Tito 1:11 - Kashibo-Kakataibo Biblia

¹¹ A unicaman ca curíqui biti cupíshi unicama parántisa tanquin bëtsi bana ñuixunquin, bëtsi bëtsi uni ꞌimainun aín xubunu ꞌicëcamaribi, atun sináncësa oquian sinánun quixun sinánmia. A unicama camina amiribishi uni parántëcëanxma ꞌinun cati ꞌain.

Nukën 'Ibu Diosan ain unikama 'inan ain bana

¹¹ A unicaman ca curíqui biti cupíshi unicama parántisa tanquin bëtsi bana ñuixunquin, bëtsi bëtsi uni 'imainun aín xubunu 'icëcamaribi, atun sináncësa oquian sinánun quixun sinánmia. A unicama camina amiribishi uni parántëcëanxma 'inun cati 'ain.

Tito 1:11 ပူးပေါင်းရင်းမြစ်များ

Salmos 107:42

Usakin ꞌaia isi ka uni upí sinánñukama ax kuëënia, usai ꞌia isi ka ꞌatima sinánñu unikama ax uisa bananbi kima tsotia.

Salmos 63:11

ꞌaínbi kana ꞌapu ꞌaish Diosmi kuëënti ꞌain; usa ꞌain ka uikamax kara ami sinania ax sinanatëkentima oi ami kantati ꞌikën, ꞌaínbi ka axa këmëishi banakë unikama uisaibi banatima okin aín kuëbí xëpúti ꞌikën.

Miqueas 3:11

Axa Jerusalén ëmanu ꞌikë an bana mëníokë unikama an ka uin kara kupíoia a ëanan an kupíokë a ꞌatima oti sinania, ꞌimainun ka sacerdotekaman kupíokëxunshi uni ꞌunánmiti kuëënia, ꞌianan ka an Dios kikë bana ñuikë unikamanribi kuríki kupíshi abi sinántankëx ësai kia: Nukën ꞌIbu ka nubë ꞌikën usa ꞌixun ka ñu ꞌatima inútima rabanan Nukën ꞌIbun nu bërúaia.

Miqueas 3:5

Ësai ka Dios an aín unikama këmëkin bana ñuixunkë unikama ñui kiaxa, a unikamax ka upiti kananuna bukuti ꞌai kiax mitsun piti ꞌinánkëxun pi kia, ꞌaínbi ka uin kara piti ꞌinanima a unikama ꞌakánanti ka ꞌiti ꞌikë kixun kaia. Usa ꞌain ka an bana ñuikë unikama a Diosan ësakin kaia:

Mateo 23:13

An Moisésnën cuënëo bana ꞌunáncë unicama ꞌimainun fariseo unicama, mitsux camina an unicama paráncë a ꞌain. Uisa cara oti ꞌicë usoquin ca Nucën Papa Diosan mitsu ꞌati ꞌicën. Mitsun camina Nucën Papa Diosan bana ꞌunáncë ꞌixunbi a bana quicësabi oquian ꞌanun ꞌaquinquinma unicama a bana bëtsi oquin ñuixunin. Mitsun camina a bana quicësabi oquin ꞌaiman. ꞌAquinma camina uni itsínribia a bana quicësabi oquin ꞌaxunma ꞌanun ꞌunánmin.

Juan 10:12

Usa ꞌaínbi ca an curíqui biti cupíshi carnero bërúanquin ñu mëëcë uni, ax ꞌinu aia isquin carnero ëbiani abatia, ax asérabi aín ꞌibuma ꞌaish. Abácëbë uxun ca bëtsi biquin ꞌinun raíri tsuácaia.

Romanos 3:19

Usa banacama ca judíos unibunën cuanun Nucën Papa Diosan aín unicama cuënëomiacëxa quixun cananuna ꞌunanin. Aín bana ꞌináncëma pain ꞌixun ca Nucën Papa Diosan judíos unicama ainan ꞌinun ꞌimiacëxa. Ainan ꞌimitancëxun ca uisaira cara ainan ꞌaish uni upí ꞌiti ꞌicë quixuan ꞌunánun aín bana judíos unicama ꞌináncëxa. A bana isquin ca judíos unicamainshima camabi unin ꞌunánti ꞌicën, uisairai ꞌi cara Nucën Papa Diosan iscëx atun nuitu upíma ꞌicë quixun.

2 Corintios 11:10

Cristonan ꞌaish cëmëquinma cana mitsu cain, Acaya menu ꞌicë unicamaxa atúinsa ꞌë ñu ꞌinánxa quitin rabanan cana a ñubi bitima ꞌain.

1 Timoteo 5:13

ꞌIanan ca usa xanux ñu mëëtisama tani chiquishi, bëtsi bëtsi xubunu atsínbëquinquin bana ñuibëquini niti ꞌicën. Nianan ca a ñuitima ñuribi ñuiti ꞌicën.

1 Timoteo 5:4

Usa ꞌaínbi ca xanu casunamëcënëx tuáñu ꞌianan babañu ꞌicë aín tuábëtan aín baban ꞌaquinti ꞌicën, chamará ꞌicë ca aín papabëtan aín titan tëmëraquinbi nuibaquin tuá canioia, usa cupí. Usa ꞌain camina uni ꞌimainun xanu, aín tita, aín papa ꞌimainun aín xubunu ꞌicë aín aintsicamaribi ꞌaquianan ñu ꞌaxunti ꞌunánmiti ꞌain. Usoquian ꞌati ca Nucën Papa Dios cuëënia.

1 Timoteo 6:5

Usa ꞌaish ca a unicamax usaíshi ꞌiquin uisa ñu ꞌati cara upí ꞌicë, uisa ñu ꞌati cara upíma ꞌicë quixun ꞌunanima nëtëtima nishánani cuamianania. Usai ꞌicë unicaman ca Nucën Papa Diosan bana ꞌaquin isa unin curíqui biti ꞌicë quixun sinania. A unicamabë camina nitima ꞌain.

2 Timoteo 2:18

A uni rabëtax ca Nucën Papa Diosan banamabi cëmë bana ñui, anun baísquiti nëtë isa inúacëxa. Usa ꞌaínsa uni bama ꞌaish baísquitima ꞌicë quixun caquin, uni raíri uisa cara ꞌiti ꞌicë quixun sináncasmamia.

2 Timoteo 3:6

A unicama raírinëan xubu itsi xubu itsinu atsínbëquinquin, bana ñuixunquin paráncëxun ca anua ꞌicë an ñu ꞌatima ꞌacë xanucaman sinánñumasa ꞌixun, aín bana cuatia. Upí oquin sinánquinma ca a xanucaman bëtsi bëtsi oquin sinania.

Tito 1:7

Usa ꞌicëmi mitsun caíscë unicaman ca atun cushi ꞌixun aín unicama Nucën Papa Dios cuëëncësabi oquin bërúanti ꞌicën. Usa ꞌaish ca upí ñuishi ꞌai —ñu ꞌaisama ca ꞌaia —quixuan unin ñuicëma ꞌiti ꞌicën. ꞌIanan ca bëtsi uni ñuuma ca quixun sinánquin ashi ñu ꞌaxunun cacë ꞌitima ꞌicën. ꞌIanan ca bënëtishi masáquin sinani nishtima ꞌicën. ꞌIanan ca paë́ntima ꞌicën. ꞌIanan ca unibë mëëananti sinánñu ꞌitima ꞌicën. ꞌIanan ca curíquiñu ꞌinuxun uni paránti sinántima ꞌicën.

Tito 1:9

Atun ca nun ñuixuncë bana upí oquin cuacë ꞌixun bëtsi uniribi a bana cuanun ꞌunánmiti ꞌicën. ꞌUnánmianan ca a bana ca cëmë ꞌicë quixuan an sináncë unicamaribi sinanamiti ꞌicën.

Tito 3:10

Uinu ꞌicë unin cara axa Jesucristomi catamëcë unicama bëtsin sináncësa oquian sinánunma amanu amanu sinánmia, a camina usai ꞌiaxma ꞌinun quixun caquin ꞌësëti ꞌain. Cacë́xbia sinanatiama camina amiribishi catëcënti ꞌain. Cacëxunbia cuatiama camina mitsubëa ꞌinúnma ënti ꞌain,