Tito 2:5 - Kashibo-Kakataibo Biblia

⁵ Ñu ꞌaisama ꞌacëma ꞌianan ca bëcántapun ꞌitima ꞌicën. ꞌIanan ca aín xubu upí oquin bërúancë ꞌianan upiti abë cananquin bëtsi xanu ꞌaquincë ꞌiti ꞌicën. Aín bënën bana ca cuati ꞌicën. Unínma Nucën Papa Diosan bana ca upíma ꞌicë quixun caia, usa ꞌain ca an aín bana cuacë xanucamax usai ꞌi upí ꞌiti ꞌicën.

Nukën 'Ibu Diosan ain unikama 'inan ain bana

⁵ Ñu 'aisama 'acëma 'ianan ca bëcántapun 'itima 'icën. 'Ianan ca aín xubu upí oquin bërúancë 'ianan upiti abë cananquin bëtsi xanu 'aquincë 'iti 'icën. Aín bënën bana ca cuati 'icën. Unínma Nucën Papa Diosan bana ca upíma 'icë quixun caia, usa 'ain ca an aín bana cuacë xanucamax usai 'i upí 'iti 'icën.

Tito 2:5 ပူးပေါင်းရင်းမြစ်များ

Génesis 18:9

Usakin pitankëx sënë́nkin ka a isia kuankë unikama achúshinën Abraham ñukákëxa: —¿Uinu kara min xanu Sara ꞌik? Kakëxun ka kakëxa ka —anu ꞌëx ꞌikë chupa këxtú xubusa okin ꞌakë anu ꞌikën —kixun ka kakëxa.

Génesis 3:16

Usakin runu katankëxun ka Nukën ꞌIbu Diosan xanuribi kakëxa: —ꞌËn kana min tuia chaiira paë tanimi bakënun ꞌimiti ꞌain, paën kamina bakënuxun ꞌain. ꞌAínbi kamina usai ꞌibi min bënëbë ꞌinuxun ꞌain, ꞌianan kamina, an kakësabiokin ꞌati ꞌain.

2 Samuel 12:14

ꞌAínbi kamina minbi ꞌaisamaira oí ami kuaikin Diosan kakëxun kuaisama tankin aín bana parëkin an kuëënkëma ñu ꞌan, usa ꞌain ka min bakë bëchikë bërí náchikikë ax chamara ꞌaíshbi ñuti ꞌikën.

Proverbios 7:11

usa ꞌaish ka achúshi xanu an bënë́kinshi ñu ꞌakë ꞌimainun abi sinánxun uisa ñu kara ꞌaisatania usakin ꞌanan, aín xubunubi tsóti ꞌunánma ꞌaish,

Hechos 9:36

Jesucristomi sináncamainun ca Jope cacë ëmanu ꞌicë xanu achúshi Tabita, aín anë itsi Dorcas, anribia Nucën Papa Diosan bana cuacë, ax ꞌiacëxa. A xanun ca ñu upíshi ꞌaquin usabi ocë ꞌixun ñuñuma unicama ñu ꞌináncëxa.

Hechos 9:39

Xucëx cuanxuan cacëxëshi ca Pedro uni rabë́ abëbi Jopenu cuancëxa. Cuanx bëbaxa anu Dorcas racáncënu buáncancëx atsinia ca xanu casunamëcëcaman nëbë́tsioracëxa. Nëbë́tsiorati inquin ca ñutisama pan ꞌixúan Dorcasnën ꞌacë cutúncëñun chupacama Pedro ismiacëxa.

Romanos 14:16

Usa ꞌain camina mitsúnmi a ñu piia oquian uni itsin —pitimabi ca a ñu piia —quixun mitsu ñuitin rabanan —pitima ca —quixuan an sináncë ñu a pitima ꞌain.

Romanos 2:24

Asérabi mitsu ñui ca Nucën Papa Diosan bana cuënëo ësai quia: “Mitsux judíos unibu ꞌixunbi ñu ꞌaisama ꞌaia isi ca judíosma unibunëx Nucën Papa Diosmi ꞌatimati banaia”.

1 Corintios 11:3

Ënë banaribi cana mitsúnmi ꞌunánun ësaquin mitsu cain, Cristonën aín Papan bana cuacësaribi oquin ca camabi unin Cristonën bana cuati ꞌicën. Usaribi oquin ca camabi xanun aín bënën bana cuati ꞌicën.

1 Corintios 14:34

Axa Jesucristomi catamëcë unicama timë́cë ꞌain ca xanu banatima ꞌicën. Usa ꞌixun ca bëbu uníxa banaiashi cuati ꞌicën, Nucën Papa Diosan bana cuënëo quicësabi oquin.

Efesios 5:33

Usa ꞌaínbi cana mitsu cain, min namimi bërúancësaribi oquin camina mitsun xanuribi nuibaquin bërúanti ꞌain. Usaribi oquin ca xanúnribi ami sinánquin aín bënën bana cuati ꞌicën.

Colosenses 3:18

Asérabia ax Nucën ꞌIbu Jesucristomi sináncë xanux ca aín bënë́an cacëxun cuati ꞌatimaquin sinanima abë upíshi ꞌiti ꞌicën. Bënëñu xanucama, mitsux camina usai ꞌiti ꞌain.

1 Timoteo 5:10

Upí oquian ñu ꞌaia unin ꞌunáncë ca ꞌiti ꞌicën. Cara aín tuá upí oquin canioxa, cara uni ꞌimainun xanu a isi aia upí oquin biaxa, cara axa Jesucristomi catamëcë unicama ꞌaquianxa, cara axa tëmëracë unicama chuámarua ꞌinun ꞌaquianxa, ꞌimainun cara uisa ñu upíribi ꞌaxa quixun ꞌunáncë ꞌaish ca aín anë ꞌacë ꞌiti ꞌicën.

1 Timoteo 6:1

An uni ñu mëëxuncë uni, ax Jesucristomi catamëcë ꞌixun ca an ñu mëëmicë uni ñuiquinma upíxuinshi ñu mëëxunti ꞌicën, unían Nucën Papa Dios ñuianan aín banaribi ꞌatimaquin ñuiti rabanan.

Tito 2:4

Xanu apáncaman ca ësai ꞌiquin aín tuá ꞌimainun aín ñe xutacamaribi ësaía ꞌinun ꞌunánmiti ꞌicën: atun bënë nuibanan ca atun tuáribi nuibaquin bërúanti ꞌicën.