Tito 2:12 - Kashibo-Kakataibo Biblia

¹² Nucën Papa Diosan ca nu ꞌunánmia, nux aín uni ꞌaish cananuna abë upí ꞌaish ax cuëëncëma ñu ꞌati ëni, upíshi ꞌianan axa ami sináncëma unicamaxa ꞌicësai ꞌiti sinanima, ꞌianan ami cushicë ꞌixun, añu ñucama nun ꞌati cara cuëënia ashi ꞌati ꞌai quixun.

Nukën 'Ibu Diosan ain unikama 'inan ain bana

¹² Nucën Papa Diosan ca nu 'unánmia, nux aín uni 'aish cananuna abë upí 'aish ax cuëëncëma ñu 'ati ëni, upíshi 'ianan axa ami sináncëma unicamaxa 'icësai 'iti sinanima, 'ianan ami cushicë 'ixun, añu ñucama nun 'ati cara cuëënia ashi 'ati 'ai quixun.

Tito 2:12 ပူးပေါင်းရင်းမြစ်များ

Salmos 105:45

usakin ꞌakëxuan a tanti banakama ꞌimainun, an ꞌunánmikë banakama kikësabiokin ꞌanun ka usakin ꞌakëxa. ¡Usa ꞌain kananuna ashi rabiti ꞌain!

Ezequiel 36:27

ꞌImianan kana ꞌën Bëru Ñunshin mitsu ꞌinánkin ꞌën bana a tantikama kikësaibimi ꞌinun mitsu ꞌimiti ꞌain,

Mateo 12:32

Axa uni ꞌinux anuax uá ꞌë ñui ꞌatimati banacë uni a ca Nucën Papa Diosan aín ꞌucha tërë́nti ꞌicën. Usa ꞌaínbi ca axa aín Bëru Ñunshin Upí ñui ꞌatimati banacë uni aín ꞌucha Nucën Papa Diosan tërënima, bamatancëxribi ca xënibua ꞌaínbi aín ꞌucha tërë́ncë ꞌitima ꞌicën.

Mateo 16:24

Catancëxun ca aín ꞌunánmicë unicama ësaquin Jesusan cacëxa: —Uix cara ꞌën uni ꞌiisa tania an ca a ꞌai bamanuxunbi ꞌëmi catamëti quicë bana ënquinma ꞌati ꞌicën.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Lucas 1:6

Zacarías ꞌimainun Elisabet a rabëtax ca Nucën Papa Diosan iscëx aín nuitu upí ꞌiacëxa. Upí ꞌixun ca Nucën ꞌIbu Diosan banacama cuaquin an cacësabi oquin upí oquin ꞌacëxa. Usa ꞌain ca uinu ꞌicë uníxbi a ꞌatimaquin ñui ami manánma ꞌicën.

Lucas 1:75

Usaquian ië́micëxun cananuna an iscë nun nuitu upí ꞌixun, ax cuëëncësabi oquin ꞌaquin, camabi nëtë nun bamati nëtë utámainun a rabiti ꞌain.

Juan 14:30

Ënë banacamaishi cana mitsu cain. An ënë menu ꞌicë unicama ax cuëëncësa oquian ꞌanun ꞌamicë ꞌapu ca aia. Usa ꞌain cana bana itsiribi ñuiquin mitsu caiman. Uxunbi ca an ꞌë uisoima.

Juan 6:25

Usa ꞌain ca ꞌucë manan cuanxun bariquin mëraquin Jesús cacëxa: —¿Uinsaran caramina ënu uan?

Hechos 24:16

Usaquin sináncë ꞌaish cana Nucën Papa Diosmi ꞌuchaima ꞌianan uisa unimibi ꞌuchaima ꞌiisa tanin. Usai ꞌinuxun cana camabi nëtën ñu ꞌatima ꞌaquinma ñu upíshi ꞌain.

Hechos 24:25

Camicëx uxuan, Jesucristomi catamëtia uni, aín ꞌuchacama tërë́ncë ꞌaish Nucën Papa Dios cuëëncësabi oi ꞌiti bana ñuixuanan ꞌatima ñu ꞌatëcëinsa tanquinbi tënëti banaribi ñuixuanan aín ñu ꞌatima ꞌacë cupía unin paë tanquin tëmërati bana ñuixuncëxun cuati ratúquin ca Felixnën Pablo cacëxa: —Camina cuanti ꞌain. A ꞌën ꞌati ñu ꞌaíma ꞌain cana amiribishi mi camitëcënti ꞌain.

Romanos 12:2

An ënë nëtënu ꞌicë ñuishi sináncë unicaman sináncësa oquin camina sinántima ꞌain. Usaquin sinánquinma camina sinanaquin uisairaimi upí ꞌiti cara Nucën Papa Dios cuëënia, usai ꞌiti ꞌunánan an ꞌaquincëx usai ꞌiti ꞌain.

Romanos 6:12

Usa ꞌixun camina ꞌuchañu ꞌaish ꞌatima sinánñu ꞌixun mitsun sináncësa oquinshi ꞌaisama ñu ꞌatima ꞌain.

Romanos 6:19

Mitsúxmi unin sináncësa oquin sináncë ꞌicë cana mitsúnmi cuaisa banáinshi mitsu ñuixunin. Bëráma camina mitsun mëcën, mitsun taë, mitsun namicama anun ñu ꞌatima ꞌatishi sinánquin usoquinshi ꞌacën. Usoquin ꞌá ꞌixunbi camina bërí mitsun mëcën, mitsun taë, mitsun namicama anun ñu upíshi ꞌati sinánquin usoquinshi ꞌati ꞌain, usaquinmi ꞌacëbëa Nucën Papa Dios cuëënun.

Romanos 8:13

Axa ënë nëtënu ꞌicë ñuishi sinani aín cuëëncësa oíshi ꞌicë uni ax ca Nucën Papa Diosnanma ꞌaish abë ꞌitima ꞌicën. Usa ꞌaínbi ca an Nucën Papa Diosan Bëru Ñunshin Upitan sinánmicësabi oquin ñu ꞌatima ꞌati ëncë uni, ax cuni ainan ꞌaish Nucën Papa Diosbë ꞌiti ꞌicën.

2 Corintios 1:12

Cananuna asérabi ꞌunanin, Nucën Papa Diosan ꞌimicëx nun nuitu upí ꞌixun cananuna unicama paránquinma ñu upíshi ꞌa quixun. Unicaman ca usaínu ꞌia nu isaxa. Uni itsían nu iscësamaira oquin camina usaínu ꞌia mitsun nu isacën. Usaquin sinani cananuna cuëëinra cuëënin. Nunbi unin sináncësa oquin sinani cananuna usai ꞌicëma ꞌain. Nucën Papa Diosan nu nuibaquin ꞌaquincëxëshi cananuna usai ꞌian.

2 Corintios 7:1

ꞌËn nuibacë xucë́antu, a banacama nun cuanun ca Nucën Papa Dios quiacëxa. A banacama ꞌunánquin cananuna nun sinanën upíira oquin sinánan nun nuituribi upí ꞌianan nun ꞌacë ñuribi upí ꞌinun camabi nëtën bërúancati ꞌain. Usai ꞌi cananuna aín bana cuati ainanshi ꞌaish ax cuëëncësabi oíshi ꞌiti ꞌain.

Gálatas 1:4

Ënë menu ꞌicë ñuishi ꞌatia an sináncë unicaman ꞌacësaribi oquin ñu ꞌatima ꞌati rabanan nu ië́mi ca ax bamatsianxmabi nun ꞌucha cupí bamacëxa, Nucën Papa Dios cuëëncësabi oi.

Gálatas 5:24

Cristo nun ꞌucha cupí i curúsocënu bama ꞌain cananuna nun nu ñunshínquin ꞌasaribi oquin ꞌatëcënuxunma ñu ꞌatimacama ëan.

Efesios 1:4

Mecama uniocëma ꞌixunbi ca Nucën Papa Diosan Cristo cupínu an iscëx ꞌuchañuma ꞌianan ainanshi ꞌinun nu caísacëxa.

Efesios 2:2

Ënë nëtënu ꞌicë ñuishia an sináncë unicaman sináncësa oquinshi sinánquin camina ñu ꞌaisama ꞌacën, ñunshin ꞌatimanën ꞌapu cuëëncësabi oquin. An ca an Nucën Papa Diosan bana cuaisama tancë unicama ax cuëëncësabi oquin ꞌanun sinánmia. Usaribiti camina mitsux an sinánmicë ꞌiacën.

1 Tesalonicenses 4:7

Nucën Papa Diosan ca usaquin ñu ꞌatima ꞌanux ainan ꞌinun nu ꞌimicëma ꞌicën. Ama. Ax cuëëncësabi oquin ꞌai upíshi ꞌinun ca nu ainan ꞌimiaxa.

1 Tesalonicenses 4:9

Nucën Papa Diosan ꞌunánmicëxunmi upí oquin ꞌunáncë cupí cana, axa Jesucristomi catamëcë unicamax ca bëtsibë bëtsibë nuibananti ꞌicë quixun mitsu cuënëoxuniman.

1 Timoteo 4:12

Usoquin ꞌanan camina mix mëcó unima cupía unin timaquin min bana cuaisama tanti rabanan upí uni ꞌiti ꞌain. Mixmi ꞌicësaribitia axa Jesucristomi catamëcë unicamaxribi upí ꞌinun camina upiti bananan, upitishi ꞌianan, unicama nuibanan, uisa ñu cara ꞌicëbëbi Jesucristomi catamëanan, min xanuma ꞌain xanubë ꞌitima ꞌain.

1 Timoteo 6:17

Axa Jesucristomi catamëcë uni, ꞌitsa curíquiñu ꞌimainun ꞌitsa ñuñu ꞌicë camina ësaquin cati ꞌain: Curíquiñu ꞌixun camina —ꞌëx cana ñuñuira ꞌaish bëtsi unisama ꞌai —quixun sinántima ꞌain. Curíqui ꞌimainun ñucamaxribi ca nëtë́ti ꞌicën. Usa ꞌain camina min curíquimi catamëquin —uínbi ca ꞌë uisoima, añu ñu carana ꞌaisa tani a cana ꞌati ꞌai —quixun sinántima ꞌain. Usaquin sinánquinma camina Nucën Papa Dios an bamatimoi tsócë ꞌixun, anun nux chuámarua bucunun camabi ñu nu ꞌináncë, amishi catamëti ꞌain.

1 Timoteo 6:9

Axa ꞌaisamaira ñuñu ꞌiti cuëëncë uni a ca ñunshin ꞌatimanën ꞌapun ñu ꞌaisama ꞌanun sinánmia. Sinánmicëxun ca a unicaman, uni sinánñuman ꞌacësaribi oquinshi ꞌati ꞌicën. Atúan usoquin sináncë cupí ca an ꞌaisama ñu ꞌatishi sináncë unicamax, aín sinan ñancáishi ꞌaish xënibua ꞌaínbi Nucën Papa Diosbë ꞌitimoi bamanuxun ꞌaia.

2 Timoteo 3:12

Asérabi ca axa Cristo Jesús quicësabi oi ꞌiisa tancë unicama unin bëtsi bëtsiocëx tëmërati ꞌicën.

2 Timoteo 4:10

Demas ax ca ënë menu ꞌicë ñuishi ꞌaisamaira cuëëni, ꞌë ëbiani Tesalónica ëmanu cuanxa. Crescente axribi ca Galacia menu cuanxa. Cuanmainun ca Titoxribishi Dalmacia menu cuanxa.

Tito 3:3

Nuxribi cananuna sinánñuma ꞌaish Nucën Papa Diosan bana quicësabi oi ꞌiáma ꞌain. Usa ꞌaish cananuna ñu ꞌatimaishi ꞌanúan bëtsi unin sinánmicëxun ꞌanan nunbi sinani nux cuëëncësabi oi ñunshini ꞌiacën. ꞌAisama ñuishi ꞌanan cananuna bëtsi unimi nutsianan numia uni nishcëx abë nishanancën.

Hebreos 8:11

ꞌËn unicaman ca ꞌë ꞌunánti ꞌicën. Ñu ꞌunáncëma ꞌimainun ñu ꞌunáncë uni, apan ꞌimainun xucamanribi ca ꞌë ꞌunánti ꞌicën. Usa ꞌain ca uinu ꞌicë unínbi bëtsi uni, aín xucë́nbi, abë ꞌicë unibi cacëxunmabi atúnbi ꞌë ꞌunánti ꞌicën.

Santiago 1:27

An Nucën Papa Dios cuëëncësabi oquin ꞌacë unin ca ësaquin ꞌati ꞌicën: Papañuma titañuma tuácama ꞌimainun casunamëcë xanucamaribi ꞌaquinsa ꞌianan masá nuitutia isquin ca ꞌaquinti ꞌicën. ꞌAquianan ca an Nucën Papa Diosmi sinánquinma ënë menu ꞌicë ñuishi sináncë unin ꞌacësaribi oquin ñu ꞌaisama ꞌatima ꞌicën.

2 Pedro 2:9

A unicama atun ꞌucha cupí Nucën ꞌIbu Diosan ꞌatimocëbëbia Noé ꞌiásaribiti Lot ië́a, a sinánquin cananuna ꞌunánti ꞌain, Nucën ꞌIbu Diosan ca axa ami catamëti ax quicësabi oi ꞌicë unicama, uisa ñu cara ꞌicëbëtanbi ië́miti ꞌicë quixun. Usonan ca an ñu ꞌatima ꞌacë unicama ië́miquinma, anúan an camabi uni isti nëtë utámainun tëmëranun ënti ꞌicën.

2 Pedro 3:11

Usai ca ñucama cëñúti ꞌicë quixun sinani camina Nucën Papa Dios quicësabi oi ꞌi uisaíbi ꞌuchaima bucuti ꞌain.

1 Juan 2:27

Atúxa usa ꞌaínbi ca Jesucristonën aín Bëru Ñunshin Upí mitsubëa ꞌinun ꞌináncë, ax mitsubë ꞌixun uni itsían ꞌunánmiamabi an mitsu ꞌunánmia. An mitsu ꞌunánmicë ñux ca asérabi ꞌaish cëmëma ꞌicën. Usa ꞌain camina aín Bëru Ñunshin Upitan ꞌunánmiquin sinánmicësabi oi camabi nëtën Cristobë ꞌiti ꞌain.

1 Juan 2:6

Usa ꞌain ca axa —ainan ꞌaish abë ꞌicë ca Nucën Papa Diosan ꞌë sinánmia —quicë uni, ax Jesucristo ꞌiásaribiti ꞌiti ꞌicën.

1 Juan 5:19

Cananuna ꞌunanin, nuxnu Nucën Papa Diosnan ꞌaínbi ca camabi menu ꞌicë unicamax ainanma ꞌaish ñunshin ꞌatimanën ꞌapunan ꞌicë quixun.

Judas 1:18

ësaquian mitsu cacë: Jesucristo utëcënti nëtëa ꞌurama ꞌain ca ꞌitsa unin Nucën Papa Diosan banami cuaiquin, aín sináncësa oquinshi ñu ꞌatima ꞌati ꞌicën.

Apocalipsis 14:12

Usa ꞌain ca Nucën Papa Diosan unicama, an aín bana quicësabi oquin ꞌanan Jesúsmi catamëcë, acaman uisai cara ñu ꞌicëbë tëmëraquinbi asérabi ami sinánti ëntima ꞌicën.