Tito 1:3 - Kashibo-Kakataibo Biblia

³ An mëníosabi oquin ca anúan unicama ënë ñucama ꞌunánti nëtëa ꞌicëbëtan aín unicaman bana ñuixuncëxun camabi unin cuanun mëníoquin, ꞌënribi uni aín bana ñuixunun Nucën Papa Diosan ꞌë caísacëxa. An ca Cristomi catamëtia ainan ꞌinun unicama iëmia.

Nukën 'Ibu Diosan ain unikama 'inan ain bana

³ An mëníosabi oquin ca anúan unicama ënë ñucama 'unánti nëtëa 'icëbëtan aín unicaman bana ñuixuncëxun camabi unin cuanun mëníoquin, 'ënribi uni aín bana ñuixunun Nucën Papa Diosan 'ë caísacëxa. An ca Cristomi catamëtia ainan 'inun unicama iëmia.

Tito 1:3 ပူးပေါင်းရင်းမြစ်များ

Isaías 45:15

ꞌAínbi kamina mix achúshi Dios istima, an Israel unikama ië́mikë a ꞌain.

Isaías 45:21

Usa ꞌain ka timë́kankë ꞌain añu karamina mitsun a ax kiti uni anu ꞌiti ꞌikën, ax ka uin kara ësokin ꞌati sinánxun axa kiax bëtsibë bëtsibë ñukákananti ꞌikën: ¿Uin kara bërámabi ënë ñukama ꞌisama ꞌaínbi kitabati usai ka ñu ꞌinuxun ꞌaia kiax kiakëx? ¿Uixira kara bërámabi usaía ñu ꞌiti ñui ꞌitabakëbë usai ka ꞌinuxun ꞌaia kiakëx? ¿ꞌËx karana min ꞌIbu ꞌaish axa a ñukama ñui kia ꞌama ꞌain? Usa ꞌain ka ꞌësaribi Dios uinubi ꞌaíma ꞌikën. Uinubi ka ꞌësaribi Dios an ain unikama bëtsibë ꞌakanania kananmikin ië́mikë ꞌaíma ꞌikën.

Daniel 9:24

Setenta semana ax ka (cuatrocientos noventa baritia inuti ñui kikë ꞌikën) min unikama ꞌimainun min ëma upí a inuti ꞌikën, inutankëxun ka ax bana kuaisama tani ꞌikëkama ꞌimainun aín ꞌuchakë kamaribi ënti ꞌikën. Usai ꞌia ka Diosan aín ꞌuchakëkama unikama tërënxunti ꞌikën, usakin ꞌakin ka uníxa bëtsibë bëtsibë xënibua ꞌaínbi nuibananti a nanti ꞌikën. Usai ka min namákësokin iskë ꞌimainun an bana ñuikë Jeremías ax kiásabi oi ꞌiti ꞌikën, ꞌianan ka upíira kakë anu ꞌikë ax upíira ꞌitánun mëníokë ꞌiti ꞌikën.

Habacuc 2:3

Kamina kuënëoti ꞌain, anúan ꞌiti nëtë ka ꞌikëmapan ꞌikën, usa ꞌaínbi kana anúan ꞌiti nëtë ꞌikëbëtan mi ismiti ꞌain; ꞌaínbi kana ꞌëx kikësa okinbi ꞌati ꞌain. Usa ꞌain kamina min basikëbëtanbi uisaran kara a ñukama ꞌia kaínti ꞌain. Usa ꞌain ka anúan ꞌiti nëtë aka ꞌiti ꞌikën.

Marcos 1:15

Ñuibiani cuani ca ësai quiacëxa: —Anun Nucën Papa Diosan ainan ꞌiti unicama aín uni ꞌimiti nëtë ca ꞌurama ꞌicën. Mitsux ami sináncë ꞌixunmabi sinanati ca anun aín uni ꞌinux ië́ti bana sinan.

Marcos 13:10

Usaía ꞌicëma pan ꞌain ca camabi menuxun uisai cara uni Nucën Papa Diosnan ꞌiti ꞌicë quiáxa quicë bana unin ñuixunti ꞌicën.

Marcos 16:15

Usaquin caxun ca atu cacëxa: —Camabi menu cuanquin camina, ꞌëmi catamëti, aín ꞌucha tërë́ncë ꞌaish ca uni Nucën Papa Diosnan ꞌiti ꞌicë quixun camabi unían ꞌunánun, bana ñuixunti ꞌain.

Lucas 1:47

ꞌËn ꞌIbu Dios an ainan ꞌinun ꞌë ië́micë, a sinani cana cuëëinra cuëënin.

Hechos 10:36

Nucën Papa Diosan ca Israel unicama aín bana ñuixunquian Jesucristo ax ca camabi unin ꞌibu ꞌixun an nu chuámarua ꞌimiti a ꞌicë quixun ñuixunun aín unicama xuaxa.

Hechos 17:26

An ca achúshi uni aín rëbúnquicamaxa mecamanu tsónun uniocëxa. Unioquin ca uiti barin cara aín rëbúnquicamax camabi menu tsóti ꞌicë quixun mëníonan, anua aín me sënë́ncëcamaribi mëníoxuancëxa.

Romanos 15:19

Aín Bëru Ñunshin Upía ꞌëbë ꞌain usaquin ꞌanan cana Jerusalénuxun ꞌatancëxun anuaxbi cuanquin bëtsi bëtsi me ꞌabiani cuantancëx cuainacëtancëx Ilírico cacë me, anu bëbaquin, camabi menu ꞌicë unicama Cristo ñuiquin bana ñuixunquin sënë́on.

Romanos 16:25

Cananuna Nucën Papa Dios asérabi rabiti ꞌain. Mitsux ainan ꞌaish Jesucristomi catamëtia ca an mitsu upíira upiti ami sinánun mitsu cushioti ꞌicën. Usoquin ca ꞌati ꞌicë quixun ca aín unicaman mitsu ꞌunánmiaxa. ꞌËnribi cana usoquin unicama ñuixunin. Ënë mecama uniocëma pain ꞌixun ca Nucën Papa Diosan, usai ca Jesucristo ꞌiti ꞌicë quixun sináncëxa. A ñucama unin ꞌunánma ꞌaínbi ca bërí Jesucristo ucë cupí unin ꞌunánti ꞌicën.

Romanos 16:26

Nucën Papa Diosan sinánmicëxun ca aín unicaman, Cristo ca uti ꞌicë quixun cuënëocëxa. Usai ca ꞌiti ꞌicë quixun ca Nucën Papa Dios, axa bamatimoi tsócë, an mëníocëxa. A bana cuënëo ꞌicëbi ca uisai quicë cara ax ꞌicë quixun unin ꞌunánma ꞌicën. ꞌUnánma ꞌaínbi ca bërí camabi nëtënu ꞌicë unicaman Cristomi catamëquin aín cuëëncësabi oquin ꞌanuxun ꞌunánti ꞌicën.

Romanos 5:6

Nucën Papa Diosan nu nuibaquin mëníosabi oi ca, nuxbi nun ꞌucha tërëni ië́tima ꞌaínbi Cristo aín bamati nëtë ucëbë, unicaman ꞌucha tërë́nux bamacëxa.

1 Corintios 9:17

Nucën Papa Diosan ca Jesucristo cupía unicama ainan ꞌinun ië́miti ꞌicë quicë bana, a ꞌëxbi cuëënquin ñuixuncë ꞌixun cana cupí biti sinántsian. ꞌIxunbi cana ꞌënbi sináncëma, an ꞌë a bana ñuixunun ꞌë cacë cupí, an cacësabi oquinshi ꞌati ꞌain.

Gálatas 4:4

Usa ꞌaínbi ca aín uti nëtë sënë́ncëbëtan Nucën Papa Diosan aín Bëchicë ënë nëtënu xuacëxa. Achúshi xanúxa bacë́ncëx canitancëx ca judíos unicama ꞌicësaribiti Moisésnën cuënëo bana, usaía judíos unicama ꞌiti, a ꞌunáncë ꞌiacëxa.

Efesios 1:10

Ësaquin ca nu ꞌunánmiaxa: An ca anúan ax utëcënti nëtëa sënë́ncëbëtan Cristo xuti ꞌicën, an unio ñucama, naínu ꞌicë ꞌimainun menu ꞌicë aín ꞌibua ꞌinun.

Efesios 2:17

Ax ënë nëtënu utancëxun ca Cristonën bana ñuixunquin, camabi unix ca ami catamëti Nuncën Papa Diosan iscëx upí ꞌiti ꞌicë quixun cacëxa. Usa ꞌain ca judíosma uni, an Nucën Papa Diosan bana ꞌunáncëma, ꞌimainun judíos uni, an Nucën Papa Diosan bana ꞌunáncë ꞌixun a ñuia quicë bana cuati, Cristomi catamëti Nucën Papa Diosnan ꞌia.

Filipenses 1:13

ꞌApun suntárucama ꞌimainun camabi unínribi ca ꞌunania, Jesucristo ñuiquin uni bana ñuixuncë cupí cana sipuacë ꞌai quixun.

Colosenses 1:23

Usa ꞌinuxun camina camabi nëtën Cristomishi catamëcë ꞌixun sinánbëquinquinma ainan ꞌaíshmi aín nëtënu abë ꞌiti ashi manuquinma sinánti ꞌain. Usai ꞌi ca uni asérabi Nucën Papa Diosnan ꞌicë quixunmi cuacë bana ca camabi menuxunribi ñuicania. ꞌËnribi cana unicama a bana ñuixunin.

Colosenses 1:6

Nucën Papa Diosan ca usaquin nu nuibatia quixun unin ñuia mitsun cuacë a banabi ca bëtsi bëtsi menu cuanquin ꞌitsaira unin ñuia. Usa ꞌain ca unin ñuia cuatishimi mitsux ꞌicësaribiti camabi menu ꞌicë uni a bana cuati —asérabi ca —quixun sinani Jesucristomi catamëtia.

1 Tesalonicenses 2:4

Usama ca, Nucën Papa Diosanbi ca asérabi caranuna aín bana uni ñuixunti ꞌai quixun upí oquin ꞌunántancëxun —atun ca asérabi ꞌati ꞌicë —quixun sinánquin aín bana unicama ñuixunun nu cacëxa. Usaquin ꞌanun cacë ꞌixun cananuna an —Jesucristomi catamëti ca uni Nucën Papa Diosnan ꞌinux ië́ti ꞌicë —quixun unicama ñuixunin. Usaquin ꞌaquin cananuna Jesucristo ñuiquin unicama cuëënmiti sinánquinma, Nucën Papa Dios, an camabi unin nuitu ꞌunáncë, axëshia cuëëntanun uni bana ñuixunin.

1 Timoteo 1:1

ꞌËx cana Pablo, aín bana uni ñuixunuan Jesucristonën caísa ꞌain. Usa ꞌinun ca Nucën Papa Dios, an nu ainan ꞌinun ië́micë, abëtan Jesucristo, an nu asaribi ꞌiminunu nun caíncë an mëníocëxa.

1 Timoteo 1:11

Axa usa ñu ꞌati ca ꞌaisama ꞌicë quicë bana, usaribiti ca Jesucristo ñui quicë bana, a uni ñuixunuan Nucën Papa Diosan ꞌë caíscë, ax quia.

1 Timoteo 2:3

Usoquin Nucën Papa Dios camabi uni ñucáxunti ca asábi ꞌicën. Nucën Papa Dios, an nu ainan ꞌinun ië́micë, ax ca usoquian aín unicaman ꞌati cuëënia.

1 Timoteo 4:10

Nucën Papa Dios, axa bamatimoi tsócë, an camabi uni ainan ꞌinun ië́misa tanquin Jesucristomia ax catamëcë unicama ië́micë, an ca axa quicësabi oquin ënë menuxun ꞌimianan aín nëtënuxunribi aín unicama upitax ꞌinun ꞌimiti ꞌicë quixun cananuna ꞌunanin. Usa ꞌixun cananuna nun ꞌacësaribi oquian camabi unin ꞌunánun, tëmëranan uni numi ꞌatimati banacë ꞌixunbi unicama Nucën Papa Diosan bana ñuixunin.

2 Timoteo 4:17

Acaman ëniabia Nucën ꞌIbu Jesucristonën ꞌaquinia ca a ꞌapun ꞌë uisabi ocëma ꞌicën. Usoquin ca ꞌinúan nëëcënëan piisa tancëxbia ñuina abácësaribi oquin, unin ꞌaisa taniabi Nucën ꞌIbu Jesucristonën ꞌë ië́miaxa. Usoquian ië́mitancëxun cushiocëxun cana aín bana ñuitëcëan, judíosma unicamánbia cuanun.

Tito 2:10

ꞌAnan camina a unicama ësaquin ꞌunánmiti ꞌain, an iscëxun ꞌananbia an ñu mëëmicë unían iscëxunmabi, ñu mëcamaquinma upí oquinshi ñu mëënun. Atúxa usai ꞌicëbëtan ca camabi unin —Nucën Papa Dios, an uni ainan ꞌinun ië́micë, aín unicamax ca asérabi upí ꞌicë —quixun ꞌunánti ꞌicën.

Tito 2:13

Usaquin ꞌunánmianan ca nu ꞌunánmia, nux ainan ꞌixun cananuna ax quiásabi oía an nu ië́micë Jesucristo, ax Nucën Papa Diosribi ꞌaish, aín cushibëbi utëcënti nëtë caínti ꞌai quixun.

Apocalipsis 14:16

Quicëbëtainshi ca axa nëtë cuínu tsócë an, unían manën tëaquin bimi upíbu bicësaribi oquin, camabi uni upíbu biaxa.