Santiago 2:9 - Kashibo-Kakataibo Biblia

⁹ Usa ꞌaínbi camina mitsun, raíri unishi nuibanan raíri uni nuibacëma ꞌixun, ꞌuchaquin Nucën Papa Diosan bana cuënëo quicësabi oquin ꞌaiman.

Nukën 'Ibu Diosan ain unikama 'inan ain bana

⁹ Usa 'aínbi camina mitsun, raíri unishi nuibanan raíri uni nuibacëma 'ixun, 'uchaquin Nucën Papa Diosan bana cuënëo quicësabi oquin 'aiman.

Santiago 2:9 ပူးပေါင်းရင်းမြစ်များ

Levítico 19:15

Unin mix ꞌapu aín bëtsi unibëtan bana mëníoxun kakëxun kamina kana ꞌaima kakinma an ñu ꞌakë ëanan, an ñu ꞌakëma a tëmëratanun ꞌatima otima ꞌain, uisa ñu kara ꞌaxa kixun pain istankëxun kamina a rabë́bi tëmëramiti ꞌain.

Juan 16:8

An ca Nucën Papa Diosan bana cuacëma unicama atux ca ꞌuchañu ꞌicë quixun ꞌunánmianan, usai ca ꞌëmi catamëti, uni upí nuituñu ꞌiti ꞌicë quixun ꞌunánmianan, Nucën Papa Diosan ca ꞌëmi sináncëma unicama atun ꞌucha cupí castícanti ꞌicë quixun ꞌunánmiti ꞌicën.

Juan 8:46

¿Uinu ꞌicë micaman caramina ꞌën isana ꞌatima ñu ꞌa quixun ñuiti ꞌain? Camina ꞌatima ꞌain. ¿Cëmëquinma ꞌën cacëxunbi caramina uisa cupí ꞌën banax ca asérabi ꞌicë quixun sinaniman?

Juan 8:9

Cuënëomainun ca unicamax Jesús quia cuax —ꞌëx cana ꞌuchañumama ꞌai —quixun sinani cuancëxa. Cuanía mëcócamax pain cuancëbë ca usaribiti bërí canicëcamaxribi cuancëxa. Cuancëbëa Jesúsëshi anu ꞌimainun ca a xanuribi anu ꞌiacëxa.

Hechos 10:34

Ësoquian cacëxun ca Pedronën Cornelio cacëxa: —ꞌËn cana bërí asérabi ꞌunanin, Nucën Papa Diosan ca judíosma unibu judíos unisaribi isquin camabi uni sënën isia.

1 Corintios 14:24

Usa ꞌaínbi ca timë́xunmi mitsun Nucën Papa Diosan sinánmicëxun bana ñuicëbë, axa Jesucristomi catamëcëma uni ꞌianan mitsúxmi usai ꞌia ꞌunáncëma uni, ax atsínxun mitsúnmi ñuia cuaquin —a banax ca asérabi ꞌicën, ꞌatima ñu cana ꞌën ꞌa —quixun sinánti ꞌicën.

Gálatas 2:19

Moisésnëan usai ca judíos unicama ꞌiti ꞌicë quixun cuënëo bana quicësabi oquin sënë́onquin ꞌacëma ꞌaish cana ië́timoi bamati ꞌiacën. Usai ꞌicëbi ca Jesucristomi catamëcë cupíshi Nucën Papa Diosan ax cuëëncësabi oi ꞌinun, ꞌën ꞌuchacama tërë́nquin ꞌë ainan ꞌinun ië́miacëxa.

1 Juan 3:4

Usa ꞌaínbi ca an ñu ꞌatima ꞌacë unicama, ax Nucën Papa Diosan bana quicësabi oi ꞌima ꞌuchaia. Nucën Papa Diosan bana quicësabi oquinu ꞌacëma, ax ca ꞌucha ꞌicën.

Judas 1:15

Uxun ca camabi uni uisa cara oti ꞌicë quixun isaxa, atúan ñu ꞌacëcama ꞌunánquin. An ñu ꞌatima ꞌacë unicama atun ñu ꞌatima ꞌacë cupí ꞌimainun atun a ñui ꞌatimati banacë a cupíribi, ca Nucën ꞌIbu Diosan ꞌuchoquin uisa cara oti ꞌicë quixun isaxa”.