Santiago 2:8 - Kashibo-Kakataibo Biblia

⁸ Aín bana raírinëxa quicësoi ꞌicësamaira oi a bana quicësoi ꞌiti Nucën Papa Diosan banax ca ësai quia: “Mixmi upiti bërúancacësaribi oquin camina min aintsicama nuibanan axa ꞌaquinsa ꞌicë ꞌaquinti ꞌain”. A bana quicësabi oquin ꞌacë ꞌixun camina mitsun Nucën Papa Dios cuëëncësabi oquin ꞌain.

Nukën 'Ibu Diosan ain unikama 'inan ain bana

⁸ Aín bana raírinëxa quicësoi 'icësamaira oi a bana quicësoi 'iti Nucën Papa Diosan banax ca ësai quia: “Mixmi upiti bërúancacësaribi oquin camina min aintsicama nuibanan axa 'aquinsa 'icë 'aquinti 'ain”. A bana quicësabi oquin 'acë 'ixun camina mitsun Nucën Papa Dios cuëëncësabi oquin 'ain.

Santiago 2:8 ပူးပေါင်းရင်းမြစ်များ

1 Reyes 8:18

Usa uni ꞌikë ꞌunánxun ka Diosan ꞌën papa David kakëxa: Anuxun ꞌë rabiti xubu ꞌakin kamina upíokin ꞌati ꞌain;

2 Reyes 7:9

Usakin ꞌax ka atuxi kánani kikankëxa: —Nun nu ësokin ñu ꞌakë ënëx ka upíokin ꞌakëma ꞌikën. Usa ꞌain kananuna ënë nëtënbi unë́kinma atu kai kuanti ꞌain, nun kananuna unë́xun ësokin ñu ꞌatima ꞌain. Nun nu imë́ishi kai kuanxun kaínti ꞌaínbi ka nun isanuna ꞌatima ñu ꞌa kixun nu ꞌuchokanti ꞌikën. Usa ꞌain kananuna kuantankëxun anua ꞌapu ꞌikë xubunu ꞌikë unikama kai kuanti ꞌain.

Levítico 19:18

Axa mimi nishkë uni nuibatima ami nishanan kamina axa mibë nuibanankë unikamaishi nuibatima ꞌain. Min ꞌunánkë uni kamina mixmi bërúankakësaribi okin bëruánti ꞌain. ꞌËx kana mitsun ꞌIbu ꞌain.

Levítico 19:34

Mitsúxmi nuibanankësaribi okin kamina aturibi nuibati ꞌain, atux ka mitsusaribi ꞌikën. Mitsux pain kamina atux ꞌikësaribiti Egipto menu ꞌikë uni ꞌaímabi tsóakën. ꞌËx kana mitsun Dios a ꞌain.

Jonás 4:4

Ësai kikian ñukákëxunbi ka Diosan Jonás kakëxa: —¿Usaími nishkë ax kara min sinánkëx asábi ꞌik?

Jonás 4:9

Usai ꞌiabi ka Diosan kakëxa: —¿Usaími an mi tupë́onkë itsi barin aín pëikëñunbi ë́skan nishkë ax kara asábi ꞌik? —¡ꞌËn sinánkëx ka asábi ꞌikën! —kixun ka Jonásnën kakëxa. ¡ꞌËn nishkënbi kana bamatisa tanin kixun ka kakëxa!

Mateo 22:39

Bëtsi bana asaribi ca ënëx ꞌicën: “Mixmi bërúancacësaribi oquin camina min aintsicama nuibanan axa ꞌaquinsa ꞌicë ꞌaquinti ꞌain”.

Mateo 25:21

Cacëxun ca an a ñu mëëmicë unin caxa: Camina upí oquin ꞌën curíquinën ñu ꞌan. Minmi ꞌitsamashi ꞌaínbi a curíquinën upí oquin ꞌacë cupí cana mi ꞌitsaira anúnmi ꞌë ñu ꞌaxúnun ꞌinánti ꞌain. Usa ꞌaish camina ꞌëx cuëëncësaribi oi ꞌëbë cuëënti ꞌain.

Mateo 25:23

Cacëxun ca an a ñu mëëmicë unin caxa: Camina upí oquin ꞌën curíquinën ñu ꞌan. Minmi ꞌitsamashi ꞌaínbi a curíquinën upí oquin ꞌacë cupí cana mi ꞌitsaira anúnmi ꞌë ñu ꞌaxúnun ꞌinánti ꞌain. Usa ꞌaish camina ꞌëx cuëëncësaribi oi ꞌëbë cuëënti ꞌain.

Mateo 7:12

Bëtsi uníxa mibë upí ꞌianan mi ꞌaquintimi mix cuëëncë, usaribi oquin camina min bëtsi unibë upí ꞌianan a ꞌaquinti ꞌain. Usaquin ꞌanun ca Moisésnën cuënëo bana quia. ꞌImainun ca an Nucën Papa Dios quicë bana uni ñuixuncë unicaman cuënëo banaribi usai quia.

Romanos 13:10

Mitsun aintsicama nuibanan amanu ꞌicë uniribi nuibacë ꞌixun camina uisa unibi ꞌatimotima ꞌain. Usa ꞌain camina uni nuibacë ꞌixun Nucën Papa Diosan bana camabi quicësabi oquin ꞌain.

Gálatas 5:14

Nucën Papa Diosan bana ca quia: —“Mixmi bërúancacësaribi oquin camina min aintsicama nuibanan axa ꞌaquinsa ꞌicë ꞌaquinti ꞌain”. A bana quicësa oquin ꞌacë ꞌixun camina bëtsi uni nuibati ꞌain, mix bërúancacësaribi oquin. Usoquin ꞌacë ꞌixun camina Nucën Papa Diosan bana raírinëxa quicësabi oquin ꞌacë ꞌiti ꞌain.

Gálatas 6:2

Min ñuishi ꞌati sinánquinma camina uni raíriribi ami sinánquin ꞌaquinsa ꞌicë ꞌaquinti ꞌain. Usai camina bëtsibë bëtsibë ꞌaquiananti ꞌain. Usai ꞌi camina Cristo quiásabi oi ꞌiti ꞌain.

Filipenses 4:14

Usa ꞌaínbi ca mitsúnmi ꞌëx tëmëraia ꞌaquinquin ꞌë curíqui bëmicë asábi ꞌiaxa.

1 Tesalonicenses 4:9

Nucën Papa Diosan ꞌunánmicëxunmi upí oquin ꞌunáncë cupí cana, axa Jesucristomi catamëcë unicamax ca bëtsibë bëtsibë nuibananti ꞌicë quixun mitsu cuënëoxuniman.

Santiago 1:25

Usa ꞌaínbi ca an a bana cuaquin manuquinma sináncë uni, ax a bana quicësabi oquin ënquinma ꞌacë ꞌaish chuámarua tani cuëënti ꞌicën. A banax ca anúnu upí ꞌianan, ñunshin ꞌatima cuëëncësa oi ꞌima Nucën Papa Dios cuëëncësabi oi ꞌinux ië́ti a ꞌicën.

Santiago 2:12

Usa ꞌaínbi camina mitsux Nucën Papa Diosan, anun camabi unían ñu ꞌacë isti nëtën, mitsux caramina Jesucristomi catamëti axa cuëëncësabi oi ꞌia quixun isti cupí, upitishi bananan upíshi ꞌiti ꞌain.

Santiago 2:19

Min camina Nucën Papa Dios ax ca achúshishi ꞌicë quixun sinanin. Usaquin sinánti ca asábi ꞌicën. Usaquinmi sináncë ꞌaínbi ca ñunshin ꞌatimacamanribi —usa ca —quixun ꞌunani ami racuëtan bamai bërëruia.

Santiago 4:11

ꞌËn xucë́antu, cana mitsu cain, Jesucristomi sináncë ꞌaish camina axribia ami sináncë unicamabë ñuianantima ꞌain. Axa abëa Jesucristomi sináncë uni ñui —ax ca ꞌaisama ꞌicë —quicë uni ax ca —Nucën Papa Diosan banax ca ꞌaisama ꞌicë —quicësa ꞌicën. Usai qui camina mitsux Nucën Papa Diosan bana quicësabi oquin ꞌaíma a banax ca cuatima ꞌicë quicësa ꞌain.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.