Santiago 2:5 - Kashibo-Kakataibo Biblia

⁵ ꞌËn nuibacë xucë́antu, ꞌën mitsu camainun ca cuat. Nucën Papa Diosan ca axa ënë menuax ñuñuirama unicama a caísia, atúxa ami upiti catamëcë ꞌianan aín nëtënu abë ꞌinun, an nuibacë unicamax ca usai ꞌiti ꞌicë quiáxa aín bana quicësabi oquin.

Nukën 'Ibu Diosan ain unikama 'inan ain bana

⁵ 'Ën nuibacë xucë́antu, 'ën mitsu camainun ca cuat. Nucën Papa Diosan ca axa ënë menuax ñuñuirama unicama a caísia, atúxa ami upiti catamëcë 'ianan aín nëtënu abë 'inun, an nuibacë unicamax ca usai 'iti 'icë quiáxa aín bana quicësabi oquin.

Santiago 2:5 ပူးပေါင်းရင်းမြစ်များ

1 Reyes 22:28

Ësakin kaiabi ka Micaíasnën katëkëankëxa: “Mixmi uisaibi ꞌima asábi utëkënkë, ax ka Diosan kamikëxun ꞌën mi kakëma ꞌiti ꞌikën.”

Job 38:14

Usa ꞌain ka barin urukin menu pëkakë an kamabi ni pë́kabëtsinkë ax chupa pukukësa ꞌinun mërati ꞌikën;

Éxodo 20:6

ꞌaínbi kana an ꞌëx kikësabiokin ꞌakë unikama a xënibua ꞌaínbia aín rëbúnki kamax ax kikësabira oi ꞌiti bana a ꞌaia nuibati ꞌain.

Proverbios 13:7

Anu ka bëtsi bëtsi uni ñuñuma ꞌaishi ñuñu ꞌisatankë ꞌikën, ꞌimainun ka bëtsi bëtsi uni ñuñuira ꞌaishi ñuñuma unisa ꞌikën.

Proverbios 7:24

Usa ꞌain kamina uni bëná mix ꞌën kakëxun, ꞌën bana kuati usaibi ꞌiti ꞌain.

Proverbios 8:32

Usa ꞌain kamina bërí mitsux uni bënábu ꞌixun ꞌën kakëxun kuati ꞌain; kuati kamina ꞌëx ꞌikësaribiti ꞌi chuámarua ꞌikanti ꞌain.

Mateo 11:5

Cuanxun camina cati ꞌain: Bëxuñu unínbi ca bërí isia, aín niti bëtsicë uníxribi ca bërí upiti nitsia, an aín nami chëquímicë ꞌinsínñu unix ca pëxcutia, pabë unin ca bana cuatia, bamacë uníxbi ca baísquia, ñuñuma unínribi ca anun Nucën Papa Diosnan ꞌinux ië́ti bana cuatia.

Mateo 25:34

Usai ꞌitancëxun cana ꞌëx ꞌApuira ꞌixun axa ꞌën mëqueu ꞌicë unicama cati ꞌain: ꞌËn Papa Diosan ca mitsu upí oquin sinánxunia. Mecama ꞌimainun anu ꞌicë ñucama unioquin ca an mitsu sinánxunquin anu mitsux abë ꞌiti mëníocëxa. Ax quiásabi oi camina bërí anu ꞌiti ꞌain.

Mateo 5:3

An —ꞌënbi cana ꞌën nuitu upí ꞌimitima ꞌai —quixun ꞌunáncë uni, ax ca ꞌëmi catamëtia Nucën Papa Diosan aín nuitu upí ꞌimianan ainan ꞌimicë cupí, chuámarua tani cuëënia.

Marcos 7:14

Catancëxun ca ësaquinribi Jesusan cuënxun unicama cacëxa: —Camaxunbi ca ꞌën bana ñuimainun upí oquin cuat.

Lucas 12:21

Caxun ca Jesusan cacëxa: —Usaribiti ca, Nucën Papa Dios cuëëncësabi oquin ꞌati sinánquinma axbi ñuñu ꞌiti sináncë uni ax ꞌiti ꞌicën.

Lucas 12:32

Ësaquinribi ca Jesusan aín ꞌunánmicë unicama cacëxa: —Mitsux camina ꞌënan ꞌain. Usa ꞌaish ꞌitsairama ꞌaínbi ca mitsux ainan ꞌianan aín nëtënu abë ꞌiti Nucën Papa Dios cuëënia. Usaquin ꞌunani camina racuë́tima ꞌain.

Lucas 16:22

A ñuñuma uníxa bamaia ca ángelcaman anu Abraham ꞌicë anu buáncëxa, buáncëx ca Abrahambë ꞌiacëxa. Usa ꞌain ca ñuñu uni axribi bamacëxa, bamacë ca maíncancëxa.

Lucas 16:25

Cacëxun ca Abrahamnën ñuñu ꞌiá uni cacëxa: Mix bamacëma pain ꞌaish camina Lázaronëxa ñuñuma ꞌianan ꞌinsíncë ꞌaish nuibacamainun mix ꞌitsa ñuñu ꞌianan ꞌinsíncëma ꞌaish upitax tsoócën. Usai ꞌiá ꞌaíshbi ca bërí mixmi ꞌaisamaira paë tani tëmëramainun Lázaro ax asábiira ꞌicën.

Lucas 22:29

Usa ꞌicë cana ꞌën Papa Diosan ꞌë ꞌapuira ꞌinun ꞌimicësaribi oími ꞌëbë cushi ꞌinun mitsu ꞌimin.

Lucas 6:20

Usa ꞌain ca ami bësuquin Jesusan aín ꞌunánmicë unicama cacëxa: —Mitsux ñuñuma ꞌaíshbi ꞌëmi catamëtia Nucën Papa Diosan mitsu ainan ꞌaish aín nëtënu ꞌiti ꞌimicë cupí camina chuámarua tani cuëënin.

Juan 7:48

Achúshira nun ꞌapúnbi ca axa quicë aín banax ca asérabi ꞌicë quixun sináncëma ꞌicën. Usaribi oquin ca achúshira fariseo unínbi axa quicë banax ca asérabi ꞌicë quixun sináncëma ꞌicën.

Hechos 7:2

Cacëxun ca Estebanën cacëxa: —ꞌËn aintsicama ꞌimainun caniacëcë unicama nun cushibu, ꞌën mitsu camainun ca cuat. Nucën rara Abrahamnëx ca Harán cacë menu ꞌiisama pain ꞌaish Mesopotamia menu ꞌiacëxa. Anua ꞌicë ca ax upíira ꞌixun nucën rara Abraham Nucën Papa Diosan cacëxa:

Romanos 8:17

Aín bëchicë ꞌicë ca Nucën Papa Diosan ax quicësabi oquin nu ꞌaquianan aín nëtënu abë ꞌinun nu ꞌimiti ꞌicën. Ainan ꞌicë ca Nucën Papa Diosan Cristosaribi nu ꞌimiti ꞌicën. Cristonan ꞌixúnu tëmëraquinbi ax cuëëncësabi oquin ꞌati ëncëma ꞌicë ca Nucën Papa Diosan nuribi aín quicësabi oquin aín nëtënu Cristobë ꞌinun nu ꞌimiti ꞌicën.

1 Corintios 2:9

Nun nu ñuicë banax ca Nucën Papa Diosan bana cuënëosaribi ꞌicën. A banax ca ësai quia: Uinu ꞌicë unínbi ca iscëma ꞌicën, uinu ꞌicë unínbi ca a ñui quia cuacëma ꞌicën, uinu ꞌicë unínbi ca aín sinanën sináncëma ꞌicën, uisairai cara an a nuibacë uni abë ꞌaish ꞌiti ꞌicë quixun, Nucën Papa Diosan mëníosabi oi.

2 Corintios 4:15

Nun tëmëraquinbi mitsu bana ñuixuncëx camina ꞌitsaxira Nucën Papa Diosan nuibaquin ꞌaquincëx ainan ꞌaish cuëënin. Usai ꞌiquin camina mitsun ꞌitsaxuinra Nucën Papa Dios —asábi ca —caquin a rabin, Nucën Papa Dios cuëënun.

2 Corintios 6:10

Masá nuitucë ꞌaíshbi cananuna chuámaruaishi ꞌain. Ñuñuma ꞌixunbinu Cristo ñuiquin bana ñuixuncëx ca an a bana cuacë unicamax uni ñuñu ꞌicësamaira oi chuámarua tani cuëënia. Ñuñuma ꞌicëbi ca Cristonën nubë ꞌixun ax cuëëncësabi oínu anun ꞌinun nu ñu ꞌinania.

2 Corintios 8:9

Uisaira oquin cara Nucën ꞌIbu Jesucristonën nu nuibatia quixun camina ꞌunanin. Mitsúxmi chuámarua ꞌianan aín nëtënu xënibua ꞌaínbi abë ꞌiti cupí ca ax aín Papan nëtë upí ëbëtsini ënë menu ñuñuma ꞌinux uacëxa.

Efesios 1:18

ꞌImainun cana mitsu ñucáxunin, an ꞌimicëx caramina uisairai ënë nëtënuax Jesucristosaribi ꞌaish upí sinánñu ꞌiti ꞌai quixunmi mitsun ꞌunánun. Ñucánan cana uisairai caramina aín nëtënu abë ꞌaish, axa ami catamëcë unicamabë ꞌiti ꞌai quixunmi ꞌunánun mitsu ñucáxunin.

Efesios 3:8

ꞌËx axa ami catamëcë uni raíribë sënë́nmara ꞌicëbi ca Nucën Papa Diosan nuibaquin, judíosma unicama Cristo ñui quicë bana ꞌunánminun ꞌë ꞌimiaxa, uisaira oquin cara Cristonën aín unicama nuibaquin ꞌaquinia quixuan ënë nëtënuxun aín unicaman ꞌunáinracëma ꞌicëbi.

1 Tesalonicenses 2:12

Mitsúxmi Nucën Papa Dios, axa upíira, ax mitsubë ꞌain, aín nëtë upí anu abë ꞌiti sinani, an sinánmicësabi oíshi aín uni ꞌaish ꞌinun quixun cananuna mitsu upí oquin ꞌësëquin ꞌunánmian.

2 Tesalonicenses 1:5

Ainan cupí usai tëmëratancëxmi mitsux aín nëtënu abë ꞌinuan an mëníocë cupí camina ꞌunánti ꞌain, Nucën Papa Dios ax ca asérabi aín sinan upí ꞌicë quixun.

1 Timoteo 6:18

Canan camina ësaquinribi atu cati ꞌain, ënquinma upí ñuishi ꞌanan ca uix cara ñuñuma ꞌaish ꞌaquinsa ꞌicë aribi ñonquinma ꞌaquínti ꞌicë quixun.

2 Timoteo 4:18

Usaquin ca Nucën ꞌIbu Jesucristonën ꞌë ꞌaquianxa. Usaribi oquin ca ꞌë ꞌaquintëcënquin uisa cara ocaniabi ꞌë ꞌaquinti ꞌicën. ꞌAquintancëxun ca ꞌëx aín nëtënu abë tsónun ꞌë ꞌimiti ꞌicën. Upíira ꞌicë ca cëñútimoquin unin Nucën Papa Dios rabiti ꞌicën. Usai ca ꞌiti ꞌicën.

2 Timoteo 4:8

Usa ꞌixun cana Nucën ꞌIbu Jesucristonën utancëxun, upí oquin ax cuëëncësabi oquin ꞌën ꞌacë cupí cara uisaira ꞌë ꞌimiti ꞌicë quixun isti ꞌain. An ca asérabi aín quicësabi oquin ꞌati ꞌicën. Usa ꞌixun ca ꞌëishima, an axa uti cuëënquin caíncë unicamaribi, utancëxun uisaira oquin cara aturibi ꞌimiti ꞌicë usoquin ꞌimiti ꞌicën.

Hebreos 11:26

Cuëënquin ca sináncëxa, Egiptonu ꞌicë unicamax ñuñu ꞌaish cuëëncësamaira oi cana ꞌëx Nucën Papa Diosmi sináncë ꞌaish tëmëraibi cuëënti ꞌain. Cristonan ꞌicëa unin ꞌatimocëx tëmëraibi aín unicama cuëëncësaribi oi ca Moisés tëmëraibi Nucën Papa Diosan unicamabë ꞌi cuëëancëxa. Ax ca —Nucën Papa Diosan ca ax quicësabi oquin nu ainan ꞌaish aín nëtënu abë ꞌinun ꞌimia —quixun ꞌunani ami catamëti cuëëancëxa.

Santiago 1:12

An uisa ñu cara ꞌicëbëbi bënë́quinma tanshiquin Jesucristomi catamëti ëncëma unicama a ca usaía ax ami sináncë unicama ꞌiti ñuia quiásabi oquin Nucën Papa Diosan aín nëtënu abë ꞌaish chuámarua ꞌaish cuëënun ꞌimiti ꞌicën.

Santiago 1:16

ꞌËn nuibacë xucë́antu, uinu ꞌicë unínbi paráncë camina ꞌicantima ꞌain.

Santiago 1:19

ꞌËn nuibacë xucë́antu, usa ꞌain camina Nucën Papa Diosnan ꞌixun mitsun unían bana ñuia upí oquin pain cuati ꞌain. Cuati camina mitsux munu pain sinántancëx bananan bënëtishi nishtima ꞌain.

Santiago 1:9

Uicamax cara unían —ñuumara ca —quixun iscë ꞌiaxbi Jesucristomi catamëtia, Nucën Papa Diosan ꞌaquincëx bëráma ꞌiásama ꞌicë, ax ca cuëënti ꞌicën.

1 Pedro 1:4

Nucën Papa Diosan ca mitsúxmi aín nëtënu abë ꞌitioquin mëníocëxa. A nëtënuax ca uisa ñubi, ënë nëtënuax ꞌicësari chëquianan cëñútima ꞌicën, anu ca uisa ꞌuchabi ꞌaíma ꞌicën. Usabi ca xënibua ꞌaínbi ꞌiti ꞌicën.

2 Pedro 1:11

Usai ꞌitancëx camina Nucën ꞌIbu Jesucristo, an nun ꞌucha tërë́nquin Nucën Papa Diosnan ꞌinun nu ië́micë, an mëníosabi oi asérabi aín nëtënu abë cëñútimoi ꞌiti ꞌain.

Apocalipsis 2:9

Mitsúnmi ñu ꞌacëcama cana ꞌunanin. ꞌËn cana ꞌunanin, mitsux ꞌëmi catamëcë cupí camina tëmëranan ñuñuma unisa ꞌain. Ñuñuma ꞌaíshbi camina ꞌën nëtënu ꞌëbë ꞌaish ñuñu unicamax ꞌicësamaira oi anu ꞌicë ñuñu ꞌaish cuëëinra cuëënti ꞌain. Ësaquin cana ꞌunanin, bëtsi bëtsi uni, —nux cananuna judíos uni ꞌai —quibi judíosma ꞌaish, ñunshin ꞌatimanën ꞌapu, Satanásnën unishi ꞌixun ca ꞌatimati banaquin mitsu ñuia.

Apocalipsis 21:7

Uicaman cara ꞌëmi catamëquin ꞌëx cuëëncësabi oi ꞌiti ëncëma ꞌicë, acama cana ꞌënan ꞌaish ꞌëbë tsóti ꞌimiti ꞌain. ꞌImainun cana ꞌëx aín Dios ꞌiti ꞌain. ꞌImainun ca ax ꞌën bëchicë ꞌiti ꞌicën.

Apocalipsis 3:18

Mitsúxmi usai ꞌinúnma cana mitsu ꞌësëquin ësaquin cain: Curi manë ax ca ꞌitsísirocëx aín chuacama nëtëtia. Nëtë́cëbë ca aín upíshi bërutia. Usaribi oquin asérabi mitsun nuitu upí ꞌinun ꞌën mitsu ꞌiminun camina ꞌë ñucáti ꞌain. Mitsun ꞌatima ñu ꞌacëcama tërë́ncë ꞌianan ꞌëmi sinánquin ñu upí ꞌacë ꞌaish chupa uxua pañucësa ꞌinun ꞌën mitsu ꞌiminun camina ꞌë ñucáti ꞌain. Mitsun uisa ñu ꞌati cara ꞌatima ꞌicë, uisa ñu ꞌati cara upí ꞌicë quixun upí oquin ꞌunáncëma ꞌaish bëxuñu unisa ꞌixunbi, acama mitsu ꞌunánminun camina ꞌë ñucáti ꞌain.

Jueces 9:7

Usokin aín xukë́nkama ꞌamitankëxa Abimélec ꞌapu ꞌikë kuati ka aín bashi Guerizim anu mapërakëax anuax munuma kushinra kuënkëni kamabi Siquemnu ꞌikë unikaman kuanun ain xukë́n ꞌanáka Jotam kiakëxa: ¡Siquemnu ꞌikë unikaman ꞌëx kia kamina upíokin kuankanti ꞌain! ¡ꞌËx kia mi kuakësa usaribi okin ka Diosan mitsux kia kuati ꞌikën!

1 Samuel 2:30

Usa ꞌain ka Israel unibunën Dios an mi ꞌimainun min aintsi aín ñu mëëti ꞌaxúnun ꞌinánkë ax bërí kiaxa: Uinsaranbi kana atun ësokin, ꞌë ñu ꞌaxúnun ꞌamitima ꞌain, ꞌakinma kana an ꞌë nuibakë aribi nuibati ꞌain, ꞌanan kana ꞌëmi kuaikin ñu ꞌakë a nuibatima ꞌain. ꞌËx min ꞌIbuira ꞌaish kana ësai kin.

1 Samuel 2:8

Nukën ꞌIbun ka ñuñuma uni ñuñu ꞌinun ꞌimia ꞌimianan ka kuaínbëkini nitsi ñu ñukákanankë uni, atúxribi ñuñu unikamabë ñuñu ꞌi ꞌapu ꞌinun ꞌimiti ꞌikën ꞌimikin ka, atux tsókë anuribi tsónun ꞌimiti ꞌikën; Dios ax ka kamabi ñun ꞌibu ꞌianan kamabi men ꞌIbu ꞌikën, usa ꞌixun ka an me uniokin anubia ꞌitinu nankëxa.