Tito 2:14 - Kashibo-Kakataibo Biblia

¹⁴ Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

Nukën 'Ibu Diosan ain unikama 'inan ain bana

¹⁴ Jesucristo ca 'itsianxmabi nu cupí bamacëxa, nun 'uchacama tërë́nxunquin Nucën Papa Diosbë upí 'inun ië́mianan nun sinan upí 'ixúnu bëtsi ñu sinántëcënquinma ax cuëëncësabi oquinshi 'anun.

Tito 2:14 ပူးပေါင်းရင်းမြစ်များ

Génesis 48:16

usa ꞌixun ka Dios an uisai kara ꞌiti ꞌikëbi an ꞌë bërúankë anribi ënë tuákamaribi bëruánti ꞌikën. Usa ꞌain ka ënë tuákama kupín ꞌën anë sinanan ꞌën xuta Abraham ꞌimainun Isaac aín anë sinánti ꞌikën. Usa ꞌain ka atux ꞌaisamaira bakë bëchipati ꞌuakamë ꞌëoanan kamabi menu kuani aín ëmaitsi ëmaitsi ꞌai tsókanti ꞌikën.”

Salmos 130:8

¡An ka Israel unikama nuibakin, atun ꞌuchakëkama tërënxunti ꞌikën!

Éxodo 15:16

Mix kamina Nun ꞌIbu ꞌain, atux ka ratuti ꞌikën, ꞌimainun ka rakuëkanti ꞌikën, atúxa kuainima maxá ꞌikësai bukunun min kushínbi ꞌiminun kana mi kain, usa ꞌain kamina min unikama inútamainun bërúanti ꞌain, nukamax kananuna min unibu ꞌain.

Ezequiel 36:25

Bëxun kana ꞌumpax upitan chukakësa ꞌitánun ꞌakin mitsun ñu ꞌatima ꞌakëkama a mëníoxuanan, unínbia ꞌaxun rabikë ñukama rabikëxuan an mitsu tsaikë akamaribi mëníoxunti ꞌain,

Ezequiel 37:23

Usai ꞌika amiribishi ñu ꞌatima ꞌatëkënkin bëtsi dioskama rabitëkëanan bëtsi ñukama ꞌairibi ꞌuchatëkëntima ꞌikën. ꞌËn kana ꞌën kuëënkëma ꞌatima ñukama ꞌai ꞌëmi ꞌuchakëkama a tërënxunti ꞌain. Usa ꞌain kana atúxa ꞌën uni ꞌimainun ꞌëx atun Dios ꞌiti ꞌain.

Malaquías 3:3

Dios an ka kamabi sacerdote Levítan rëbúnkikamaribi upí ꞌinun mëníoti ꞌikën, manë uxua ꞌimainun kuri tsi ërë́kënu ꞌarukëx xuiti upíira ꞌikë usaribi ꞌitanun ꞌati ꞌikën. Usakin ꞌakëxun ka atun Dios uisakin ñu ꞌinánkin ꞌati kara usakinbi ꞌaxunti ꞌikën.

Mateo 1:21

Ax ca tuá achúshi bacë́nti ꞌicën. Bacënia camina min a tuá Jesús caquin anëti ꞌain. Ainshi ca uni aín ꞌucha tërë́nquin Nucën Papa Diosan iscë́xa upí ꞌinun ië́miti ꞌicën. Usa ꞌain camina a tuá Jesús caquin anëti ꞌain.

Mateo 20:28

ꞌën ꞌacësaribi oquin. Uni itsían ñu mëëxunun cana ꞌëx uni ꞌinux Nucën Papa Diosnuax uáma ꞌain. ꞌËx cana unicamaxa upí ꞌianan upitax bucuti oquin ꞌaquini uacën. ꞌËx ꞌuchañuma ꞌaísh bamatsianxmabi cana camabi uníxa Nucën Papa Diosbë upí ꞌinun atun ꞌucha ꞌënansa ꞌain bamai uacën.

Mateo 3:12

An ñu ꞌapácë unin ꞌacësaribi oquin ca ꞌati ꞌicën. Ësa ca ꞌiti ꞌicën. Unin ca ñu bëru trigo ꞌapatia. ꞌApátancëxun ca bimia bitsia. Bitancëxun ca bucúnxun chacaia. Chacaquian tacaia ca aín xacá suñun amo putia. Pucëbë ca aín bëru ax tiquia. Usai ꞌia bërúanxun bixun bucúntancëxun ca aín xacácama tsi rëquirucë bënántisamanën nëënia. Usaribi oquin ca axa uti an aín ꞌacë ñucama ꞌunánquin, upí unicama abëa ꞌiti bianan ꞌatimacama a atun ñu ꞌatima ꞌacë cupí bimi xacá nëënti pucësa ꞌimiti ꞌicën.

Juan 6:51

ꞌËx cana naínuax uá ꞌaish anúan uni Nucën Papa Diosbë ꞌiti a ꞌain. Usa ꞌain ca axa ꞌëmi catamëcë uni ax ainan ꞌaish xënibua ꞌaínbi Nucën Papa Diosbë ꞌia. Uníxa ainan ꞌaish xënibua ꞌaínbi Nucën Papa Diosbë ꞌinun cana ꞌëx bamatsianxmabi bamati ꞌain.

Hechos 15:14

Simón Pedronën ca nu ñuixuanxa, Nucën Papa Diosan cara uisaira oquin judíos unicamaishima, judíosma unicamaribi nuibaquin ainan ꞌinun ꞌimiaxa quixun.

Hechos 15:9

Nuxnu judíos ꞌicëa nu ꞌimicësaribi oquin ca Nucën Papa Diosan judíosma unicama Jesucristomi catamëcë cupí aín ꞌuchacama tërë́nquin aín sinan upí ꞌimiaxa.

Hechos 20:28

Usa ꞌain camina mitsun mina ñu ꞌaisama ꞌai bërúancati ꞌain. Bërúancanan camina axa Jesucristomi catamëcë unicamaribia upí ꞌinun bërúanti ꞌain. Nucën Papa Diosan Bëru Ñunshin Upitan ca usoquinmi axa Jesucristomi catamëcë unicama bërúanun mitsu ꞌimiaxa. A unicamax ca axa bama cupí Nucën ꞌIbu Jesucristomi catamëcë ꞌaish aín uni ꞌicën.

Hechos 9:36

Jesucristomi sináncamainun ca Jope cacë ëmanu ꞌicë xanu achúshi Tabita, aín anë itsi Dorcas, anribia Nucën Papa Diosan bana cuacë, ax ꞌiacëxa. A xanun ca ñu upíshi ꞌaquin usabi ocë ꞌixun ñuñuma unicama ñu ꞌináncëxa.

Gálatas 1:4

Ënë menu ꞌicë ñuishi ꞌatia an sináncë unicaman ꞌacësaribi oquin ñu ꞌatima ꞌati rabanan nu ië́mi ca ax bamatsianxmabi nun ꞌucha cupí bamacëxa, Nucën Papa Dios cuëëncësabi oi.

Gálatas 2:20

ꞌUchatëcënuxunma ashiquin ꞌën ꞌuchacama ëni cana Cristobë bamacësa ꞌain. Usa ꞌaish cana ꞌëshima, Cristo ax ꞌëbë ꞌain, aín cushínbi ax cuëëncësa oíshi ꞌin. Nucën Papa Diosan Bëchicë, axa ꞌë nuibati bamatsianxmabi ꞌën ꞌucha cupí bama, ami catamëti cana ax ꞌëbë ꞌain, ax cuëëncësabi oi ꞌin.

Gálatas 3:13

A bana, usai ca judíos unicama ꞌiti ꞌicë quixun Moisésnën cuënëo, a banacamaxa quicësabi oquiinra ꞌacëma ꞌicë, nu uisa cara oti ꞌicë usoquin ꞌati ꞌixunbi ca Nucën Papa Diosan nu ꞌaquinma, Cristo, nun ꞌucha cupí tëmëramia cupí, nu ami catamëtia uisotima ꞌicën. Camabi unin ꞌucha cupí ca ꞌuchañuira uni ꞌicësari Cristo i curúsocënu bamacëxa, Nucën Papa Diosan bana cuënëo ësai quicësabi oi: “Ui unix cara i curúsocënu matáscë ꞌicë ax ca asérabi ꞌuchañuira ꞌaish Nucën Papa Diosan uisaira cara oti ꞌicë usoquin ꞌacë ꞌiti ꞌicën”.

Efesios 1:11

Nux Cristonan cupí aín uni raíri ꞌacësaribi oquin nu axa cuëëncësabi oi ꞌianan aín nëtënu abë ꞌiti nu ꞌiminuxun ca Nucën Papa Diosan ainan ꞌinun nu caísacëxa. Usai nux ꞌinun ca Nucën Papa Diosan camabi ñu ax cuëëncësabi oquin ꞌaquin mëníocëxa.

Efesios 2:10

Cristo Jesús nubë ꞌinúan an ꞌimicëxun ñu upíshi ꞌanan nun sinan bëtsi ꞌinun ca an mëníosabi oquin nu ꞌimiaxa.

Efesios 5:2

Nucën Papa Dios cuëëncësabi oquin judíos unin aín ꞌucha cupí rëcë́xa carnero ꞌiásaribiti ca bamatsianxmabi Cristo nu nuibati nun ꞌucha cupí bamacëxa, ami catamëtíshinu ië́nun. Cristonëan nu usoquin nuibacë ꞌain camina mitsúxribi usaribiti bëtsibë bëtsibë nuibananti ꞌain.

Deuteronomio 26:18

ꞌImainun ka Nukën ꞌIbu ësai kiaxa Israel unibu mitsux kamina achúshi ëma asérabi bërí ꞌën unibu ꞌiti ꞌain, ꞌëx kiásabiokin kana ꞌën mitsu kaisakën, usa ꞌain kamina ax kikësabira oi ꞌiti bana a tanti ꞌain.

Deuteronomio 4:20

Usokin a ñukama unio ꞌixun ka Nukën ꞌIbun mitsu Egipto menuax ꞌaisamaira ñu mëëi anuxun manë xaroti ꞌakë anuax ꞌikësai tëmëraiabi Diosan chikínxun ain uni ꞌinun mitsu ꞌimiakëxa, usa ꞌikë ka ain uni ꞌinun nu ꞌimiaxa.

Deuteronomio 7:6

Mitsux kamina ainan ꞌitia Nukën ꞌIbun kaisa a ꞌain; usa ꞌikë ka Nukën ꞌIbu Diosan achúshi ëma upíira ꞌinun mitsu ꞌimiaxa, usa ꞌaish kamina bëtsi menu ꞌikë ëmakamasamaira upíira ꞌinun mitsu ꞌimiaxa.

1 Timoteo 1:15

Ënë banax ca asérabi ꞌicën. Usa ꞌain ca camabi unin —asérabi ca —quixun ꞌunánti ꞌicën: Camabi uni aín ñu ꞌaisama ꞌacë cupía tëmërati ꞌicëbi Nucën Papa Diosnan ꞌinun ië́minux ca Cristo Jesús ënë menu uacëxa. Uni itsi ꞌicësamairai ꞌuchacë ꞌicëbi ca ainan ꞌinun ꞌë ië́miacëxa.

1 Timoteo 2:10

Usai ꞌiquinma ca uisoquin cara axa Nucën Papa Diosmi catamëti ami cushicë xanun ñu ꞌati ꞌicë, usoquinshi aín nuitu upí ꞌixun ꞌanan nuibaquin ꞌaquinsa ꞌicë raíri ꞌaquinti ꞌicën.

1 Timoteo 2:6

Camabi uníxa aín ꞌucha tërë́ncë ꞌaish Nucën Papa Diosnan ꞌinun ca ꞌitsianxmabi bamacëxa. Usai ca ꞌiacëxa quixun ca aín unicaman Nucën Papa Diosan mëníosabi oquin unicama ñuixunia.

1 Timoteo 6:18

Canan camina ësaquinribi atu cati ꞌain, ënquinma upí ñuishi ꞌanan ca uix cara ñuñuma ꞌaish ꞌaquinsa ꞌicë aribi ñonquinma ꞌaquínti ꞌicë quixun.

Tito 2:7

ꞌImainun camina minribi min ꞌaia isquian usaribi oquin unin ꞌanun upí ñuishi ꞌati ꞌain. Atu ꞌësëquin camina amanu amanua sinánquinma upí oquin Nucën Papa Diosan bana quicësabi oquin ꞌunánmiti ꞌain.

Tito 3:8

Ënë banacamax ca asérabi upí ꞌicën. Usa ꞌaían ax quicësabi oi camabi uni ꞌiti ca asábiira ꞌicën. Usa ꞌain camina axa ami catamëcë unicama Nucën Papa Dios cuëëncësabi oi ꞌiquian ënquinma ñu upíshi ꞌanun upí oquin ꞌësëti ꞌain.

Hebreos 1:3

Nucën Papa Dios ax ca unin sinánsamaira ꞌaish upíira ꞌicën. Usa ꞌain ca aín Bëchicë Jesucristo axribi asaribi ꞌicën. Usa ꞌain ca uisa cara ax ꞌiacëxa quixun ꞌunánquin unin ꞌunánti ꞌicën, aín Papa Dios ax ca asaribi upí ꞌicë quixun. An unio ꞌixun ca an unio ñucama, aín banánbia usabi ꞌinun ꞌimia. Usa ꞌaish ca camabi unin ꞌucha tërë́ncë ꞌinun bamax baísquitancëx, aín Papan nëtënu cuan ꞌaish aín mëqueu abë ꞌApu ꞌicën.

Hebreos 10:24

Camaxunbi cananuna uisai caranuna bëtsibë bëtsibë nuibananan Nucën Papa Dios cuëëncësabi oquin ñu ꞌanun ꞌaquiananti ꞌain quixun sinánti ꞌain. Sinántancëxun cananuna asérabi usoquin ꞌati ꞌain.

Hebreos 9:14

Ñuina rëcë aín imi cupí uni ꞌicësamaira oi cananuna Cristo bama cupí nun ꞌucha tërë́ncë ꞌaish upí ꞌiti ꞌain. Nucën Papa Diosan Bëru Ñunshin Upí, axa usabi ꞌiá ꞌaish usabi ꞌicë, ax abë ꞌain ca Cristo, ax ꞌuchañuma ꞌaíshbi bamatsianxmabi, nun ꞌuchacama tërë́ncë ꞌinun bamacëxa. Xënibua ꞌaínbi abë ꞌitimoinu bamati ꞌicëbi ca nun ꞌuchacama tërë́nquin, ax aín imi ꞌapati bama cupí, Nucën Papa Dios, axa bamatimoi tsócë, a rabinu ax cuëëncësabi oi ꞌinun nu ꞌimia.

Santiago 4:8

Asérabi upiti ami sinani Nucën Papa Diosbë banaquin camina an nuibaquin sinánmicëxun, ax ca mitsubë ꞌicë quixun mitsun nuitu mëu upí oquin ꞌunánti ꞌain. An ñu ꞌaisama ꞌacë unicama, cana mitsu cain: Unia aín mëcën chuañuma ꞌinun mëchucacësaribiquin ca min sinan upí ꞌinun min ñu ꞌatima ꞌacëcama ën. —Nucën Papa Diosnan cana ꞌai —quicë ꞌixunbi ainanma unicaman ꞌacësaribi oquin ënë menu ꞌicë ñuishi sináncë unicama, mitsúxribi ca sinanat, Nucën Papa Dios cuëëncësabi oíshimi ꞌinun.

1 Pedro 1:18

Mitsun raran Jesucristomi sinánti ꞌunánma ꞌaínmi usaribi oquin sinaniabi ca Nucën Papa Diosan ainan ꞌinun ië́miquin mitsu Jesucristomi sinánmiaxa. Camina ꞌunanin, curi ꞌimainun curíqui ꞌimainun bëtsi ñucama axa cëñúti a cupíbi ca Nucën Papa Diosan mitsu ië́micëma ꞌicën.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.

1 Pedro 2:12

An Nucën Papa Diosan bana ꞌunáncëma unicaman isnun camina mitsux upitax bucuti ꞌain. Usaími ꞌia isi ca atux an ñu ꞌatima ꞌacë uni ꞌacësa oquin mitsu ñui ꞌatimati banacë ꞌaíshbi mitsúnmi upí oquin ñu ꞌaia isá ꞌixun anúan an camabi unin ñu ꞌacë isti nëtën Nucën Papa Dios rabiti ꞌicën.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.

1 Pedro 3:18

Ax upí ꞌaíshbi ca Cristo camabi unin ꞌucha cupí achúshitishi bamacëxa, unicama ami catamëti Nucën Papa Diosnan ꞌinun. Uni ꞌaish bamatancëxbi aín namibë aín bëru ñunshin ꞌitëcëni baísquiax ca bëtsi ꞌiacëxa.

1 Juan 1:7

Usa ꞌaínbi cananuna axa ꞌicësaribiti ñu ꞌatima ꞌati sináncëma ꞌianan Nucën Papa Diosbë upí ꞌaish, axa ami catamëcë unicamabëribi upiti nuibananin. Usaínu ꞌia ca an, aín Bëchicë Jesucristo aín imi ꞌapati bama cupí, uisa ñu ꞌai caranuna ꞌuchai, abi nu tërë́nxunia.

1 Juan 1:9

Usa ꞌaínbi cananuna ꞌunánti ꞌain, nun nu nun ꞌuchacama chiquinaxuncëxun ca Nucën Papa Diosan, ax upí ꞌixun ax quicësabi oquin ꞌaquin, nun ꞌuchacama nu tërë́nxunquin upí ꞌinun nu ꞌimiti ꞌicën.

1 Juan 3:2

ꞌËn nuibacë xucë́antu, bërí cananuna Nucën Papa Diosan bëchicë ꞌain. Usa ꞌicëbi ca uisaira caranuna ꞌinuxun ꞌai quixun an nu ꞌunánmicëma pan ꞌicën. Usa ꞌaínbi cananuna ꞌunanin, Jesucristo utëcëncëbëtan cananuna upí oquin uisa cara ax ꞌicë quixun isti ꞌain. A isi cananuna asaribi ꞌiti ꞌain.

Apocalipsis 1:5

An uisaira cara Nucën Papa Dios ꞌicë quixun uni ꞌunánmicë, Jesucristonënribia nuibaquin ꞌaquincëxmi mitsux chuámarua ꞌiti cana cuëënin. Ax utëcëncëbë aín unicamaxribi bama ꞌaíshbi baísquinun, ca ax pain bamatancëx baísquiacëxa. Ax ca ënë nëtënu ꞌicë ꞌapucaman ꞌapu a ꞌicën. An ca nu nuibanan nun ꞌucha cupí aín imi ꞌapati bama ꞌixun nun ꞌuchacama tërë́anan,

Apocalipsis 5:9

Carnero ꞌicësaribitia unin ꞌucha cupí bama, ami bësuax ca cantati ió cantaxa, ësai qui: —Min camina bëtsibë sënë́nmaira ꞌixun a quirica anúan tacáshcacë pëóshxun bacati ꞌain. Mix bamax baísquia ꞌixun camina nucama bëtsi bëtsi unibu, bëtsi bëtsi banan banacë, ꞌimainun camabi nëtënuax ucë, ꞌimainun bëtsi bëtsi ꞌapuñu unicama, Nucën Papa Diosnan ꞌinun ië́mian.