Santiago 2:1 - Kashibo-Kakataibo Biblia

¹ ꞌËn xucë́antu, mitsux Nucën ꞌIbu Jesucristo, ax Diossaribi upí, ami catamëcë ꞌixun camina raíri unibëishi nuibananquin raíri uni timatima ꞌain.

Nukën 'Ibu Diosan ain unikama 'inan ain bana

¹ 'Ën xucë́antu, mitsux Nucën 'Ibu Jesucristo, ax Diossaribi upí, ami catamëcë 'ixun camina raíri unibëishi nuibananquin raíri uni timatima 'ain.

Santiago 2:1 ပူးပေါင်းရင်းမြစ်များ

Levítico 19:15

Unin mix ꞌapu aín bëtsi unibëtan bana mëníoxun kakëxun kamina kana ꞌaima kakinma an ñu ꞌakë ëanan, an ñu ꞌakëma a tëmëratanun ꞌatima otima ꞌain, uisa ñu kara ꞌaxa kixun pain istankëxun kamina a rabë́bi tëmëramiti ꞌain.

Mateo 22:16

Sinántancëxun ca aín uni raíri ꞌimainun axa Herodesmi sináncë unibu Jesús ñucánun quixun xuacëxa. Xucëx cuanxun ca a unicaman Jesús cacëxa: —Cananuna ꞌunanin, min banax ca asérabi ꞌicën. Uisai cara Nucën Papa Diosan uni ꞌiti ꞌicë quixun camina cëmëquinma asérabi ñuin, unían min a bana ñuia cuati cuëëncëbëtanmabi. Min sináncëx ca camabi uni bëtsibëtan sënën ꞌicën. Usaquin sinánquin camina camabi ñuñu ꞌimainun ñuñuma unicama ꞌimainun ꞌapuburibi uisai cara Nucën Papa Diosan uni ꞌiti ꞌicë quixun ñuixunin.

Hechos 10:34

Ësoquian cacëxun ca Pedronën Cornelio cacëxa: —ꞌËn cana bërí asérabi ꞌunanin, Nucën Papa Diosan ca judíosma unibu judíos unisaribi isquin camabi uni sënën isia.

Hechos 20:21

Ñuixunquin cana judíos unicama ꞌimainun judíosma unicamaribi Nucën Papa Dios cuëëncësa oi ꞌinux sinanatía Nucën ꞌIbu Jesucristomi catamënun quixun can.

Hechos 24:24

Usa ꞌain ca nëtë itsin Felix, judía xanua biá, Drusila cacë, abë utëcëancëxa. Uxun ca Cristomi catamëti ca uni Nucën Papa Diosnan ꞌiti ꞌicë quixun ñuia cuaisa tanquin Pablo camiacëxa.

Hechos 7:2

Cacëxun ca Estebanën cacëxa: —ꞌËn aintsicama ꞌimainun caniacëcë unicama nun cushibu, ꞌën mitsu camainun ca cuat. Nucën rara Abrahamnëx ca Harán cacë menu ꞌiisama pain ꞌaish Mesopotamia menu ꞌiacëxa. Anua ꞌicë ca ax upíira ꞌixun nucën rara Abraham Nucën Papa Diosan cacëxa:

Romanos 1:11

Mitsúxmi asérabiira Jesucristomi cushicë ꞌinun ꞌaquinuxun cana mitsu isi cuainsa tanin.

1 Corintios 2:8

Ënë menu ꞌicë ꞌapucaman ca a bana ꞌunánma ꞌicën. A bana ꞌunánxun ca Nucën ꞌIbu Jesús, Diossaribi cushi, a i curúsocënu matásmiama ꞌitsíanxa.

Colosenses 1:4

Usa ꞌixun cananuna Jesucristomi asérabi catamëtími Nucën Papa Diosan unicamabë nuibanania ñuicania cuan.

1 Timoteo 1:19

Usa ꞌaínbi ca —ësa ñu ꞌati ca ꞌaisama ꞌicë —quixun ꞌunánquinbi usaquin ꞌacë ꞌaish uni raíri Jesucristobë upiti nitsima.

1 Timoteo 5:21

Nucën Papa Dios ꞌimainun Nucën ꞌIbu Jesucristo ꞌimainun aín ángel upícamanribia ismainun cana ësaquin ꞌanun mi cain: Min aintsi ꞌibu ꞌimainun uisa uni cara, anbia axa Jesucristomi catamëcë unicaman cushi ꞌixunbi ñu ꞌaisama ꞌaia camina axa Jesucristomi catamëcë unicama timë́cënuxun sinanamiquin cati ꞌain, ꞌën mi cacësabi oquin.

Tito 1:1

ꞌËx cana Pablo, an Nucën Papa Dios cuëëncësabi oquin ꞌanan Jesucristonëan a ñuiquin aín bana ñuixunun caísa ꞌain. Usa ꞌaish cana ꞌëx, uisai cara a Nucën Papa Diosan ainan ꞌinun caísa unicama Jesucristomi catamëti upí ꞌiti ꞌicë quixun ꞌunánmicë uni ꞌain.

Tito 2:13

Usaquin ꞌunánmianan ca nu ꞌunánmia, nux ainan ꞌixun cananuna ax quiásabi oía an nu ië́micë Jesucristo, ax Nucën Papa Diosribi ꞌaish, aín cushibëbi utëcënti nëtë caínti ꞌai quixun.

Hebreos 1:3

Nucën Papa Dios ax ca unin sinánsamaira ꞌaish upíira ꞌicën. Usa ꞌain ca aín Bëchicë Jesucristo axribi asaribi ꞌicën. Usa ꞌain ca uisa cara ax ꞌiacëxa quixun ꞌunánquin unin ꞌunánti ꞌicën, aín Papa Dios ax ca asaribi upí ꞌicë quixun. An unio ꞌixun ca an unio ñucama, aín banánbia usabi ꞌinun ꞌimia. Usa ꞌaish ca camabi unin ꞌucha tërë́ncë ꞌinun bamax baísquitancëx, aín Papan nëtënu cuan ꞌaish aín mëqueu abë ꞌApu ꞌicën.

Hebreos 12:2

Jesús, a cupí nux ami catamëcë ꞌaish ainan ꞌianan asaribi upí ꞌaish aín nëtënu abë ꞌiti, ax ꞌiásaribiti ꞌinuxun cananuna uisai cara ax ꞌiacëxa quixun sinánti ꞌain. ꞌUchañuira uni ꞌacësa oquin ca unin i curúsocënu a matásti ꞌicë quixun ꞌunánxbi ca ënë menu uacëxa, —ënë ñucama inúcëbë unicama upí ꞌiti mëníotancëx cana ꞌën Papa Diosbë ꞌi cuëëntëcënti ꞌai —quixun ꞌunani. Usai bamax baísquia ꞌaish ca Nucën Papa Diosan nëtënu abë ꞌApu ꞌicën.

Santiago 1:16

ꞌËn nuibacë xucë́antu, uinu ꞌicë unínbi paráncë camina ꞌicantima ꞌain.

Santiago 1:19

ꞌËn nuibacë xucë́antu, usa ꞌain camina Nucën Papa Diosnan ꞌixun mitsun unían bana ñuia upí oquin pain cuati ꞌain. Cuati camina mitsux munu pain sinántancëx bananan bënëtishi nishtima ꞌain.

Santiago 2:3

Atsiniami mitsun ñuñu uni a upí oquin biquin: Anu tsóti upí ënu ca tsót quixun canan ñuñuma uni aribi: ꞌIisa tani nianan ca menu tsóbut cati, ax ca ꞌaisama ꞌicën.

Santiago 2:9

Usa ꞌaínbi camina mitsun, raíri unishi nuibanan raíri uni nuibacëma ꞌixun, ꞌuchaquin Nucën Papa Diosan bana cuënëo quicësabi oquin ꞌaiman.

Santiago 3:17

Usa ꞌaínbi ca Nucën Papa Diosan sinánmicë unin upí oquinshi sinánquin upí ñu ꞌaia. Ca unibë nishananquinma nuibananquin bëtsi unían cacëxun cuaquin upí oquin bana sinánan uni itsiribi nuibaquin axa ꞌaquinsa ꞌicë ꞌaquinia. Usa unin ca cëmëma ꞌixun paránanquinma aín quicësabi oquin ꞌaia.

2 Pedro 1:1

ꞌËx cana Simón Pedro, ax cuëëncësabi oquin ꞌanan aín bana uni ñuixunuan Jesucristonën caísa ꞌain. An nu ië́micë Jesucristo, axbi Nucën Papa Diosribi ꞌaish upí ꞌixuan nu ꞌacësaribi oquin ainan ꞌinun ië́micë, mitsu cana ënë quirica buánmin.

Judas 1:16

A unicamax ꞌaisama ꞌixun ca uni raírinën ꞌacë ñu ꞌatimaquin ñuianan atux cuëëncësa oquinshi ꞌanan atux cuëëncësa oíshi ꞌiti sinania. Usa ꞌixun ca atúxbi cërúanan rabiacaquin, aín curíqui ꞌimainun aín ñu biti cupíshi abë upiti banaquinbi uni parania.

Apocalipsis 14:12

Usa ꞌain ca Nucën Papa Diosan unicama, an aín bana quicësabi oquin ꞌanan Jesúsmi catamëcë, acaman uisai cara ñu ꞌicëbë tëmëraquinbi asérabi ami sinánti ëntima ꞌicën.