Santiago 2:14 - Kashibo-Kakataibo Biblia

¹⁴ ꞌËn xucë́antu, an “ꞌëx cana ami catamëti Jesucristonan ꞌain” quiquinbi, Jesusan bana quicësabi oquin upí ñuishi ꞌacëma uni ax ca aín bana ñancáishi ꞌicën. ¿Usa unix cara Jesucristonan ꞌaish ië́ti ꞌic? Ca ꞌitima ꞌicën.

Nukën 'Ibu Diosan ain unikama 'inan ain bana

¹⁴ 'Ën xucë́antu, an “'ëx cana ami catamëti Jesucristonan 'ain” quiquinbi, Jesusan bana quicësabi oquin upí ñuishi 'acëma uni ax ca aín bana ñancáishi 'icën. ¿Usa unix cara Jesucristonan 'aish ië́ti 'ic? Ca 'itima 'icën.

Santiago 2:14 ပူးပေါင်းရင်းမြစ်များ

Lucas 6:49

Usa ꞌaínbi ca an ꞌën bana aín pabitan cuaxunbi a bana quicësabi oquin ꞌacëma uni ax ca an masinu xubu ꞌacë unisaribi ꞌicën. ꞌUí ꞌibúcëbë, baca ꞌitsaira ꞌëi, ami aín bai tucanquicëbë ca a xubu puxucuti ꞌicën. Usai ꞌi ca aín itácamaribi tsasíbuti ꞌicën.

Tito 1:16

Atúxa —ꞌëx cana Nucën Papa Diosan uni ꞌai —quiabi ca an ñu ꞌaisama ꞌaia iscë unicaman —usama ca —quixun ꞌunania. Atúan ñu ꞌaisama ꞌacë cupí ca unin atu cuëënima. A unicaman ca bana cuacëma ꞌixun ñu upí ꞌati sinanima.

2 Pedro 1:5

Usai mitsux Nucën Papa Diosmi catamëcë ꞌixun camina upí ꞌixun ënquinma ñu upíshi ꞌati sinánquin ꞌati ꞌain. Upí ñu ꞌacë ꞌixun camina Nucën Papa Dios cuëëncësabi oi caramina uisai ꞌiti ꞌai quixun ꞌunánti ꞌain.

Santiago 2:26

Cananuna ꞌunanin, bamatancëx ca bëru ñunshínñuma ꞌaish uni aín nami ñancáishi ꞌicën. Usaribi ca uni ax isa Jesucristomi catamëtia quiquinbi uni itsi nuibaquin ꞌaquincëma ꞌaish, aín banax ñancáishi ꞌicën.

Hebreos 11:17

Abraham ca —asérabi ca Nucën Papa Diosan aín quicësabi ꞌoquin ꞌati ꞌicë —quixun ꞌunani ami catamëacëxa. Ësai ca ꞌiacëxa. Nucën Papa Diosan ca Abraham cacëxa: “Min bëchicë Isaacnën rëbúnqui ca asérabi ꞌitsaira ꞌianan ꞌënan ꞌiti ꞌicë” quixun. Usa ꞌaínbi ca Nucën Papa Diosan —asérabi cara Abrahamnën ꞌën cacësabi oquin ꞌati ꞌicë —quixun ꞌunántisa tanquin, Abraham cacëxa —min camina ꞌaracacë ñuina ꞌaxunquinma, min bëchicë Isaac abi ꞌë rabiquin ꞌë ꞌaxunti ꞌai —quixun. Cacëxun ca usoquin anuxun ꞌatinu Isaac buáncëxa.

Hebreos 13:9

Usa ꞌain camina uni itsían mitsu bëtsi bëtsi bana ñuixunquin Jesucristomi sinánti ënun quixun cacëxunbi ëntima ꞌain. A unicamax ca —bëtsi bëtsi ñu piquinbi camina bëtsi bëtsi ñu pitima ꞌai —quia. Atúxa usai quia a bana cuatibi ca uni aín nuitu upí ꞌima. Usa ꞌain camina —Cristo cupíshi ca Nucën Papa Diosan nu nuibaquin nun ꞌucha tërë́anan nux ainan ꞌinun ꞌimia —quixun ꞌunani amishi cushicanti ꞌain.

Gálatas 5:6

Nux asérabi Jesucristonan ꞌaish cananuna ꞌunántioracacë unicama ꞌicësaribiti ꞌunántioracacëma ꞌaíshbi Nucën Papa Diosan iscëx upí ꞌain. Jesucristomi catamëcë ꞌixúan an uni nuibacë uni ax ca Nucën Papa Diosan iscëx upí ꞌicën.

Santiago 2:18

Unin sapi ca uni itsi cati ꞌicën: Mixmi Jesucristomi cana catamëti quimainunbi cana ꞌën upí ñu ꞌain. Mixmi —Jesucristomi cana catamëti —quicëbëtanbi cana minmi upí ñu ꞌaia iscëma ꞌixun asérabi camina usa ꞌai quixun sinántima ꞌain. Usa ꞌaínbi cana ꞌën ñu upí ꞌacë ꞌixun mi ismiti ꞌain, ꞌëx cana asérabi Jesucristomi catamëcë ꞌai quixun. Usaía a uni quicë ax ca asérabi ꞌicën.

Hechos 8:21

Nucën Papa Diosan iscëx ca min nuitu upíma ꞌicën. Usa ꞌain camina min añu ñubi nubëtan ësoquin ꞌatima ꞌain.

Mateo 5:20

Cana mitsu cain, mitsun an Moisésnën cuënëo bana ꞌunáncë unicama ꞌimainun fariseo unicaman ꞌacësamaira oquin Nucën Papa Diosan bana quicësabi oquin ꞌacëma ꞌaish camina ainanma ꞌianan aín nëtënu abë ꞌitima ꞌain.

Tito 3:8

Ënë banacamax ca asérabi upí ꞌicën. Usa ꞌaían ax quicësabi oi camabi uni ꞌiti ca asábiira ꞌicën. Usa ꞌain camina axa ami catamëcë unicama Nucën Papa Dios cuëëncësabi oi ꞌiquian ënquinma ñu upíshi ꞌanun upí oquin ꞌësëti ꞌain.

1 Timoteo 1:5

Nucën Papa Dios ca cuëënia aín unicamaxa ësai ꞌinúnu ꞌunánmiti: aín nuitu upí ꞌianan aín ꞌuchacama tërë́ncë ꞌixun ꞌatëcënti sináncëma ꞌianan Jesucristomi asérabi catamëcë ꞌixun unicama nuibati.

1 Tesalonicenses 1:3

Nucën Papa Diosbë banaquin cananuna mitsúnmi amiira pain catamëquin ax cuëëncësabi oquin ꞌanan, upí oquin unicama nuibaquin ꞌaquianan, a ëníma, Nucën ꞌIbu Jesucristonën ca ax quicësabi oquin nu ꞌimiti ꞌicë quixun manucëma cupí —asábi ca —quixun a cain.

Gálatas 5:13

ꞌËn xucë́antu, mitsun ñu ꞌacë cupíma Cristomi catamëcë cupíshi an iscëx upí ꞌinun ca Nucën Papa Diosan mitsu caísaxa. Usa ꞌixun camina mitsux cuëëncësabi oquin ñu ꞌatima ꞌati sinántima ꞌain. Usaquin ꞌaíma camina bëtsibë nuibanani asérabi ꞌaquiananti ꞌain.

1 Corintios 15:2

ꞌËn mitsu ñuixuncë bana manucëma ꞌianan a bana quicësabi oi ꞌi camina min ñu ꞌatima ꞌacëcama ëni Nucën Papa Diosnan ꞌinun ië́micë ꞌain, asérabi cëmëima ami catamëcë ꞌaish.

Hechos 15:9

Nuxnu judíos ꞌicëa nu ꞌimicësaribi oquin ca Nucën Papa Diosan judíosma unicama Jesucristomi catamëcë cupí aín ꞌuchacama tërë́nquin aín sinan upí ꞌimiaxa.

Santiago 2:16

sapi camina mitsu achúshinën cati ꞌain: Bërúanx ca cuantan, mina matsi ca mapút, pucháquin ca pit quixun. Usaquin caquinbi añu ñubi ꞌináncëma ꞌaish camina min bana ñancáishi ꞌaish banáinshi quicë ꞌain.

1 Timoteo 4:8

Ënëx ca ësa ꞌicën. Camabi nëtën cuai aín nami bachura ꞌianan cushi ꞌaish ca uni upiti cuai cuëënia. Usai cuëëncësamaira oi ca camabi nëtën upíira oquin sinánquin Nucën Papa Dios cuëëncësabi oquin ꞌai, uni ënë menuax upitax bucui cuëëanan usai ꞌitancëx Nucën Papa Diosan nëtënuaxribi abë ꞌaish cuëënti ꞌicën.

Hechos 8:13

Usaía ꞌicëbë ca Simónribi a bana cuaxun, asérabi ca ax ꞌicë quixun sinani nashimicë ꞌaish Felipebë niacëxa. Abë nitsi ca Felipenëan uni itsin ꞌacëma ñu ꞌaia isi ratuti sináncasmacëxa.

Jeremías 7:8

Mitsun kamina paránkin kakë banakama a asérabisa ax ꞌikë kixun sinánkanin.

1 Corintios 16:22

Ui unin cara Nucën ꞌIbu Jesucristo sinaníma ax ca Nucën Papa Diosan iscëx ꞌaisama ꞌicën. Nucën ꞌIbu Jesucristo axa uti cana ꞌëx cuëënin.

Romanos 2:25

Mitsun Nucën Papa Diosan bana Moisésnën cuënëo quicësabi oquin asérabi ꞌacë ꞌain ca mitsúxmi ꞌunántioraca ax asábi ꞌicën. Usa ꞌaínbi ca a bana quicësabi oquinmi ꞌacëma ꞌain, mitsúxmi ꞌunántioraca ax ñancáishi ꞌicën.

Lucas 3:11

Cacëxun ca Juanën cacëxa: —Uix cara cutun rabë́ñu ꞌicë an ca cutúnñuma uni aín cutun achúshi ꞌinánti ꞌicën. Uix cara pitiñu ꞌicë an ca pitiñuma uni paná ꞌinánti ꞌicën.

Santiago 1:16

ꞌËn nuibacë xucë́antu, uinu ꞌicë unínbi paráncë camina ꞌicantima ꞌain.