Tito 1:10 - Kashibo-Kakataibo Biblia

¹⁰ ꞌItsa unix —ꞌëx cana Nucën Papa Diosan bana cuati —quicë ꞌaíshbi ca a bana quicësabi oi ꞌima. Usa ꞌixun ca uni parania. Uni itsíxa usari ꞌicësamaira oi ca judíos unicama raírinëx ꞌia.

Nukën 'Ibu Diosan ain unikama 'inan ain bana

¹⁰ 'Itsa unix —'ëx cana Nucën Papa Diosan bana cuati —quicë 'aíshbi ca a bana quicësabi oi 'ima. Usa 'ixun ca uni parania. Uni itsíxa usari 'icësamaira oi ca judíos unicama raírinëx 'ia.

Tito 1:10 ပူးပေါင်းရင်းမြစ်များ

Mateo 23:14

Usai ꞌianan camina casunamëcë xanun ñu bicuanquin cëñuin. Cëñuanan camina mitsux isamina upí ꞌai quixuan unin sinánun quiax, ꞌuran pain Nucën Papa Diosbë banain. Usa ꞌicë ca Nucën Papa Diosan, axa usai ꞌicëma uni ꞌacësamaira oquin mitsu ꞌuchoquin castícanti ꞌicën.

Hechos 11:2

A ñucama cuacamainun ca Pedro Jerusalénu cuantëcëancëxa. Cuanxa bëbacë ca axa Jesúsmi catamëcë judíos unicama an, judíosma uni Jesucristomi catamëcë ca nux ꞌicësaribiti ꞌunántiocë ꞌiti ꞌicë quixun sinánquin ami nishtisa tanquin Pedro ñu cacëxa.

Hechos 15:1

Usa ꞌain ca judíos uni raíri Judea menuax Antioquíanu cuanxun, axa Jesucristomi catamëcë unicama ësaquin cacëxa: Mitsux asérabi Nucën Papa Diosnan ꞌinux ië́tisa tani camina Moisés quiásabi oi ꞌunánti oracacë ꞌiti ꞌain.

Hechos 15:24

Nun xucë́xmabi cuanxun isa uni raírinën mitsubë banaquin, usai judíos unicama ꞌiti Moisés quiásabi oi camina ꞌiti ꞌain quixun caquin mitsu masá nuitumiaxa quixuan ñuicania cananuna cuan.

Hechos 20:29

ꞌËn cana ꞌunanin, ꞌëx cuancëbë ca uni raíri uti ꞌicën. Uxun ca axa ami sináncë unicama, Jesucristomi catamëti bana a ënun quixun paránti ꞌicën. ꞌInúanëan bëtsi biquin carnero tsuácacësaribi oquin ca a unin axa ami sináncë unicama Jesús manunun quixun parántisa tanti ꞌicën.

Gálatas 2:4

Usa ꞌaínbi ca a cushi unicaman ꞌë uisaquin cacëbëmabi, nuxnu anu timë́anbi ax isa Jesucristomi catamëcë ꞌicë quibi cëmëcë unicama, axribi anu atsíancëxa. A unicamax ca, judíosma unicama ca Jesucristomi catamëcë ꞌaish judíos unicama ꞌicësai ꞌinun ꞌunántioracacë ꞌiti ꞌicë quixun nu sinánmisa tani, uisa cupí caranuna judíosma unicama ꞌunántiocë ꞌinun ꞌimicëma ꞌai quixun isi uacëxa. A unicaman, judíosma uniribi ca ꞌunántiocë ꞌiti ꞌicë quixun caquin nu sinánmisa tancëbëtanbi ca axa Jesucristomi catamëcë unin cushicaman Tito, ꞌunántioracamicëma ꞌicëbi nu uisaquinbi cáma ꞌicën.

Gálatas 3:1

Gálatas unicama, mitsux camina sinánñumasa ꞌain. Unin ꞌucha cupía ax i curúsocënu bama Jesucristo ñuiquin cananuna mitsu upí oquin bana ñuixuancën. Ñuixuncëbi ca uni raírinën bëtsi bana ñuixunquin, Jesucristo ñui quicë bana cuaxunma ꞌanun quixun mitsu paránxa.

Efesios 4:14

Usai ꞌi cananuna bërámanu ꞌiásaribiti bërí ꞌitima ꞌain. Bërí cananuna tuáxunratsunën unín paráncëxun sinánbëquincësa ꞌaish unín bëtsi bëtsi bana ñuixunquin paráncëxun amanua amanua sinani usaribi ꞌitima ꞌain. An uni paráncë unicaman cëmëquin nu paránquin ñu ꞌatima ꞌanun quixun ꞌimicëx usai ꞌiá ꞌaíshbi cananuna bërí usai ꞌitëcëntima ꞌain.

1 Timoteo 1:4

Usa ꞌain camina a unicama cati ꞌain, uni raírinëan nun rara tsóa ꞌimainun uisai cara nun rara ꞌiacëxa quixun ñuicë banacama a cuaxunma ꞌanun quixun. Usa banacama cuati ca uni ñancábi cuëbicanania. Usa ꞌain ca an a banacama ñuicë unicaman Jesucristomi catamëquin Nucën Papa Dios cuëëncësabi oquin ꞌanun nu ꞌaquinima.

1 Timoteo 1:6

Usaía ꞌinun ꞌunánminun ca Nucën Papa Dios cuëënia quixun sinanima ca bëtsi bëtsi uni amanu amanua sinani banaia. Usa ꞌixun ca Nucën Papa Dios cuëëncësabi oía ꞌinun aín unicama ꞌaquinima.

1 Timoteo 1:9

Cananuna ꞌunanin, aín nuitu upí ꞌixun ca unin usai ca uni ꞌitima ꞌicë quixun cuënëo bana isquinmabi ñu ꞌaisama ꞌaima. ꞌAínbi ca an ësa ñu ꞌacë unicaman —usaquin ꞌati ca ꞌaisama ꞌicë —quixun ꞌunánti cuënëo ca a bana ꞌicën: an Nucën Papa Diosan bana cuëëncëma, ꞌimainun an aín bana tancëma, ꞌatima ꞌaish ꞌaisama sinánñu, ꞌuchañuira, an Nucën Papa Diosmi racuë́quinma aín bana quicësabi oquin ꞌacëma, ꞌimainun an aín papa ꞌacë, an aín tita ꞌacë, an uni itsi ꞌacë, acama ꞌimainun,

2 Timoteo 3:13

Usaía ꞌimainun ca ꞌaisama unicama ꞌimainun an uni paráncë unicama, ax bëtsi unían paráncë ꞌixun atúnribi usaribi oquin uni paráncë ꞌaish axa ꞌiásamaira ꞌiti ꞌicën.

2 Timoteo 4:4

Nucën Papa Diosan bana cuaisamaira tanquin ca unían anbi sinánquin ñuicë banaishi cuati ꞌicën.

Tito 1:6

Axa Jesucristomi catamëcë unicaman cushi ꞌinun camina ësa uni caísti ꞌain: Unin —ꞌaisama ca —quixun ñuicëma ca ꞌiti ꞌicën. Usa ꞌianan ca xanu achúshiñuishi ꞌiti ꞌicën. ꞌIanan ca aín bëchicëcamaxribi upí oquin bana cuacë ꞌiti ꞌicën. Aín bëchicëcamax ca —bana cuacëma ꞌixun ca ꞌaisama ñu ꞌaia —quixuan unin ñuicëma ꞌiti ꞌicën.

Santiago 1:26

Ui unix cara —ꞌëx cana Nucën Papa Diosan bana cuacë ꞌai —quibi sinánxmaishi ꞌaisamairai banaia a unix ca Nucën Papa Diosan bana quicësabi oi ꞌíma cëmëia.

1 Juan 2:18

ꞌËn bëchicësa ꞌicë, cana mitsu cain, anúan ënë mecama cëñúti nëtë ca ꞌurama ꞌicën. A nëtëa ucëma pan ꞌain ca axa Cristo ꞌatimaquin ñui banacë uni uti ꞌicë quixun camina cuan. Ca uti ꞌicë ꞌaínbi ca bëríbi ꞌitsa unin Cristo ꞌatimaquin ñuia. Usa ꞌain cananuna ꞌunanin, anúan ënë mecama cëñúti nëtë ca ꞌurama ꞌicë quixun.

1 Juan 2:4

Usa ꞌaínbi ca uix cara —ꞌën cana ainan ꞌixun Nucën Papa Dios ꞌunani —quibi aín bana quicësabi oi ꞌima, a uni cëmë ꞌicën. Usa ꞌaish ca cëmëishi banaia.

1 Juan 4:1

ꞌËn nuibacë xucë́antu, ënë nëtënuxun ca ꞌitsa unin —Nucën Papa Diosan sinánmicëxun cana uni bana ñuixuni —quiquinbi an sinánmicëxunmabi anbia sináncë bana uni ñuixunia. Usa ꞌain camina —Nucën Papa Diosan ca ꞌë sinánmia —quiquian unin ñuicë bana acamaira cuatima ꞌain. Upí oquin pain camina asérabi cara Nucën Papa Diosan sinánmicëxun uni ñuixunia quixun cuati ꞌain.

Apocalipsis 2:14

Mitsúxmi usa ꞌicëbi cana ësaquin mitsu cain: Micama raírinën camina unían Balaanën cacëxun ꞌatima ñu ꞌásaribi oquin ꞌain. Balaanën ca an Israel unicama ñusmoisa tancë capitán, Balac cacë, a ësaquin cacëxa: Min menu ꞌicë bënëñuma xanucama camina Israel uni parania atubë ꞌinun cati ꞌain. Usai abë ꞌiquin ca ax isa dios ꞌicë quixuan min unicaman rabicë ñu a rabiquian ñu pinun ꞌimiti ꞌicën. Balaanëan usoquin sinánmia ꞌaían usaribi oquin axa mitsubë ꞌicë uni raírinënribi sinánmicëxun camina mitsu raírinën usaribi oquin ñu ꞌatima ꞌain.

Apocalipsis 2:6

Mitsúnmi bëráma ꞌiásaribiti ꞌëmi sináncëma ꞌaínbi cana ꞌunanin, ꞌëx ꞌicësaribiti camina nicolaítas cacë unicaman ñu ꞌatima ꞌacë cuëëniman.