Santiago 5:6 - Kashibo-Kakataibo Biblia

⁶ Mitsun camina ꞌuchañuma unibi ꞌuchoquin ꞌan. Usoquinmi ꞌacëxunbi ca atun mitsu cupicëma ꞌicën.

Nukën 'Ibu Diosan ain unikama 'inan ain bana

⁶ Mitsun camina 'uchañuma unibi 'uchoquin 'an. Usoquinmi 'acëxunbi ca atun mitsu cupicëma 'icën.

Santiago 5:6 ပူးပေါင်းရင်းမြစ်များ

Isaías 53:7

Ax ka ꞌatima okë ꞌiaxa, ꞌaínbi ka ñuumarasa ꞌixun ꞌinamëkin tënëti ꞌikën, ꞌianan ka uisa banarabi banatima ꞌikën; usai ꞌiaka, anuxun ꞌatinua carnero aín bënë bërí kanikë buankësa okin buankanti ꞌikën, usai ꞌika ax uisaibi banaima nëtë́ax aín rani tëakëxun carneronën tanshikë usaíshi ꞌiti ꞌikën.

Mateo 21:38

Xucëx cuanxa bëbaia isi ca an naë bërúancë unicamax canani quiaxa: Aín papáxa bamacëbë ca aín bëchicë ënëx naë ꞌibu ꞌiti ꞌicën. Usa ꞌain cananuna nux naë ꞌibu ꞌinuxun ënë ꞌati ꞌain.

Mateo 27:20

Pilátonën —¿ui carana chiquínti ꞌai? —quixun ñucácëxbi ca judíos sacerdotenën cushicama ꞌimainun ampan caniacëcë unicamax anu ꞌicë judíos unicama timëcamëëocë a tsuaquirumi quiacëxa, —Camáxbi cananuna quiti ꞌain, Barrabas chiquíanan ca Jesús ꞌati ꞌicën.

Mateo 5:39

Usai quiá ꞌaínbi ꞌën mitsu cain, mitsua ꞌatimocëxunbi camina ami nishquin cupiquin ꞌatimotima ꞌain. Usoquin ꞌaquinma camina mitsua mëqueu bëtáshcacëxun ꞌaisa tania amoribia mitsu bëtáshcanun ꞌamiti ꞌain.

Hechos 22:14

Iscëxun ca ꞌë cacëxa: Nucën Papa Dios, a nucën raracamanribi rabia, an ca mi caísacëxa, añu cara ax cuëënia quixun ꞌunánanmi aín Bëchicë aín sinan upíira aribi ꞌunánan ax banaia cuanun.

Hechos 7:52

An Nucën Papa Dios quicë bana uni ñuixuncë unicama ca mitsun raracaman bëtsi bëtsi ocëxa. Bëtsi bëtsi onan ca axa, Nucën Papa Diosan Bëchicë Upíira ca uti ꞌicë quicë unicama aribi ꞌacëxa. A unicama quiásabi oía uá ꞌicëbi camina mitsun a bamamicasquin unían i curúsocënu matásnun ꞌinan.

Hechos 8:32

Usaquian cacëx ꞌiruax abë tsóxun Felipenën iscëx ca a unían ꞌacë banax ësai quicë ꞌiacëxa: Unían ꞌanuxun buáncëxbi ca carnero banaima. Carnero ꞌicësaribiti ca unin ꞌanuxun buáncëx ax banacëma ꞌicën. Aín rani unin tëacëxbi ca carnero banaima. Carnero ꞌicësaribiti ca ax banacëma ꞌicën.

Hebreos 10:38

ꞌËn iscë́xa ax upí ꞌicë ꞌën unicamax ca tëmëraibi ꞌëmi catamëti tsóti ꞌicën. Usa ꞌaínbi cana an ꞌaquinbi racuë́quin ꞌën bana ëncë uni a isi cuëëntima ꞌain”.

Santiago 2:6

Usa ꞌaínbi camina mitsun ñuñuma uni a —ꞌaisama ca —quixun timaquin rabínmin. Ñuñuira uni an ca mitsu paránquin ñu mëëmianan tëmëramiquin mitsumi manánquin, an uníxa ami bëtsi uni ñui manáncëxun cuacë uninu buania. ¿Atux cara usama ꞌic?

Santiago 4:2

Mitsun cuëëncë ñu bicasi bënë́quinbi bicëma ꞌixun camina binuxun ami nishquin uni itsi ꞌacësa ꞌain. Usa ꞌixun bëtsi uni ꞌicësaribiti ñuñu ꞌiisa tani bënë́quinbi bicasmati camina nishananan mëëananin. Usai ꞌiquinbi camina Nucën Papa Diosmi ñucácëma cupí mitsun cuëëncë ñu bitsiman.

1 Pedro 4:18

¿Atux aín ñu ꞌatima ꞌacë ënquin ñu upí ꞌacë ꞌaíshbia, aín unicama ië́tima ꞌaíshbi ië́cë ꞌain, cara ax ami catamëcëma ꞌuchañu unicama uisairai ꞌiti ꞌic?