Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Santiago 4:2 - Kashibo-Kakataibo Biblia

2 Mitsun cuëëncë ñu bicasi bënë́quinbi bicëma ꞌixun camina binuxun ami nishquin uni itsi ꞌacësa ꞌain. Usa ꞌixun bëtsi uni ꞌicësaribiti ñuñu ꞌiisa tani bënë́quinbi bicasmati camina nishananan mëëananin. Usai ꞌiquinbi camina Nucën Papa Diosmi ñucácëma cupí mitsun cuëëncë ñu bitsiman.

အခန်းကိုကြည့်ပါ။ ကော်ပီ

Nukën 'Ibu Diosan ain unikama 'inan ain bana

2 Mitsun cuëëncë ñu bicasi bënë́quinbi bicëma 'ixun camina binuxun ami nishquin uni itsi 'acësa 'ain. Usa 'ixun bëtsi uni 'icësaribiti ñuñu 'iisa tani bënë́quinbi bicasmati camina nishananan mëëananin. Usai 'iquinbi camina Nucën Papa Diosmi ñucácëma cupí mitsun cuëëncë ñu bitsiman.

အခန်းကိုကြည့်ပါ။ ကော်ပီ




Santiago 4:2
14 ပူးပေါင်းရင်းမြစ်များ  

Kixuan kakëxun ka Ahabnën aín xanu kakëxa: —Axa nu ꞌurama ꞌikë uni Nabot a kana ꞌëa aín uvas ꞌapákë marunun kixun kan; ꞌaisamatankian uvas ꞌapákë me itsi ꞌinánun sinánun kixun kana kan. ꞌAínbi ka an ꞌë ꞌinántisama tanxa.


Usaribi ka an ñuñu ꞌixunbi ꞌitsaira ñuñu ꞌiti kuëënkë unikama atux ꞌikën: usa ꞌaish ka ꞌitsaira ñuñu ꞌiti kuëëni anunbi bamaia.


Kakëxun ka Ahaznën kakëxa: “Usama ka ꞌën kana Dios ꞌë kamina achúshi ñu ꞌaxunti ꞌai tankin kaima.”


An uvas baka xëakë unikaman ka bëtsi ꞌatimoia, usokëxun ka bëtsínribi a kupikin usakinribi ꞌaia, usakin ꞌai ka ꞌëx kana usaira ꞌai kiax anun rabitia, usakin ꞌakin ka tantikima, atuinra bëtsi ꞌatima okin ꞌatankëx kushin rabitia, usai ka an ꞌanuma bëtsi uni ꞌatankëx kia. Usa ꞌaish ka anu uni bamaia maínti me naëkë usaribi ꞌinun atun kuëbi bakai banakania, usakin ka an ñu ꞌatimashi ꞌakë unikaman bëtsi menu ꞌikë unikama ꞌatankëxun ꞌain ëma ꞌibuaia. Usakin ꞌai ka anua uni maínkë me naëkësa ꞌaish an ñu ꞌatimashi ꞌakë unikama tantima.


ꞌËnan ꞌixunbi camina ꞌëx quicësabi oquin añu ñubi Nucën Papa Dios ñucácancëma pain ꞌain. Ca ñucát. Ñucácëxun ca cuëëinra cuëënun an mitsu ꞌaxunti ꞌicën.


Cacëxun ca Jesusan cacëxa: —Ën mi ꞌunpax ñucácë ꞌaínbi camina ui carana ꞌai quixun ꞌë ꞌunaniman. ꞌË ꞌunánan añu cara Nucën Papa Diosan mi ꞌinánti ꞌicë quixun ꞌunáncë ꞌixun camina ꞌë ñucátsian. Ñucácëxun cana anúnmi nëtë́timoi Nucën Papa Diosnan ꞌiti ꞌunpax mi ꞌinántsian.


Uisaira caramina ami cushiti ꞌai quixun ꞌunáncëma ꞌixun camina Nucën Papa Dios ñucáti ꞌain. Ñucácëxun ca an mi usaími ꞌiti ꞌunánmiquin cushioti ꞌicën. An ca an a ñucácë unimi nishquinma cuëënquin upí oquin ꞌunánmia.


Mitsun camina ꞌuchañuma unibi ꞌuchoquin ꞌan. Usoquinmi ꞌacëxunbi ca atun mitsu cupicëma ꞌicën.


An ami nishquin uni raíri nuibacëma uni ax ca an uni ꞌacë unisa ꞌaish ꞌaisama ꞌicën. Camina ꞌunanin, an uni ꞌacë unix ca Nucën Papa Diosnanma ꞌaish xënibua ꞌaínbi abë ꞌitima ꞌicë quixun.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ