Tito 2:6 - Kashibo-Kakataibo Biblia

⁶ Usaribi oquin camina uni bënácamaribi upí oquin sinánquian ñu upíshi ꞌanun cati ꞌain.

Nukën 'Ibu Diosan ain unikama 'inan ain bana

⁶ Usaribi oquin camina uni bënácamaribi upí oquin sinánquian ñu upíshi 'anun cati 'ain.

Tito 2:6 ပူးပေါင်းရင်းမြစ်များ

Salmos 148:12

¡ꞌImainun ka xanukaman, ꞌamainun uni bënábu xanu chipashbu ꞌimainun uni kaniakëkë akamanribi rabiti ꞌikën!

Eclesiastés 12:1

An kamabi ñu unio min ꞌIbu Dios a kamina mix bëná ꞌixuinshi sinánti ꞌain, anun tëmërati nëtë ka ꞌinuxun ꞌaia usa ꞌain; ꞌianan ka anunmi ësai ki banati baritiaribi ꞌiti ꞌikën: “ꞌËn ënë nëtënu tsókin ꞌakë ñukama anbi ka ꞌë kuëënmitima ꞌikën.”

Joel 2:28

Usakin ënë ñukama pain ꞌatankëxun kana ꞌën Bëru Ñunshin kamabi uninu xuti ꞌain: Usa ꞌain ka mitsun bakë bëchikë bëbukama ꞌimainun ini bëchikë xanukama atun ꞌën bana ñuiti ꞌikën, ꞌamainun ka uni xënikaman namákin isti ꞌikën, ꞌimainun ka uni bënábu atúnribi namákësa okin isti ꞌikën.

1 Tesalonicenses 5:6

Usa ꞌaish cananuna uni raírisaribi ꞌuxcësa ꞌitima ꞌain. Cananuna manúcëma ꞌaish upí oquin sináncë uni ꞌiti ꞌain.

1 Timoteo 5:1

Uni apan camina ñu catima ꞌain. Ñu caquinma camina min papami ꞌacësaribi oquin uni apan upí banaishi ñuixunquin ꞌësëti ꞌain. Min xucë́nmi ꞌacësaribiquin camina bëná unicamaribi nuibaquin ꞌësëti ꞌain.

1 Pedro 5:5

Usaribi oquin cana bëná unicama ësaquin cain, mitsun cushicaman bana camina timaquinma cuati ꞌain: Nucën Papa Dios ca unia rabíti cuëënima. Usa ꞌixunbi ca axa rabícëma unicama nuibaquin ꞌaquinia. Usa ꞌain camina —ꞌëx cana bëtsi unisamaira ꞌai —quixun sinanima camáxbi bëtsin sináncësaribi oquin sinani upiti ꞌësëananti ꞌain.

1 Juan 2:13

Uni apáncama, mitsúnmi axa ënë mecama unioisama pain ꞌaíshbi ꞌiá, Nucën Papa Dios, a ainan ꞌixun ꞌunáncë cupí cana mitsu quirica cuënëoxunin. Bëná unicama, mitsuribishi cana ñunshin ꞌatimanën ꞌapúan ñu ꞌatima ꞌamitisa tancëxunbimi ꞌacëma cupí quirica cuënëoxunin. ꞌËn bëchicësa ꞌaíshmi ainan ꞌixun Nucën Papa Dios ꞌunáncë cupí cana mitsuribi quirica cuënëoxuan.