Tito 2:10 - Kashibo-Kakataibo Biblia

¹⁰ ꞌAnan camina a unicama ësaquin ꞌunánmiti ꞌain, an iscëxun ꞌananbia an ñu mëëmicë unían iscëxunmabi, ñu mëcamaquinma upí oquinshi ñu mëënun. Atúxa usai ꞌicëbëtan ca camabi unin —Nucën Papa Dios, an uni ainan ꞌinun ië́micë, aín unicamax ca asérabi upí ꞌicë —quixun ꞌunánti ꞌicën.

Nukën 'Ibu Diosan ain unikama 'inan ain bana

¹⁰ 'Anan camina a unicama ësaquin 'unánmiti 'ain, an iscëxun 'ananbia an ñu mëëmicë unían iscëxunmabi, ñu mëcamaquinma upí oquinshi ñu mëënun. Atúxa usai 'icëbëtan ca camabi unin —Nucën Papa Dios, an uni ainan 'inun ië́micë, aín unicamax ca asérabi upí 'icë —quixun 'unánti 'icën.

Tito 2:10 ပူးပေါင်းရင်းမြစ်များ

Mateo 24:45

Anun ꞌëx utëcënti nëtë ca ësaribi ꞌiti ꞌicën. Achúshi unin ca aín xubunu ꞌicëcama upí oquin piminun quixun aín ñu mëëmicë unicama achúshi caísaxa. Caísquin ca —an ca asérabi ꞌën cacësabi oquin ꞌati ꞌicë —quixun sinánxa. Sinánquin usoquian ñu ꞌanun quixun catancëx ca bëtsi menu cuanxa.

Mateo 5:16

Usaribi oquin camina mitsun mibë ꞌicë unicama upiti bucuti ꞌunánun ꞌaquincë ꞌaish lamparínsaribi ꞌiti ꞌain. Mitsun ñu upí ꞌaia isquin ca cuëënquin a unicaman min Papa Dios naínu ꞌicë a rabiti ꞌicën.

Lucas 1:47

ꞌËn ꞌIbu Dios an ainan ꞌinun ꞌë ië́micë, a sinani cana cuëëinra cuëënin.

Lucas 1:80

Usa ꞌaish ca cani a tuá aín sinan upí ꞌiacëxa. Usa ꞌaish ca anúan Israel unicama bana ñuixunti nëtëa sënë́ntamainun anu uni ꞌicëma menu ꞌiacëxa.

Lucas 16:10

ꞌItsama curíquiñu ꞌixunbia nëtë́miquinma upí oquin sinánquin, anun upí ñu ꞌacë uni an ca ꞌitsa curíquiñu ꞌixun usabi oquin upí oquin sinánquin nëtë́miquinma anun upí ñu ꞌati ꞌicën. ꞌImainun ca ꞌitsama curíquiñu ꞌixunbia nëtë́mianan upí oquin sinánquinma anun ꞌaisama ñu ꞌacë uni, an ꞌitsa curíquiñu ꞌixun usabi oquin nëtë́mianan anun ꞌaisama ñu ꞌati ꞌicën.

Juan 12:6

Asérabi ñuñuma unicama nuibati sinani ca usai Judas quiáma ꞌicën. Ax an curíqui mëcamacë uni ꞌixun, anua Jesusan aín ꞌunánmicë unicamabëtan curíqui ꞌarucë burasa bërúanquin, anua curíqui mëcamacë ꞌaish ca usai quiacëxa.

1 Corintios 4:2

Uinu ꞌicë unin cara uni ñu mëëxunia an ca —upí oquin ca ñu mëëxunia —quixuan an ñu mëëmicë unin ꞌunánun upí oquin ñu mëëti ꞌicën. Usaribi ca an Nucën Papa Diosan bana ñuixuncë uni ꞌiti ꞌicën.

Efesios 4:1

Usa ꞌain cana ꞌëx ainan ꞌixun Nucën ꞌIbu Jesucristo ñuiquin bana ñuixuncë cupí sipuacë ꞌixun mitsu cain, an caíscë aín unicamaxa usai ꞌiti oquian Nucën Papa Diosan mënóisabi oi camina ax cuëëncësabi oíshi ꞌiti ꞌain.

Filipenses 1:27

Ësaíshi ꞌiti camina sinánti ꞌain, ainan ꞌaish camina Cristo quiásabi oi ꞌiti ꞌain. ꞌËx mitsu isi cuananbi, cuanquinmabi cana, mitsux camina bëtsibë nuibanani Jesucristomi catamënun ꞌaquianani quixuan unin ñuia cuaisa tanin.

Filipenses 4:8

ꞌËn xucë́antu, ësaquinshi cana mitsu cain, unían ësa ñu ꞌaia isquin camina mitsun —ax ca asábi ꞌicë —quixun sinánti ꞌain, cëmëma banacama ꞌimainun —upí ca —quixun ñuicë ñucama, ꞌimainun uni itsi paránquinma upí ñu ꞌacë, ꞌimainun ñu ꞌatima ꞌati sinánquinma upíshi ꞌiti sináncë, ꞌimainun bëtsibë upiti nuibananti, acama ꞌimainun rabiquian unin —upí ca a uni ꞌicë —quixun mitsu ñuixuncë, acama. ꞌImainun camina uisa ñu ꞌati cara upí ꞌicë, uisa ñu ꞌati ñui cara —asábi ca —quiax uni quiti ꞌicë, acama sinánti ꞌain.

1 Timoteo 1:1

ꞌËx cana Pablo, aín bana uni ñuixunuan Jesucristonën caísa ꞌain. Usa ꞌinun ca Nucën Papa Dios, an nu ainan ꞌinun ië́micë, abëtan Jesucristo, an nu asaribi ꞌiminunu nun caíncë an mëníocëxa.

1 Timoteo 5:17

Aín cushían upí oquin ꞌaquincëxun ca axa Jesucristomi catamëcë unicaman ami sinánquin nuibaquin aín bana cuati ꞌicën. Usa ꞌixun ca bëtsi ꞌacësamaira oquin an bana ñuixuanan upí oquin ꞌunánmicë, ami sinánquin nuibanan upíira oquin aín bana cuati ꞌicën.

1 Timoteo 6:1

An uni ñu mëëxuncë uni, ax Jesucristomi catamëcë ꞌixun ca an ñu mëëmicë uni ñuiquinma upíxuinshi ñu mëëxunti ꞌicën, unían Nucën Papa Dios ñuianan aín banaribi ꞌatimaquin ñuiti rabanan.

1 Timoteo 6:3

Ui unin cara unínbi sináncë bana uni ꞌunánmiquin Nucën ꞌIbu Jesucristonën ñuicë bana, anun uni ië́ti, a ꞌimainun an sinánmicëxuan aín unicamanribi ñuicë bana cuaisama tania,

Tito 1:3

An mëníosabi oquin ca anúan unicama ënë ñucama ꞌunánti nëtëa ꞌicëbëtan aín unicaman bana ñuixuncëxun camabi unin cuanun mëníoquin, ꞌënribi uni aín bana ñuixunun Nucën Papa Diosan ꞌë caísacëxa. An ca Cristomi catamëtia ainan ꞌinun unicama iëmia.

Tito 3:4

Usaínu ꞌiá ꞌicëbi ca Nucën Papa Dios, an nu ainan ꞌinun ië́miti, an, an ca upíira ꞌixun nu nuibatia quixun nu ꞌunánmiacëxa.

1 Pedro 2:12

An Nucën Papa Diosan bana ꞌunáncëma unicaman isnun camina mitsux upitax bucuti ꞌain. Usaími ꞌia isi ca atux an ñu ꞌatima ꞌacë uni ꞌacësa oquin mitsu ñui ꞌatimati banacë ꞌaíshbi mitsúnmi upí oquin ñu ꞌaia isá ꞌixun anúan an camabi unin ñu ꞌacë isti nëtën Nucën Papa Dios rabiti ꞌicën.

1 Pedro 3:16

A sinani masá nuitunuxun ñu ꞌatima ꞌaíma camina chuámashi ꞌiti ꞌain. Usaími mitsux Cristonën ꞌimicëx upitax ꞌia isi ca an mitsu ꞌatimaquin ñuicë unicama —nuxnu quicë bana ax ca cëmë ꞌicë —quixun sinani rabínti ꞌicën.

2 Juan 1:9

Ui unin cara Cristonën bana quicësabi oquin ꞌaquinma ax cuëëncësa oquinshi ꞌaia abëma ca Nucën Papa Dios ꞌicën. Usa ꞌaínbi ca axa Cristonën bana quicësabi oi ꞌicë uni abë cuni Nucën Papa Dios ꞌimainun aín Bëchicë Jesucristo ꞌicën.