Tito 3:6 - Kashibo-Kakataibo Biblia

⁶ Jesucristo, an nu ië́micë, a cupíshi ca Nucën Papa Diosan aín Bëru Ñunshin Upí nubëa ꞌiti oquin nu ꞌináncëxa.

Nukën 'Ibu Diosan ain unikama 'inan ain bana

⁶ Jesucristo, an nu ië́micë, a cupíshi ca Nucën Papa Diosan aín Bëru Ñunshin Upí nubëa 'iti oquin nu 'ináncëxa.

Tito 3:6 ပူးပေါင်းရင်းမြစ်များ

Proverbios 1:23

Usa ꞌain kamina ꞌën kakëxun ꞌën bana kuati ꞌain, kuatia kana ꞌën mitsu ꞌën ꞌunánkë banakama ꞌunánmianan; ꞌën sinánkë banakama mitsu ñuixunti ꞌain.

Isaías 32:15

ꞌAínbi ka Nukën ꞌIbu kamabi kushiñu an ñu unio an amiribishi nukama ꞌakintëkënti ꞌikën, usakin ꞌakin ka me ënkëxa anu ñu ꞌapátisama ꞌikëbi anu ñu ꞌapátisa ꞌimitëkënti ꞌikën, usakin ꞌakëx ka a me anu unin ñu ꞌapátisabi upíira ꞌiti ꞌikën.

Isaías 44:3

ꞌën kana anu uni ꞌikëma menua ꞌumpax ꞌinun ꞌimiti ꞌain, ꞌimianan kana me ëskikë anuribia xëxákama rakanu ꞌimiti ꞌain. ꞌËn kana min rëbúnkikama amiribishi upiti tsókanun ꞌimianan, upíokin sinánxunkin ꞌakinti ꞌain.

Ezequiel 36:25

Bëxun kana ꞌumpax upitan chukakësa ꞌitánun ꞌakin mitsun ñu ꞌatima ꞌakëkama a mëníoxuanan, unínbia ꞌaxun rabikë ñukama rabikëxuan an mitsu tsaikë akamaribi mëníoxunti ꞌain,

Joel 2:28

Usakin ënë ñukama pain ꞌatankëxun kana ꞌën Bëru Ñunshin kamabi uninu xuti ꞌain: Usa ꞌain ka mitsun bakë bëchikë bëbukama ꞌimainun ini bëchikë xanukama atun ꞌën bana ñuiti ꞌikën, ꞌamainun ka uni xënikaman namákin isti ꞌikën, ꞌimainun ka uni bënábu atúnribi namákësa okin isti ꞌikën.

Juan 1:16

An ca aín sinan upíira ꞌixun ax ꞌicësaribitinu nun sinan upí ꞌinun nuibaquin ënquinma nu ꞌaquinia.

Juan 16:7

Usai ꞌiabi cana asérabi mitsu cain, upitaxmi ꞌë cupí ꞌicanun cana ꞌëx cuanin. ꞌËx cuancëbëma ca an uni ꞌaquinti, Nucën Papa Diosan Bëru Ñunshin Upí, ax mitsubë ꞌi utima ꞌicën. Usa ꞌaínbi cana ꞌëx cuanquin a xuti ꞌain.

Juan 4:10

Cacëxun ca Jesusan cacëxa: —Ën mi ꞌunpax ñucácë ꞌaínbi camina ui carana ꞌai quixun ꞌë ꞌunaniman. ꞌË ꞌunánan añu cara Nucën Papa Diosan mi ꞌinánti ꞌicë quixun ꞌunáncë ꞌixun camina ꞌë ñucátsian. Ñucácëxun cana anúnmi nëtë́timoi Nucën Papa Diosnan ꞌiti ꞌunpax mi ꞌinántsian.

Juan 7:37

Anúan judíos unicama Nucën Papa Dios rabinux Jerusalénu timë́cë nëtëcama sënë́nuxa pëcaracë nëtë ax ca a nëtëcamasamaira ꞌiacëxa. A nëtën ca nirui munuma banaquin Jesusan ësaquin unicama cacëxa: —Ui unix cara uníxa shiman bamai ꞌunpax ꞌaisa tani bënë́cësaribi oi ꞌënan ꞌiisa tani bënëtia a unix ca ꞌë cai ꞌëmi catamëti ꞌicën.

Hechos 10:45

Usa ꞌain ca aín Bëru Ñunshin Upitan ꞌimicëxun unin cuacëma banan banaquin Nucën Papa Dios rabicancëxa. Nucën Papa Dios rabicania cuati ca Pedrobëa ucë Jesúsmi sináncë unicama ax judíosma unicamaxribia Nucën Papa Diosan Bëru Ñunshin Upíñu ꞌicë isi ratuti sináncasmacëxa.

Hechos 2:33

A ca Nucën Papa Diosan abë ꞌApu ꞌiti aín cushínbi baísquimiquin an cásabi oquin aín Bëru Ñumshin Upí ꞌinánxa. Usa ꞌain ca ami mitsun isanan cuacë ñucama, ënëx aín Bëru Ñumshin Upitan ꞌimicëx ësai ꞌia.

Romanos 2:4

Camina ꞌunánti ꞌain, Nucën Papa Diosan ca mi nuibaíranan, mi ꞌatima ñu ꞌacë ꞌicëbi ꞌatimoquinma mix sinanati ami sinánun cainia. ¿Axa usa ꞌaínbi caramina min ꞌatima ñu ꞌacë ëni ami sinántisama tanin?

Romanos 5:5

An ca —asérabi camina ꞌëbë ꞌiti ꞌai —quixun caquin nu paraníma. An ca aín Bëru Ñunshin Upí nubë ꞌinun nu ꞌinánxa. Nubë ꞌixun ca nu ꞌunánmia uisaira oquin cara Nucën Papa Diosan nu nuibatia quixun. An ca asérabi nu nuibatia quixun ꞌunánquin cananuna, nux cananuna asérabi aín nëtënu abë ꞌiti ꞌai quixun ꞌunanin.

Romanos 8:2

Nuxnu ami catamëcë ꞌaish Cristo Jesúsbë achúshisa ꞌicë ca aín Bëru Ñunshin Upí nubë ꞌixun ñu ꞌatima, a ꞌaia uni Nucën Papa Diosbë ꞌitimoi bamati, a ꞌatëcënxunma ꞌanun nu ꞌimiaxa.

Efesios 3:8

ꞌËx axa ami catamëcë uni raíribë sënë́nmara ꞌicëbi ca Nucën Papa Diosan nuibaquin, judíosma unicama Cristo ñui quicë bana ꞌunánminun ꞌë ꞌimiaxa, uisaira oquin cara Cristonën aín unicama nuibaquin ꞌaquinia quixuan ënë nëtënuxun aín unicaman ꞌunáinracëma ꞌicëbi.

Efesios 4:2

Cuamiananima camina upí sinánñu ꞌaish upiti banati ꞌain. Bënëtishi nishíma camina bëtsibë nuibanani ꞌaquiananti ꞌain.

1 Timoteo 6:17

Axa Jesucristomi catamëcë uni, ꞌitsa curíquiñu ꞌimainun ꞌitsa ñuñu ꞌicë camina ësaquin cati ꞌain: Curíquiñu ꞌixun camina —ꞌëx cana ñuñuira ꞌaish bëtsi unisama ꞌai —quixun sinántima ꞌain. Curíqui ꞌimainun ñucamaxribi ca nëtë́ti ꞌicën. Usa ꞌain camina min curíquimi catamëquin —uínbi ca ꞌë uisoima, añu ñu carana ꞌaisa tani a cana ꞌati ꞌai —quixun sinántima ꞌain. Usaquin sinánquinma camina Nucën Papa Dios an bamatimoi tsócë ꞌixun, anun nux chuámarua bucunun camabi ñu nu ꞌináncë, amishi catamëti ꞌain.

Tito 1:4

Tito, ꞌën cana ënë quirica mi buanmin. ꞌËx ami sináncësaribi oi mixribi Jesucristomi sináncë ꞌaish camina ꞌën bëchicësa ꞌain. Nucën Papa Dios ꞌimainun Nucën ꞌIbu Jesucristo, an nu ainan ꞌinun ië́micë, an nuibacëxmi ainan ꞌaish chuámarua ꞌiti cana cuëënin.