Santiago 5:8 - Kashibo-Kakataibo Biblia

⁸ Usaribi oquin camina mitsun, —Nucën ꞌIbu Jesucristo anun utëcënti nëtë ca ꞌurama ꞌicë —quixun sinánan masá nuituti bënëtima cuëënquin caínti ꞌain.

Nukën 'Ibu Diosan ain unikama 'inan ain bana

⁸ Usaribi oquin camina mitsun, —Nucën 'Ibu Jesucristo anun utëcënti nëtë ca 'urama 'icë —quixun sinánan masá nuituti bënëtima cuëënquin caínti 'ain.

Santiago 5:8 ပူးပေါင်းရင်းမြစ်များ

Génesis 49:18

¡Nukën ꞌIbu minmi ꞌë ië́miti kana kuëënin! ësokin ka Nukën ꞌIbu Dios ñukákin Jacobnën kakëxa.

Salmos 130:5

ꞌËn bëru ñunshin bëtanbi kana Dios kainin, usakin ꞌai kana ain bana kuati ami katamëtin.

Salmos 27:14

¡Nukën ꞌIbumishi ka uni katamëti ꞌikën! ¡Katamëkin kamina kushikin ꞌatimakin sinántima ꞌain! ¡ꞌImainun kamina Nukën ꞌIbumishi katamëkanti ꞌain!

Salmos 37:7

An ꞌakinun kiax bënë́kinma kamina Nukën ꞌIbun mi munu; ꞌakimainun kaínti ꞌain. Usai ꞌikin kamina an ñu ꞌatima ꞌakë unikaman, ꞌakësokin ñu ꞌatima ꞌati sinántima ꞌain, atun ka ñu ꞌatima ꞌatishi sinania.

Habacuc 2:3

Kamina kuënëoti ꞌain, anúan ꞌiti nëtë ka ꞌikëmapan ꞌikën, usa ꞌaínbi kana anúan ꞌiti nëtë ꞌikëbëtan mi ismiti ꞌain; ꞌaínbi kana ꞌëx kikësa okinbi ꞌati ꞌain. Usa ꞌain kamina min basikëbëtanbi uisaran kara a ñukama ꞌia kaínti ꞌain. Usa ꞌain ka anúan ꞌiti nëtë aka ꞌiti ꞌikën.

Lucas 21:19

Tëmëraquinbi ꞌëmi catamëti ëncëma ꞌaish camina ꞌën Papa Diosan nëtënu ꞌëbë ꞌiti ꞌain.

Juan 21:22

Cacëxun ca Jesusan cacëxa: —ꞌImitisa tanquin ꞌën ꞌimicë́xa ꞌëx utëcëntamainun ënë unix ënë nëtënu tsócëbëbi camina uisa cupí cara usai ꞌia quixun sinani bënëtima ꞌëx cuëëncësabi oíshi ꞌiti ꞌain.

Romanos 8:25

Usa ꞌaínbi cananuna usaquin nu ꞌimicëma pain ꞌixun usai ꞌiti cainin. Cananuna —bëtsi cana ꞌiti ꞌai —quixun sinánquinbi uisa caranuna ꞌiti ꞌai quixun ꞌunánquinmabi a isnuxun —asérabi ca usai ꞌiti ꞌicë —quixun cuëënquin cainin.

Gálatas 5:22

Usa ꞌaínbi ca Nucën Papa Diosan Bëru Ñunshin Upitan sinánmicëxuan an sináncë uni ax ësai ꞌia: unicama nuibacë, chuámarua ꞌaish cuëëncë, uisa ñu cara ꞌicëbëbi chuámarua ꞌaish bënë́cëma, an ꞌatimocëxunbi uni cupicëma, cuëmëninínshi banacë, upí nuituñu, ꞌimainun Jesucristomi upiti catamëcë,

Filipenses 4:5

Uisa ñu cara ꞌicëbëbi nishímami upí sinánñu ꞌicëa camabi unin mitsu isti cana cuëënin. Nucën ꞌIbu Jesús anun utëcënti nëtë ca ꞌuramatia.

1 Tesalonicenses 1:10

Acama ñuianan ca mitsun camina Nucën Papa Diosan Bëchicë Jesús bamacëbia anbi baísquimia, axa naínuax uti caini quixunribi ñuia. Ax ca an Nucën Papa Diosan, uni aín ꞌucha cupí castícancëbëtanbi, ainan ꞌicë nu ië́miti a ꞌicën.

1 Tesalonicenses 2:19

¿Nucën ꞌIbu Jesucristo ucëbëtan añu isti caranuna cuëënin? Abë ꞌicë mitsu isi cananuna cuëëinra cuëënti ꞌain, nun mitsu aín bana ñuixuncë cupí camina abë ꞌai quixun sinani.

1 Tesalonicenses 3:13

Usoquian an ꞌaquincëxmi asérabi a ꞌinamëcë ꞌaish ami cushicë ꞌicëa, Cristo aín unicamabë utëcëncëbëtan, Nucën Papa Diosan añu ꞌuchañumabi ꞌicë mitsu isti cananuna cuëënin.

2 Tesalonicenses 3:5

Nucën ꞌIbu Jesucristonëan —Nucën Papa Diosan ca asérabi mitsu nuibatia —quixun upí oquin ꞌunánan, ax ꞌicësaribiti uisa ñu cara ꞌicëbëbi bënë́quinma tanshiti ꞌunánun mitsu ꞌaquinti cananuna cuëënin.

Santiago 5:3

Mitsun manë ñu curi ꞌacë ꞌimainun manë uxua ꞌacë, mitsun curíquicamaribi ca puibuisa ꞌicën. Usa ꞌaish ca a ñucama chëqui nëtë́ti ꞌicën. Tsin nëncë́xa ñu nëtë́cësa usaribitia mitsun ñucama nëtë́mainun camina mitsúxribi tëmërati ꞌain. Nucën ꞌIbu Jesucristo utëcënti ꞌurama ꞌaínbi camina ñuñu ꞌitishi sinánquin mitsunainshia ꞌinun ñu bucúnruan.

Santiago 5:9

ꞌËn xucë́antu, Nucën Papa Diosan anun camabi uni aín nuitu ꞌunánquin uisoquin cara ñu ꞌaxa quixun isti nëtë ꞌurama ꞌain, camina mitsúxmi an ꞌuchocëma ꞌinun, uni raíribë ñuianani nishanantima ꞌain.

1 Pedro 4:7

Anúan ënë menu ꞌicë ñucama cëñúti nëtë ca ꞌuramatia. Usa ꞌain camina camabi nëtën upí oquin sinani Nucën Papa Diosbë banati ꞌain.

Apocalipsis 22:20

An ënë ñucama ꞌë ismicë, an ca ꞌë caia: —Cana bënëtishi utëcënti ꞌain. Cacëxun cana cuëëinra cuëënquin —asábi ca, usai ca ꞌiti ꞌicën, ca ut —quixun, Nucën ꞌIbu Jesús cain.