Tito 2:1 - Kashibo-Kakataibo Biblia

¹ Usa ꞌaínbi camina, an upí oquin min bana cuacë unicama a Nucën Papa Dios cuëëncësabi oishía ꞌinun bëtsi bana ñuixunquinma Jesucristo ñuicë banaishi upí oquin ñuixunti ꞌain.

Nukën 'Ibu Diosan ain unikama 'inan ain bana

¹ Usa 'aínbi camina, an upí oquin min bana cuacë unicama a Nucën Papa Dios cuëëncësabi oishía 'inun bëtsi bana ñuixunquinma Jesucristo ñuicë banaishi upí oquin ñuixunti 'ain.

Tito 2:1 ပူးပေါင်းရင်းမြစ်များ

1 Timoteo 1:10

aín xanuma ꞌaínbi xanubë ꞌicë unicama, aín bënëma ꞌaínbi unibë ꞌicë xanucama, xanúxmabi unibë ꞌicë unicama, an ñu mëcamacë unicama, cëmëcë unicama, axa anun Nucën Papa Diosbë upí ꞌiti bana, ënë́xa quicë ñucama cuëëncëma unicama. Ësa ñu ꞌacë unicaman —usai ꞌiti ca ꞌaisama ꞌicë —quixun ꞌunánun ca Nucën Papa Diosan uni aín bana ꞌináncëxa.

1 Timoteo 6:3

Ui unin cara unínbi sináncë bana uni ꞌunánmiquin Nucën ꞌIbu Jesucristonën ñuicë bana, anun uni ië́ti, a ꞌimainun an sinánmicëxuan aín unicamanribi ñuicë bana cuaisama tania,

2 Timoteo 1:13

ꞌËn mi ñuixuncë banacama quicësabi oquin camina manuquinma ꞌati ꞌain. ꞌAnan camina ainan ꞌicëa Cristo Jesusan mibë ꞌixun cushiocëx ami catamëti camabi uni nuibacë ꞌiti ꞌain.

Tito 1:9

Atun ca nun ñuixuncë bana upí oquin cuacë ꞌixun bëtsi uniribi a bana cuanun ꞌunánmiti ꞌicën. ꞌUnánmianan ca a bana ca cëmë ꞌicë quixuan an sináncë unicamaribi sinanamiti ꞌicën.

Tito 3:8

Ënë banacamax ca asérabi upí ꞌicën. Usa ꞌaían ax quicësabi oi camabi uni ꞌiti ca asábiira ꞌicën. Usa ꞌain camina axa ami catamëcë unicama Nucën Papa Dios cuëëncësabi oi ꞌiquian ënquinma ñu upíshi ꞌanun upí oquin ꞌësëti ꞌain.

1 Pedro 4:11

Uix cara banati ꞌicë, ax ca Nucën Papa Diosan sinánmicësabi oi banati ꞌicën. Uin cara raíri uni ñu ꞌaxunia an ca Nucën Papa Diosan cushiocëxun upí oquin ꞌati ꞌicën. Usoquin camina Jesucristonan ꞌixun, añu ñu caramina ꞌai a Nucën Papa Diosa cuëëntanun ꞌati ꞌain. Ax ꞌApuira ꞌaish cushiira ꞌicë ca camabi unin rabiti ꞌicën, nëtë xënibua ꞌaínbi. Usaquin ca ꞌati ꞌicën.