Tito 1:8 - Kashibo-Kakataibo Biblia

⁸ Usai ꞌiquinma ca a isi aia cuëënquin uni biti ꞌicën. Añu ñucamax cara upí ꞌicë ashi ꞌati ca sinánti ꞌicën. Upí oquin sináncë ꞌixun ñu ꞌatima ꞌacëma ca ꞌiti ꞌicën. Nucën Papa Diosan bana quicësabi oi ca ꞌaisama ñu ꞌaíma upíshi ꞌiti ꞌicën.

Nukën 'Ibu Diosan ain unikama 'inan ain bana

⁸ Usai 'iquinma ca a isi aia cuëënquin uni biti 'icën. Añu ñucamax cara upí 'icë ashi 'ati ca sinánti 'icën. Upí oquin sináncë 'ixun ñu 'atima 'acëma ca 'iti 'icën. Nucën Papa Diosan bana quicësabi oi ca 'aisama ñu 'aíma upíshi 'iti 'icën.

Tito 1:8 ပူးပေါင်းရင်းမြစ်များ

1 Reyes 5:1

Usa ꞌain ka Tiro ëmanu ꞌikë ꞌapu Hiram an bërámabi Salomónnën papa David a ꞌunánkë ꞌiakëxa. Usa ꞌixun ka Salomón ka Israel unikaman aín papa ꞌasaribiokin atun ꞌapu ꞌinun ꞌimiaxa kixun ñuikania kuakëxa, kuaxun ka aín unikama anu kuanxua Israel unikaman bërí anëkë ꞌapu istánun kixun xuakëxa.

1 Reyes 5:7

Usokian kakëx ka Tironuaxa ukë unikamax atun ëmanubi rikiankëxa, rikianxun ka Salomónnëa kamikë banakama ꞌapu Hiram ñuixuankëxa. Ñuixunkëxun kuati ka ꞌitsaira kuëëankëxa kuëëni ka, munuma banai kiakëxa: ¡Nukën ꞌIbu Dios ax ka bërí upíokin rabikë ꞌiti ꞌikën, an ka David aín bakë bëchikë achúshi ꞌinánkëxa, kanitankëxuan a tuakëx sinánñuira ꞌixun aín aintsikamabi ax ꞌapu ꞌixun ꞌakinun ꞌimiakëxa!

Salmos 16:3

Ënë menuxun rabikankë dios ax isa kushiira ꞌikë, kiax ka aín unikamax kia,

Amós 5:15

¡ꞌAtima ñu a timakin kamina! ¡Upí ñuishi ꞌati ꞌain! anuxun bana mëníoti anuxun kamabi upíokin ꞌakinkëbë; sapi ka Dios, kamabi kushiñu ax mitsubë ꞌiti ꞌikën, usai ꞌikin ka axa raíri këñumainun tsókëpan Israel unikama a nuibati ꞌikën.

Lucas 2:25

Jerusalénu ꞌicë uni achúshi ax ca Simeón caquin anëcë ꞌiacëxa. A unix ca upí nuituñu ꞌixun a rabianan Nucën ꞌIbu Dios quicësabi oquin ꞌacë ꞌiacëxa. Usa ꞌixun ca an Israel unibu chuámashirua ꞌimiti, axa uti caíancëxa. Usa ꞌain ca abë Nucën Papa Diosan Bëru Ñunshin Upí ꞌiacëxa.

Hechos 24:25

Camicëx uxuan, Jesucristomi catamëtia uni, aín ꞌuchacama tërë́ncë ꞌaish Nucën Papa Dios cuëëncësabi oi ꞌiti bana ñuixuanan ꞌatima ñu ꞌatëcëinsa tanquinbi tënëti banaribi ñuixuanan aín ñu ꞌatima ꞌacë cupía unin paë tanquin tëmërati bana ñuixuncëxun cuati ratúquin ca Felixnën Pablo cacëxa: —Camina cuanti ꞌain. A ꞌën ꞌati ñu ꞌaíma ꞌain cana amiribishi mi camitëcënti ꞌain.

1 Tesalonicenses 2:10

Mitsun camina ꞌunanin, Nucën Papa Diosanribi ca ꞌunania, nux cananuna mitsúxmi Jesucristomi catamëcë ꞌain mitsubë ꞌixun uisa ñu ꞌatimabi ꞌaima upí ꞌia quixun. Usai ꞌia ca uinu ꞌicë unínbi nu ꞌuchocëma ꞌicën.

1 Timoteo 3:2

Usa ꞌain ca axa Jesucristomi catamëcë unicaman cushi ax ësa uni ꞌiti ꞌicën: Ca ꞌiti ꞌicën, —ꞌaisama ca —quixun unin ñuicëma, xanu achúshiñuishi, upí sinánñu, cuaibë banacëma, upí oquin sináncë ꞌixun ñu ꞌatima ꞌacëma. ꞌIanan ca a isi aia cuëënquin uni bicë ꞌianan Nucën Papa Diosan bana ꞌunánmiti ꞌunáncë ꞌiti ꞌicën.

1 Timoteo 4:12

Usoquin ꞌanan camina mix mëcó unima cupía unin timaquin min bana cuaisama tanti rabanan upí uni ꞌiti ꞌain. Mixmi ꞌicësaribitia axa Jesucristomi catamëcë unicamaxribi upí ꞌinun camina upiti bananan, upitishi ꞌianan, unicama nuibanan, uisa ñu cara ꞌicëbëbi Jesucristomi catamëanan, min xanuma ꞌain xanubë ꞌitima ꞌain.

1 Timoteo 6:11

Uni raírinëan ꞌaisamaira ñuñu ꞌianan curíquiñu ꞌiti cuëëncë cupí ꞌatima ñu ꞌacëbëbi camina mix Nucën Papa Diosmi catamëcë ꞌaish atumi ꞌunánti ꞌain. ꞌUnánquin camina upí sinánñu ꞌixun Nucën Papa Dios cuëëncësabi oquin ꞌanan, ami catamëti unicamabë nishánanima nuibananan, uisa ñu cara ꞌicëbëbi bënëtima ꞌianan, rabitima cuëmëninishi banati ꞌain.

2 Timoteo 2:22

Bëná unicaman ñunshínquin ñu ꞌacë, usaribi oquin ꞌati sinántima cupí camina atumi ꞌunánti ꞌain. Usai ꞌi camina axa aín nuitu upí ꞌaish Nucën ꞌIbu Diosbë banacë unicamabëtan upí ñuishi ꞌanan Jesucristomi catamëti, abë nuibanani pëcananíma chuámashi ꞌiti ꞌain.

2 Timoteo 3:3

Usa ꞌaish ca bëtsibë nuibanainsama tanan aín ami nishcë uniribi abë mëníonantëcëinsama tanti ꞌicën. Usai ꞌiquin ca cëmëi bëtsimi manánan ñunshinacëquin aín sináncë ñuishi ꞌati ꞌicën. ꞌAnan ca sinánñuma ꞌixun raíri uni tëmëramiti ꞌicën. Usai ꞌiquin ca uisa ñux cara upí ꞌicë a ꞌaisama tanti ꞌicën.

Tito 2:7

ꞌImainun camina minribi min ꞌaia isquian usaribi oquin unin ꞌanun upí ñuishi ꞌati ꞌain. Atu ꞌësëquin camina amanu amanua sinánquinma upí oquin Nucën Papa Diosan bana quicësabi oquin ꞌunánmiti ꞌain.

1 Juan 3:14

Nux ꞌicësaribitia ax Jesucristomi catamëcë unicama nuibacë ꞌixun cananuna ꞌunanin, nux ainanma ꞌiá ꞌaíshbi cananuna bërí Nucën Papa Diosnan ꞌai quixun. An uni itsiribi nuibacëma uni ax ca Nucën Papa Diosnanma ꞌaish usabi ꞌicën.

1 Juan 5:1

An —Jesús ax ca Cristo, axa utia judíos unicaman caían, Nucën Papa Diosan Bëchicë, a ꞌicë —quixun sináncë unicamax ca Nucën Papa Diosan bëchicëribi ꞌicën. Uicamax cara Nucën Papa Diosmi sinania ax ca aín bëchicëcamamiribi sinania.

1 Samuel 18:1

Usa ꞌain ka David ꞌimainun Saúl banatankëx sënë́nkëbë, Jonatán upiti Davidbë ꞌunánankëxa, usai ꞌiax ka upiti nuibanairakëxa.