Santiago 5:5 - Kashibo-Kakataibo Biblia

⁵ Ënë menuax camina ꞌaisamaira ñu upíñu ꞌaish mitsux cuëëncësabi oi ꞌian. Usa ꞌaish camina aín ꞌibúan ꞌaracacë ñuina anun ꞌati nëtë sënë́ncëbëtan ꞌanuxun rëracamicësa ꞌain.

Nukën 'Ibu Diosan ain unikama 'inan ain bana

⁵ Ënë menuax camina 'aisamaira ñu upíñu 'aish mitsux cuëëncësabi oi 'ian. Usa 'aish camina aín 'ibúan 'aracacë ñuina anun 'ati nëtë sënë́ncëbëtan 'anuxun rëracamicësa 'ain.

Santiago 5:5 ပူးပေါင်းရင်းမြစ်များ

Salmos 73:7

atux ka ꞌaímai xuati atun bëru bëtsëkërës kikësabu ꞌianan; atun ñu ꞌatima ꞌati sinánkë ax ꞌaisamaira ꞌikën.

Proverbios 7:14

ꞌËn dioskama xaroxunkin bikë nami ꞌën xubunu ꞌikë a ꞌëbë kuanxun pi kuanti kaina kuëëntima ꞌain, bërí kana ꞌën usokin ꞌakatsi kikë usokinbi ꞌaxuntankëx asábi ꞌiti ꞌain.

Amós 6:1

¡Axa Jerusalén ꞌikëbi Sión kakë anu tëmëraima bukukë unikama! ¡ꞌianan Samaria ëmanu uisaibi kananuna ꞌima kixun sinani bukukë ꞌapukama, amia Israel unikama katamëkë atux ka kuanti ꞌikën!

Lucas 16:19

Jesusan ca ësaquinribi cacëxa: —Ënëx ca ësa ꞌicën. Achúshi uni ñuñuira ꞌaish chupa upíira upí minanën pucucësa ꞌimainun xapu ꞌacësa pañucë ꞌianan ꞌaisamaira piti upíira upíñu ꞌixun camabi nëtën upí oquin pucháquin picë ꞌiacëxa.

Lucas 16:25

Cacëxun ca Abrahamnën ñuñu ꞌiá uni cacëxa: Mix bamacëma pain ꞌaish camina Lázaronëxa ñuñuma ꞌianan ꞌinsíncë ꞌaish nuibacamainun mix ꞌitsa ñuñu ꞌianan ꞌinsíncëma ꞌaish upitax tsoócën. Usai ꞌiá ꞌaíshbi ca bërí mixmi ꞌaisamaira paë tani tëmëramainun Lázaro ax asábiira ꞌicën.

Romanos 13:13

Ami cushicë ꞌaish cananuna upitaxëshi niti ꞌain. Paë́nti, paë́anx cuëëni sharáti, uni aín xanuma xanu itsibë ꞌiti, ñunshínquin ñu ꞌatima ꞌati, cuamianani nishananti, unimi nutsiti, a ñucama ënquin cananuna usa ñu ꞌatima ꞌain.

1 Timoteo 5:6

Casunamëcë xanu axa xanu raíri ꞌaquinti sinanima, aín cuëëncësarishi ꞌicë, ax ca bamacëma pain ꞌaíshbi bamacësa ꞌicën.

2 Timoteo 3:4

Aín quicësabi oquin ca ñu ꞌatima ꞌicën. Nuituñuma ꞌixun ca ax cuëëncësabi oquinshi ñu ꞌati ꞌicën. Usai ꞌi cërúquin ca añu cara Nucën Papa Dios cuëënti ꞌicë quixun sinánquinma ax cuëëncësoquinshi ñu ꞌati ꞌicën.

2 Pedro 2:13

An bëtsi uni tëmëramicë cupí ca usaribiti tëmërai bamati ꞌicën. Atun ca —camabi nëtën nun cuëëncë ñu ꞌai cananuna cuëëinshiti ꞌai —quixun sinania. ꞌAisama ñu ꞌatishi sináncë ꞌaish ca usai ꞌi cuëënia. Mitsux Nucën Papa Dios rabinux timë́cë ꞌain, mitsubëtan pibi ca atux ñu ꞌatima ꞌai cuëënia. Ax ca ꞌaisama ꞌicën. Usa ꞌaish ca a unicamax axa Jesucristomi sináncë unisama ꞌicën.

Judas 1:12

Mitsúxmi Jesucristomi sinánquin pi timë́cë ꞌain atúxribi mitsubë timë́cë ꞌaíshbi ca asérabi mitsúxmi ꞌicësaribiti ꞌima. Usa ꞌaish ca atun cuëëncësabi oquinshi pi rabinima sharati, uni raírimi sinanima. Uni raíri ꞌaquincëma ꞌaish ca ꞌuí ꞌibúnux nëtë bënamëtiabi suñun bëcacëx nëtë́cësa usaribi ꞌicën. ꞌIanan ca anun bimiti nëtëa ucëbëbia i bimicëma usaribi ꞌicën. Bëucutia i aín tapun ëchiquicë, usaribi ca atux ꞌicën.

Apocalipsis 18:7

Anu ꞌicë unicaman rabíquin, —nux cananuna bëtsi unicamabëtan sënë́nmaira ꞌai —quixun sinánan atux cuëëncësabi oquinshi ꞌaiabi camina acama ꞌaisamairai tëmëranun ꞌimiti ꞌain. Atun ca “ꞌën cana casunamëcë xanun ꞌacësoquin tëmëratima ꞌai” quixun sinania.