuma unían ꞌacësa oquin camina unia cuëbicanáncë bana a cuatima ꞌain. Usai cuëbicánani ca unicama bëtsibë nishánani upitax ꞌima.

Tito 1:14

Unin sináncësa oquinshia judíos unicaman anbi sinánxun ñuiá bana cuaxunma ꞌanun camina sinánmiti ꞌain. Sinánmianan camina an Nucën Papa Diosan bana cuaisama tancë unin cëmëquin ñuicë banaribi cuaxunma ꞌanun upí oquin sinánmiti ꞌain.

Santiago 4:1

¿Uisa cupí caramina mitsúxbi nishananan ñu cananin? Mitsúnbi bëtsi bëtsi ñu ꞌatimaquin sinani camina usai ꞌicanin.