Tito 3:15 - Kashibo-Kakataibo Biblia

¹⁵ ꞌËbë ꞌicëcaman ca camaxunbi bërúanxmi ꞌicanun mitsu canun quixun ꞌë caxa. Uicaman cara nuxnu Jesúsmi sináncë ꞌicë nu nuibatia acama camina bërúanxa ꞌinun cati ꞌain. Nucën Papa Diosan micama nuibaquin ꞌaquincëxmi upitax ꞌiti cana cuëënin. Ashi, Pablo.

Nukën 'Ibu Diosan ain unikama 'inan ain bana

¹⁵ 'Ëbë 'icëcaman ca camaxunbi bërúanxmi 'icanun mitsu canun quixun 'ë caxa. Uicaman cara nuxnu Jesúsmi sináncë 'icë nu nuibatia acama camina bërúanxa 'inun cati 'ain. Nucën Papa Diosan micama nuibaquin 'aquincëxmi upitax 'iti cana cuëënin. Ashi, Pablo.

Tito 3:15 ပူးပေါင်းရင်းမြစ်များ

Mateo 5:47

Mitsun aintsishi sináncë ꞌaish camina an Nucën Papa Dios ꞌunáncëma unibu ꞌicësaribi ꞌain. Atun ca aín aintsishi sinania. Usa ꞌaínbi camina mitsun aintsishima camabi uni sinánti ꞌain, Nucën Papa Dios cuëëncësabi oquin.

Hechos 20:34

Mitsúnbi camina ꞌunanin, ꞌën mëcënanbi ñu mëëxun cana ꞌën piti ꞌimainun ꞌën chupa bianan ꞌëx abë ꞌicëcamaribi bixúan.

1 Corintios 16:23

An mitsu upiti bucunun nuibaquin ꞌaquinti cana cuëënin.

Gálatas 5:6

Nux asérabi Jesucristonan ꞌaish cananuna ꞌunántioracacë unicama ꞌicësaribiti ꞌunántioracacëma ꞌaíshbi Nucën Papa Diosan iscëx upí ꞌain. Jesucristomi catamëcë ꞌixúan an uni nuibacë uni ax ca Nucën Papa Diosan iscëx upí ꞌicën.

Colosenses 4:18

ꞌËx Pablo ꞌixun cana ꞌën mëcënanbi cuënëoquin bërúanxmi ꞌicánun quixun mitsu cain. Usa ꞌain camina ꞌëx cana unin sipuacë ꞌai quixun manúquinma sináncanti ꞌain. Nucën Papa Diosan nuibacëxmi chuámashirua ꞌaish cuëëni upitax bucucanti cana cuëënin. Ashi, Pablo.

1 Timoteo 1:2

Timoteo, ꞌën cana ënë quirica mi buánmin. ꞌËx ami sináncësaribi oi mix Jesucristomi sináncë ꞌaish camina ꞌën bëchicësa ꞌain. Nucën Papa Dios ꞌimainun Nucën ꞌIbu Jesucristo, an nu ainan ꞌinun ië́micë, an nuibaquin min ꞌuchacama tërë́ncë cupími ainan ꞌaish chuámarua ꞌiti cana cuëënin.

1 Timoteo 1:5

Nucën Papa Dios ca cuëënia aín unicamaxa ësai ꞌinúnu ꞌunánmiti: aín nuitu upí ꞌianan aín ꞌuchacama tërë́ncë ꞌixun ꞌatëcënti sináncëma ꞌianan Jesucristomi asérabi catamëcë ꞌixun unicama nuibati.

2 Timoteo 4:22

Mibë ꞌixuan Nucën ꞌIbu Jesucristonën mi cushiomainuan Nucën Papa Diosan mibë ꞌicëcamacëñun mi nuibaquin ꞌaquincëx camina bërúanx ꞌiti ꞌain. Ashi, Pablo.

Hebreos 13:25

Nucën Papa Diosan nuibaquin ꞌaquincëxmi chuámarua ꞌaish bucuti cana cuëënin. Ashi.

3 Juan 1:1

ꞌËx axa Jesucristomi catamëcë unicaman cushi ꞌixun cana, axa ꞌëx ꞌicësaribiti asérabi Nucën Papa Diosan uni ꞌaish ꞌë nuibacë Gayo, a ënë quirica buánmin.