Tito 3:13 - Kashibo-Kakataibo Biblia

¹³ Ucëma pain ꞌixun camina an bana ꞌunánquin unicama ꞌësëcë uni, Zenas, abëtan Apolonën cuanuxun aín ñu mëníoia ꞌaquinti ꞌain. ꞌAquianan camina cuania uisa ñu cara cuëënia a ꞌinánti ꞌain.

Nukën 'Ibu Diosan ain unikama 'inan ain bana

¹³ Ucëma pain 'ixun camina an bana 'unánquin unicama 'ësëcë uni, Zenas, abëtan Apolonën cuanuxun aín ñu mëníoia 'aquinti 'ain. 'Aquianan camina cuania uisa ñu cara cuëënia a 'inánti 'ain.

Tito 3:13 ပူးပေါင်းရင်းမြစ်များ

Mateo 22:35

Nëbë́tsioraquin ca an Moisésnën cuënëo bana ꞌunáncë uni achúshinën —uisaquin cara ꞌë cati ꞌicë —quixun sinánquin Jesús ësaquin ñucácëxa:

Lucas 10:25

An Moisésnën cuënëo bana ꞌunáncë uni achúshinën ca uisoquin caraisa caia quixun ꞌunáncatsi quixun sinánquin Jesús ësaquin ñucácëxa: —¿Añu carana ꞌëx ainan ꞌaish xënibua ꞌaínbi Nucën Papa Diosbë ꞌinuxun ꞌati ꞌain?

Lucas 11:45

Usaquin cacëxun ca an Moisésnën cuënëo bana ꞌunáncë ꞌixun unicama ꞌësëcë uni achúshinën Jesús cacëxa: —Usai fariseo unicama ñui quiquin camina nuribi ñuin.

Lucas 11:52

Ësaquinribi ca Jesusan atu cacëxa: —Mitsun Moisésnën cuënëo bana ꞌunáncë ꞌixun unicama ꞌësëti ꞌixunbi camina uisai quicë cara a bana ꞌicë quixun ꞌunánmiman, ꞌunánmiquinma camina bëtsi oquin ꞌunánmin. Usa ꞌain camina mitsúnbi, a bana upí oquin cuaisama tancë ꞌixun, an a bana uisai quicë cara quixun ꞌunántisa tancë unicamanribia cuaxunma ꞌanun ꞌimin. Mitsúxmi usa ꞌicë isquin ca uisa cara oti ꞌicë usoquin Nucën Papa Diosan mitsu ꞌati ꞌicën.

Lucas 14:3

A isquin ca Jesusan an Moisésnën cuënëo bana ꞌunánquin unicama ꞌësëcë unicama ꞌimainun fariseo unicama ñucáquin cacëxa: —¿Anun ñu mëëtima nëtën uni pëxcuti cara asábi ꞌic? ¿Cara asábima ꞌic?

Lucas 7:30

Acamaxa usai quicëbëbi ca fariseo unicama ꞌimainun an Moisésnën cuënëo bana ꞌunáncë unicaman, Juanën bana cuaisama tani an nashimicë ꞌiti cuëëncëma ꞌixun, Nucën Papa Dios cuëëncësa oi ꞌiisama tanquin Jesusan banaribi cuaisama tancëxa.

Hechos 15:3

Xuquian Antioquíanu ꞌicë unicaman —bërúanx ca cuantan —quixun cacëx cuani Fenicia me ꞌabiani cuanan Samaria me ꞌabiani cuanquin ca —judíosma unicamaxribi ca sinanati Jesucristomi catamëaxa —quixun ñuixuancëxa. Usaquian ñuia cuati ca Fenicia ꞌimainun Samarianu ꞌicë axa Jesucristomi catamëcë unicamax cuëë́inra cuëë́ancëxa.

Hechos 18:24

Pablonëan Galacia menu cuanan Frigia menuribi cuanquin axa Jesucristomi catamëcë unicama ꞌësëmainun ca Alejandría ëmanu ꞌicë judíos uni achúshi, Apolo, ax Efeso ëmanu cuanx anu ꞌiacëxa. Ax ca an Nucën Papa Diosan bana cuënëo upí oquin ꞌunáncë ꞌaish unicama upí oquin bana ñuixuncë ꞌiacëxa.

Hechos 19:1

Corinto ëmanua Apolos ꞌain ca Pablo matá me sapáncama oi cuantancëx Efesonu bëbacëxa. Bëbaxun ca anu ꞌicë axa Jesucristomi sináncë unicama mëracëxa.

Hechos 21:5

Usaquian cacëbëbi cananuna a nëtëcama inúcëbë cuancën. A ëmanuax cuancëbë ca axa Jesucristomi catamëcë unicamax aín xanu ꞌimainun aín bëchicëbëbi nubë masinu cuancëxa. Cuanx cananuna rantin puruni tsóbuax masinuax Nucën Papa Diosbë banacën.

Hechos 28:10

Usocëbëtan ca a nasínu ꞌicë unicaman numi sinánquin nu ꞌaquiancëxa. ꞌAquianan ca nuxnu cuancëbëtan, manë nuntinu nun pibianti ñucamaribi nu ꞌaruxuancëxa.

Romanos 15:24

Usa ꞌain cana bërí cuanti sinanin. Cuanx ꞌitsama nëtëishi mitsubë ꞌiquiani España nëtënu mitsúnmi ꞌë ꞌaquinmainun cuanti cana sinanin.

1 Corintios 16:11

Usa ꞌain camina a ñui uisaíbi banacantima ꞌain. Axa nucën xucë́antu raíribë aia cana cainin. Usa ꞌain camina mitsubë ꞌitancëxa ënu unun anúan uti ñu ꞌinánan upí oxun xuti ꞌain.

1 Corintios 16:12

Nucën xucën, Apolo, a ñuiquinmi mitsun ꞌë ñucácë, a ñuiquin cana mitsu cain, a cana axa Jesucristomi catamëcë uni raíribëa mitsu isi cuantánun quixun can. Cacëxbi ca bërí cuainsama tanxa. Usa ꞌain ca uinsaran cara cuanti ꞌicë quixun isti ꞌicën.