Santiago 3:18 - Kashibo-Kakataibo Biblia

¹⁸ Axa unibë nishananima upitishi banacë unicama an ca chuámarua ꞌixun upí ñuishi ꞌaquin uni raíriribi chuámarua ꞌinun ꞌimia.

Nukën 'Ibu Diosan ain unikama 'inan ain bana

¹⁸ Axa unibë nishananima upitishi banacë unicama an ca chuámarua 'ixun upí ñuishi 'aquin uni raíriribi chuámarua 'inun 'imia.

Santiago 3:18 ပူးပေါင်းရင်းမြစ်များ

Amós 6:12

¿Caballokamax kara xaxun pobu anun abáti ꞌik? Ka ꞌitima ꞌikën. ¿Parúmpapax kara me ꞌakësaribi okin tukapakin buinaisa ꞌik? Ka ꞌaisama ꞌikën, ꞌaínbi kamina mitsun upíokin ñu ꞌati ꞌikëbi muka ro ꞌakësokin ꞌakan ¡usakin ꞌakin kamina upíokin asérabi bëtsi ꞌatima onux këmëi banatima ꞌain!

Mateo 5:9

An raíri uni bëtsibë nishananíma nuibananun ꞌaquincë uni a ca Nucën Papa Diosan —mix camina ꞌën bëchicë ꞌai —quixun cati ꞌicën. Usa unix ca chuámarua tani cuëënia.

Juan 4:36

An uni ꞌëmi catamënun ꞌaquincë uni an ca aín cupí bitsia. A unin ꞌaquincëxa ꞌëmi catamëcë unicama ax ca xënibua ꞌaínbi Nucën Papa Diosnan ꞌia. Usa ꞌain ca an paían ꞌën bana uni ñuixuncë unicamabë an ꞌëmi catamënun uni ꞌaquincë unicamaxribi cuëënti ꞌicën, atúan ꞌënan ꞌinun uni ꞌaquincë cupí.

Gálatas 6:8

Usaribiti ca axa aín ꞌuchacama ënima aín cuëëncësa oíshi ꞌicë uni ax ainanma ꞌaish xënibua ꞌaínbi Nucën Papa Diosbë ꞌíma. Usa ꞌaínbi ca an aín Bëru Ñunshin Upitan sinánmicëxun sinánquin ñu upí ꞌacë uni ax Nucën Papa Diosnan ꞌaish xënibua ꞌaínbi abë ꞌia.

Filipenses 1:11

Jesucristonën ꞌaquincëxunmi mitsun ñu upíshi ꞌaia isquin ca unin —Nucën Papa Dios ax ca asérabi upí ꞌicë —quixun caquin a rabiti ꞌicën.

Hebreos 12:11

Cananuna ꞌunanin, Nucën Papa Diosan usoquin nu ꞌacëxun taní cananuna masá nuitupanin. Usai ꞌitancëxbi cananuna usaquian nu ꞌacë a inúcëbë Nucën Papa Diosbë upí ꞌiquin upí oquin sinani cuëënti ꞌain.

Santiago 1:20

Axa nishcë unix ca Nucën Papa Dios cuëëncësabi oi ꞌima.