Santiago 5:10 - Kashibo-Kakataibo Biblia

¹⁰ ꞌËn xucë́antu, camina an Nucën ꞌIbu Dios quicë bana uni ñuixuncë unicama ꞌiásaribiti ꞌiti ꞌain. Atun ca tëmëraquinbi bënë́quinma tanshiacëxa.

Nukën 'Ibu Diosan ain unikama 'inan ain bana

¹⁰ 'Ën xucë́antu, camina an Nucën 'Ibu Dios quicë bana uni ñuixuncë unicama 'iásaribiti 'iti 'ain. Atun ca tëmëraquinbi bënë́quinma tanshiacëxa.

Santiago 5:10 ပူးပေါင်းရင်းမြစ်များ

Hebreos 13:7

Jesucristo ñuiquin mitsu bana ñuixuncë unicama camina manuquinma sinánti ꞌain. —Atun ca Jesucristomi catamëquin upí ñuishi ꞌaia —quixun sinani camina usaribiti ꞌiti ꞌain.

Hechos 7:52

An Nucën Papa Dios quicë bana uni ñuixuncë unicama ca mitsun raracaman bëtsi bëtsi ocëxa. Bëtsi bëtsi onan ca axa, Nucën Papa Diosan Bëchicë Upíira ca uti ꞌicë quicë unicama aribi ꞌacëxa. A unicama quiásabi oía uá ꞌicëbi camina mitsun a bamamicasquin unían i curúsocënu matásnun ꞌinan.

Hechos 3:21

Ucëma pan ꞌaísha Jesucristo anu ax ꞌicë anu ꞌimainun ca Nucën Papa Diosan, an ax quicë bana uni ñuixuncë unicaman cuënëosabi oquin, camabi ñu sënë́onti ꞌicën.

Lucas 6:23

Camina ꞌunánti ꞌain, usaribi oquin ca an mitsu ꞌatimocë unin raracaman, an Nucën Papa Dios quicë bana uni ñuixuncë unicama bëtsi bëtsi oquin ꞌatimocëxa. Usaquin ꞌunani camina unin ꞌatimocëxbi —Nucën Papa Diosan ca nu sinánxunquin aín nëtënu abë upiti tsónun nu ꞌimiti ꞌicë —quixun sinani, chuámarua tani cuëënti ꞌain.

Jeremías 2:30

ꞌËn kana ñankáishibi mitsun bakë bëchikëkama tëmëramiakën, atun ka ꞌën bana ꞌunánkin ax kikësokin ꞌaisama tankëxa. Mitsúnbi kamina paru ꞌinúan raëkëma, ꞌain piti bitsi në́kësa usaribi ꞌikin, an ꞌën bana ñuikë unikama ꞌakankën.

Lucas 13:34

Ësaquinribi ca Jesusan cacëxa: —Jerusalénu ꞌicë unicama, mitsu cana cain, mitsux camina an Nucën Papa Dios quicë bana uni ñuixuncë unicama ꞌanan a an aín bana ñuixunun xucë unicamaribi maxaxan ꞌá, mitsun raracama axa ꞌiásaribi ꞌain. ¿Uitishi oquin carana mitsu nuibaquin bërúanquin ꞌaquinsa tan? ꞌAtapanëan aín tuácama cuëntancëxun aín pëchin mapuxun bërúancësaribi oquin cana mitsu bërúanquin ꞌaquinsa tan. ꞌAquinsa tancëxbi camina mitsux cuëëncëma ꞌain.

Jeremías 26:16

Usa ꞌain ka aín kushibu ꞌimainun kamabi unikaman sacerdotekama ꞌimainun an këmëkin Diosan bana ꞌikëmabi bana ñuikë unikaman kakëxa: “Ënë uni a kupín nun ꞌati ñu ꞌatima ka ꞌaíma ꞌikën; ënë unin ka Nukën ꞌIbu Diosan anën nukama kaxa.”

Jeremías 23:22

ꞌAínbi ka anu ꞌëx ꞌikë anu kuanxun kuni ꞌën bana kuakë ꞌitsíanxa, kuaxun ka ꞌën bana ꞌën unikama ñuixunkë ꞌitsíanxa; usakin ꞌakin ka atun ñu ꞌatima ꞌakëkama ënun ꞌimianan ꞌatimai tsókë akama ënun ꞌimikë ꞌitsíanxa kiax ka kiakëxa.”

Santiago 4:11

ꞌËn xucë́antu, cana mitsu cain, Jesucristomi sináncë ꞌaish camina axribia ami sináncë unicamabë ñuianantima ꞌain. Axa abëa Jesucristomi sináncë uni ñui —ax ca ꞌaisama ꞌicë —quicë uni ax ca —Nucën Papa Diosan banax ca ꞌaisama ꞌicë —quicësa ꞌicën. Usai qui camina mitsux Nucën Papa Diosan bana quicësabi oquin ꞌaíma a banax ca cuatima ꞌicë quicësa ꞌain.

Santiago 5:7

ꞌËn xucë́antu, Nucën ꞌIbu Jesucristo utámainun camina tëmëraibi bënë́quinma anúan uti nëtë caínti ꞌain. An ñu ꞌapácë unin ca ñu ꞌapátancëxun anun aín bimi biti nëtë sënë́ntamainun cainia. Usa ꞌixun ca mitabutancëxa sënë́ncëbëtan ñu ꞌapátancëxun bënë́quinma canitancëxuan tuaia aín bimi binuxun cainia.

Santiago 5:9

ꞌËn xucë́antu, Nucën Papa Diosan anun camabi uni aín nuitu ꞌunánquin uisoquin cara ñu ꞌaxa quixun isti nëtë ꞌurama ꞌain, camina mitsúxmi an ꞌuchocëma ꞌinun, uni raíribë ñuianani nishanantima ꞌain.

Santiago 5:13

Micama uinu ꞌicëx caramina masá nuituti bëtsi sinani camina Nucën Papa Diosbë banati ꞌain. Micama uinu ꞌicëx caramina cuëëni chuámarua tani camina Nucën Papa Dios rabi cantati ꞌain.