Tito 1:15 - Kashibo-Kakataibo Biblia

¹⁵ Ënëx ca ësa ꞌicën. Ui unix cara aín sinan upí ꞌicë an ca ñu upíma isquinbi upí oquinshi sinania. Usa ꞌaínbi ca ui unix cara Nucën Papa Diosmi sináncëma ꞌianan aín sinan upíma ꞌicë, an upí ñu isquinbi ꞌatima ñuishi sinania. Aín nuitu ꞌaisama ꞌixun ca usa unin ꞌatimaquin sinania.

Nukën 'Ibu Diosan ain unikama 'inan ain bana

¹⁵ Ënëx ca ësa 'icën. Ui unix cara aín sinan upí 'icë an ca ñu upíma isquinbi upí oquinshi sinania. Usa 'aínbi ca ui unix cara Nucën Papa Diosmi sináncëma 'ianan aín sinan upíma 'icë, an upí ñu isquinbi 'atima ñuishi sinania. Aín nuitu 'aisama 'ixun ca usa unin 'atimaquin sinania.

Tito 1:15 ပူးပေါင်းရင်းမြစ်များ

Mateo 15:18

Usa ꞌaínbi ca uni masáquin sinani ꞌatimati banaia. Aín nuitu upíma ꞌain ca usai banaia. Usa ꞌicë Nucën Papa Diosan iscëx ca uni ꞌatima ꞌicën.

Hechos 10:15

Ësoquin caquinbi ca ësaia quia cuatëcëancëxa: —Nucën Papa Diosan upí ꞌinun mëníocë ñu camina ꞌatima ca quixun catima ꞌain.

Romanos 14:14

Nucën ꞌIbu Jesúsnan ꞌixun cana ꞌunanin, camabi piti ñu piti ca asábi ꞌicë quixun. Usa ꞌaínbi ca a uni —Nucën Papa Diosan sinánëx ca a ñux pitima ꞌicë —quixun sinánquinbi picë ꞌaish ꞌuchati ꞌicën.

Romanos 14:20

Usa ꞌain camina a Nucën Papa Diosan ainan ꞌimicë uni a mitsun ñu picë cupía ꞌuchanun ꞌimitima ꞌain. Asérabi camabi ñu piti asábi ꞌaínbi ca, mitsúnmi a ñu piia isía bëtsi uni ꞌuchati ñu a piti ꞌaisama ꞌicën.

Romanos 14:23

Usa ꞌaínbi ca a uni —ësa ñu ꞌati sapi ca Nucën Papa Diosan iscëx asábima ꞌicë —quixun sinánquinbi a ñu ꞌai ꞌuchaia. Usaribiti ca an ñu piquin —ësa ñu piti sapi ca Nucën Papa Diosan iscëx ꞌaisama ꞌicë —quixun sinánquinbi picë uni ax ꞌuchaia.

1 Corintios 10:23

Ënë banax ca asérabi ꞌicën, “Unin ca aín cuëëncësa oquin ñu ꞌati ꞌicën”. Usa ꞌaínbi cananuna nux asábi ꞌiisa tanquin camabi ñuira ꞌatima ꞌain. Asérabi ca “unin aín cuëëncësa oquin ñu ꞌati ꞌicë” ꞌaínbi cananuna nux Jesusan bana quicësabi oi ꞌiisa tanquin camabi ñuira ꞌatima ꞌain.

1 Corintios 10:25

Mecama ꞌimainun menu ꞌicë ñucama ax ca Nucën ꞌIbu Diosan unio ꞌaish ainan ꞌicën. Usa ꞌain camina anuxun nami maruti anu ꞌicë nami maruxun piishiti ꞌain. Uinua bëcë cara quixun camina ñucátima ꞌain. —A pi sapi cana ꞌaisama ꞌiti ꞌai —quixun camina sinántima ꞌain.

1 Corintios 10:31

Ënëx ca ësa ꞌicën. Ñu piquin, ñu xëaquin, añu ñu caramina ꞌai, usa ñu ꞌaquin camina Nucën Papa Dios cuëënun a sinánquin ꞌati ꞌain.

1 Corintios 8:7

Usa ꞌaínbi ca axa Jesúsmi catamëcë uni raírinën —unían rabinuxun ꞌacë ñu ax ca ñuishi ꞌaish anu nun rabiti dios, ama ꞌicë —quixun upí oquin ꞌunaníma. ꞌUnánquinma ca usabi oquin unin ꞌacë ñu rabicë ꞌixun, Jesucristomi catamëquinbi a ñu rabiquin ñuina rëxun aín nami piia. Piquinbi ca —unían a ñu rabiquin rëcë ñuina nami pi sapi cana ꞌucha —quixun sinania.

1 Timoteo 6:5

Usa ꞌaish ca a unicamax usaíshi ꞌiquin uisa ñu ꞌati cara upí ꞌicë, uisa ñu ꞌati cara upíma ꞌicë quixun ꞌunanima nëtëtima nishánani cuamianania. Usai ꞌicë unicaman ca Nucën Papa Diosan bana ꞌaquin isa unin curíqui biti ꞌicë quixun sinania. A unicamabë camina nitima ꞌain.

Hebreos 10:22

A cupí nun ꞌuchacama tërë́ncë ꞌaish cananuna uisa ñu cara ꞌaisama ꞌicë quixunu ꞌunánquin mëníocë ꞌaish asérabi ax cuëëncësabi oi ꞌiisa tani Nucën Papa Diosbë banati ꞌain, an ca cuati ꞌicë quixun ꞌunani. Ax Nucën Papa Diosbë banai tabernáculo xubunu atsínux ca sacerdote aín ꞌucha tërë́ncë ꞌianan upiti nashi mëníocacëxa. Usaribiti cananuna Jesucristo cupí chucacësa ꞌaísha nun nuitu, nun sinan upí ꞌain Nucën Papa Diosbë banain.

Hebreos 12:15

Nucën Papa Diosan ax cuëëncësabi oquin mitsu ꞌaquincëma ꞌitin rabanan camina an mitsu ꞌunánmicësabi oi ꞌinux bërúancati ꞌain. Usai ꞌiquin camina uni raíri ꞌaisama nuituñu ꞌinun ꞌatimaquin sinánmitima ꞌain.

Hebreos 9:14

Ñuina rëcë aín imi cupí uni ꞌicësamaira oi cananuna Cristo bama cupí nun ꞌucha tërë́ncë ꞌaish upí ꞌiti ꞌain. Nucën Papa Diosan Bëru Ñunshin Upí, axa usabi ꞌiá ꞌaish usabi ꞌicë, ax abë ꞌain ca Cristo, ax ꞌuchañuma ꞌaíshbi bamatsianxmabi, nun ꞌuchacama tërë́ncë ꞌinun bamacëxa. Xënibua ꞌaínbi abë ꞌitimoinu bamati ꞌicëbi ca nun ꞌuchacama tërë́nquin, ax aín imi ꞌapati bama cupí, Nucën Papa Dios, axa bamatimoi tsócë, a rabinu ax cuëëncësabi oi ꞌinun nu ꞌimia.