Tito 2:4 - Kashibo-Kakataibo Biblia

⁴ Xanu apáncaman ca ësai ꞌiquin aín tuá ꞌimainun aín ñe xutacamaribi ësaía ꞌinun ꞌunánmiti ꞌicën: atun bënë nuibanan ca atun tuáribi nuibaquin bërúanti ꞌicën.

Nukën 'Ibu Diosan ain unikama 'inan ain bana

⁴ Xanu apáncaman ca ësai 'iquin aín tuá 'imainun aín ñe xutacamaribi ësaía 'inun 'unánmiti 'icën: atun bënë nuibanan ca atun tuáribi nuibaquin bërúanti 'icën.

Tito 2:4 ပူးပေါင်းရင်းမြစ်များ

1 Timoteo 5:11

Usa ꞌain camina casunamëcë xanu xutani ꞌicë axa Jesucristomi catamëcë unicama an ꞌaquinun ꞌimitima ꞌain. Usa xanux ca Jesúsmi manuti amiribishi bënutisa tanti ꞌicën.

1 Timoteo 5:14

Usaía ꞌitima cupí cana cuëënin, xutani ꞌaísha ax casunamëcë xanux ca bënuti ꞌicën. Bënutancëxun tuatancëxun ca aín tuá ꞌimainun aín xubunu ꞌicë ñucama upí oquin bërúanan, aín bënëribi ꞌaquinti ꞌicën. Usaquian ꞌacëbë ca axa Jesucristomi sináncëma unicama a xanu ñui ꞌatimati banatima ꞌicën.

1 Timoteo 5:2

Min titami ꞌacësaribi oquin camina nuibaquin xanu xënicama ꞌësëti ꞌain. ꞌAnan camina min chirabacëmi ꞌacësaribi oquin xanu xuntacucamaribi ꞌatimaquin sinánquinma upí oquin sinánquin ꞌësëti ꞌain.

Tito 2:3

Xanu apáncama camina usaribi oquin cati ꞌain, ami sinani ca Nucën Papa Dios cuëëncësabi oi upí nuituñu ꞌiti ꞌicë quixun. Bëbu ꞌimainun xanunbi ca cëmë bana ñuitima ꞌicën. Ca paë́ntima ꞌicën. Atúan aín sinan upí ꞌixun ñu upí ꞌaia isquin ca atun xanu tuácama ꞌimainun atun ñe xutacamanribi usaribi oquin ꞌati ꞌicën.

Tito 2:5

Ñu ꞌaisama ꞌacëma ꞌianan ca bëcántapun ꞌitima ꞌicën. ꞌIanan ca aín xubu upí oquin bërúancë ꞌianan upiti abë cananquin bëtsi xanu ꞌaquincë ꞌiti ꞌicën. Aín bënën bana ca cuati ꞌicën. Unínma Nucën Papa Diosan bana ca upíma ꞌicë quixun caia, usa ꞌain ca an aín bana cuacë xanucamax usai ꞌi upí ꞌiti ꞌicën.