Santiago 2:6 - Kashibo-Kakataibo Biblia

⁶ Usa ꞌaínbi camina mitsun ñuñuma uni a —ꞌaisama ca —quixun timaquin rabínmin. Ñuñuira uni an ca mitsu paránquin ñu mëëmianan tëmëramiquin mitsumi manánquin, an uníxa ami bëtsi uni ñui manáncëxun cuacë uninu buania. ¿Atux cara usama ꞌic?

Nukën 'Ibu Diosan ain unikama 'inan ain bana

⁶ Usa 'aínbi camina mitsun ñuñuma uni a —'aisama ca —quixun timaquin rabínmin. Ñuñuira uni an ca mitsu paránquin ñu mëëmianan tëmëramiquin mitsumi manánquin, an uníxa ami bëtsi uni ñui manáncëxun cuacë uninu buania. ¿Atux cara usama 'ic?

Santiago 2:6 ပူးပေါင်းရင်းမြစ်များ

Salmos 14:6

Usa ꞌain ka uni upí sinánñukama an kuëënkin ñu ꞌakëbë ami kuaia, usai ꞌikian aín kuëënkësa okin ꞌakania ka Diosan atu ꞌakinia.

Isaías 53:3

usa ꞌikë ka unikaman istisamatankin timakanti ꞌikën. Ax ka achúshi uni ꞌitsaira paë tani tëmërakin masánuitukinbi tënëkin ꞌaxëkë ꞌiaxa. Usa ꞌikë ka a unin istisama tankë unisa ꞌikë kamaxunbi usa ka; ax ꞌikë kixun nukaman ꞌunánma ꞌain.

Amós 4:1

Samarianu ꞌikë xanukama ësokin mitsu kamainun kamina kuati ꞌain: Mitsux kamina Basán menu ꞌikë vaca ain xanu xuabu usaribi ꞌaish xubairabu ꞌain, usa ꞌixun kamina uni ñuñuma ꞌatima onan, an ñu kuëënkin bisatankë a ꞌianan, mitsun bënëkamaribi a xëati uvas baka paëokin ꞌakë bëxunun kixun kain.

Amós 5:11

Mitsun kamina kuríkiñu ꞌixun ñuñuma unikama a ꞌatima okin atun trigo kupísa mitsu kupíonun kixun ꞌamin, usa ꞌain kamina mitsun xubu maxá upíokin ꞌakë anubi ꞌima ꞌianan, mitsun ꞌapákë uvas baka abi xëakantima ꞌain.

Habacuc 3:14

Usakin ꞌanan kamina aín ꞌapukamabi an tuinkë aín pianbi ꞌan, usokëbë ka axa caballonu ꞌikëkama nëtë masá kuatsinkësa ax ꞌëx kana usaira ꞌai kiax kima an ꞌakintiñuma ꞌain, unikaman atu ꞌunánnumaishi unëxun këñukin ꞌati ꞌikën.

Juan 8:49

Usai quia ca Jesusan cacëxa: —ꞌËx cana ñunshin ꞌatimañuma ꞌain. Ami sinánquin camabi unin ꞌën Papa Dios rabinun quixun cana an ꞌë sinánmicësabi oquin aín bana ñuianan ñu ꞌain. Usa ꞌicëbi camina mitsun ꞌën bana cuatiman.

Hechos 13:50

Usa ꞌaínbi ca judíos unicaman Pablocëñun Bernabé ñui ami ꞌatimati banaquin bëtsi bëtsi xanu Nucën Papa Diosmi sináncë ꞌianan —atux ca aín nuitu upí ꞌicë —quixun unin cacë acama ꞌimainun a ëmanu ꞌicë cushi unicamaribi Bërnabé ꞌimainun Pablomia nishnun quixun tsuáquirumiacëxa. Usocëxun ca Pablocëñun Bernabé bëtsi bëtsi oquin aín nëtënuaxa cuanun quixun xuacëxa.

Hechos 17:6

Usai quiquinbi mëraquinma ca Jasóncëñun axa Jesucristomi catamëcë unicama raíri nirínbianquin a ëmanu ꞌicë unicaman ꞌapunu buáncëxa. Buani ca munuma sharati quicancëxa: —An camabi menu ꞌicë unicama tsuáquirumicë uni rabëtax ca ënu uaxa.

Hechos 18:12

Usaquian ñuixuncëbëbi ca Galión, axa Acaya menu ꞌicë unicaman ꞌapu ꞌain, judíos unicamax Pablomi nishi tsuáquiruacëxa. Tsuáquiruquin bibianquin ca an uníxa unimi manania cuacë unicama timë́cë anu buáncëxa.

Hechos 8:3

Usa ꞌain ca Saulonën Jesucristomi catamëcë unicama cëñutisa tanquin xubucama oi atsínquin bëbu ꞌimainun xanuribi nirínbianquin sipuanuxun buáncëxa.

1 Corintios 11:22

Mitsux camina anuxun pianan xëati xubuñu ꞌain. Axa Jesucristomi catamëcë unicamabë timë́axmi usai mitsux ꞌicëbë ca uni raírinëx Nucën Papa Dios timai ainan ꞌiisama tanti ꞌicën. Usami ocëx ca anu ꞌicë ñuñuma unicamax ñuñuma ꞌaish rabinia. ¿Uisoquin carana mitsu cati ꞌain? ¿Usaími ꞌia carana uisa ꞌixun mitsu —asábi camina ꞌai —quixun cati ꞌain? Cana catima ꞌain.

Santiago 2:3

Atsiniami mitsun ñuñu uni a upí oquin biquin: Anu tsóti upí ënu ca tsót quixun canan ñuñuma uni aribi: ꞌIisa tani nianan ca menu tsóbut cati, ax ca ꞌaisama ꞌicën.

Santiago 5:4

An mitsu naënuxun ñu mëëxuncë uni camina cupíocëma ꞌain. Cupíocëma ꞌaish ca mitsu ñui banaia. Usaquian mitsu ñuia ca ángelcaman ꞌapu, Nucën ꞌIbu Dios, an cuaxa.

Santiago 5:6

Mitsun camina ꞌuchañuma unibi ꞌuchoquin ꞌan. Usoquinmi ꞌacëxunbi ca atun mitsu cupicëma ꞌicën.