Santiago 4:1 - Kashibo-Kakataibo Biblia1 ¿Uisa cupí caramina mitsúxbi nishananan ñu cananin? Mitsúnbi bëtsi bëtsi ñu ꞌatimaquin sinani camina usai ꞌicanin. အခန်းကိုကြည့်ပါ။Nukën 'Ibu Diosan ain unikama 'inan ain bana1 ¿Uisa cupí caramina mitsúxbi nishananan ñu cananin? Mitsúnbi bëtsi bëtsi ñu 'atimaquin sinani camina usai 'icanin. အခန်းကိုကြည့်ပါ။ |
Usa ꞌain camina bërámami ꞌacansa oquin Nucën Papa Diosnanma unicaman ꞌacësa oquin ënë menu ꞌicë ñuishi ꞌati sinántëcëntima ꞌain. Unix ca aín xanuma ꞌaínbi bëtsi xanubë ꞌitima ꞌicën. Usaribiti ca xanu aín bënëma ꞌaínbi bëtsi unibë ꞌitima ꞌicën. ꞌImainun ca uni xanúxmabi bëtsi unibë ꞌitima ꞌicën. ꞌImainun camina ñunshinacëquin ꞌatima ñu ꞌati cuëëntima ꞌain. Camina ñuñu ꞌitishi sinántima ꞌain. Ñuñu ꞌitishi cuëëncë unix ca Nucën Papa Dios rabima, a cuëëncë ñuishi rabicësa ꞌicën.
Bëtsi bëtsi unix ca sinánxmaishi aín rara ꞌiá bana ñui bëtsi unibë cuëbicanánan, usaía judíos unicama ꞌitia Moisésnën cuënëo bana uisai quicë cara quixun ñui cuamianani bëtsibë nishánania. Usaía ꞌiabi camina mixribi usai ꞌiquinma atu isëshiti ꞌain. Usai ꞌiquin upí oquin sinani banacëma ꞌixun ca unin bëtsi uni upitaxa ꞌinun ꞌaquinima.
ꞌËn nuibacë xucë́antu, cana mitsu cain, Nucën Papa Dios mitsun ꞌApu ꞌain ca aín nëtëx mitsunanribi ꞌicën. Usa ꞌain camina ënë menu ꞌaish unia aín menumabi ꞌicësaribi ꞌain. Usa ꞌaish camina anbia ꞌatimaquin sináncë cupía ꞌatima ñu ꞌacë uníxa ꞌicësaribiti ꞌitima ꞌain. Usa unix ca Nucën Papa Diosbë upí ꞌima.