Santiago 1:9 - Kashibo-Kakataibo Biblia

⁹ Uicamax cara unían —ñuumara ca —quixun iscë ꞌiaxbi Jesucristomi catamëtia, Nucën Papa Diosan ꞌaquincëx bëráma ꞌiásama ꞌicë, ax ca cuëënti ꞌicën.

Nukën 'Ibu Diosan ain unikama 'inan ain bana

⁹ Uicamax cara unían —ñuumara ca —quixun iscë 'iaxbi Jesucristomi catamëtia, Nucën Papa Diosan 'aquincëx bëráma 'iásama 'icë, ax ca cuëënti 'icën.

Santiago 1:9 ပူးပေါင်းရင်းမြစ်များ

Lucas 1:52

ꞌImianan ca ꞌapucamaribi ꞌapuma ꞌinun meu onan axa meu ꞌicë unicamaribi meuma ꞌinun ꞌimiaxa.

Lucas 10:20

Ñunshin ꞌatimanën mitsun bana cuacë cupí cuëëncësamaira oi camina mitsun anëcama ca Nucën Papa Diosan nëtënu ꞌicë quiricanu ꞌacë ꞌicë quixun ꞌunani cuëëinra cuëënti ꞌain.

Lucas 14:11

Usaribi oquin ca anbia rabíquin —ꞌëx cana cha ꞌai —quixun sináncë uni a Nucën Papa Diosan aín uni itsicamabëtan sënë́nmara ꞌimiti ꞌicën. ꞌImainun ca cha ꞌiti sinani rabícëma uni, a cuni Nucën Papa Diosan cha ꞌimiti ꞌicën.

Lucas 9:48

Nitsínxun ca aín ꞌunánmicë unicama cacëxa: —Uicaman cara ꞌëmi sinánquin ënë tuásaribi ꞌicëa, ñuumara ca, quixun unin sináncë uni a ꞌaquinsa ꞌicë nuibaquin ꞌaquinia, an ca ꞌëribi ꞌaquinia. Usaquin ꞌaquin ca ꞌëishima, ꞌën Papa Dios, an ënu unun ꞌë xua, aribi ꞌaquinia. An cha ꞌiti sinánquinma uni itsi ꞌaquincë uni a ca Nucën Papa Diosan bëtsi unibëtan sënë́nmaira isia.

Romanos 8:17

Aín bëchicë ꞌicë ca Nucën Papa Diosan ax quicësabi oquin nu ꞌaquianan aín nëtënu abë ꞌinun nu ꞌimiti ꞌicën. Ainan ꞌicë ca Nucën Papa Diosan Cristosaribi nu ꞌimiti ꞌicën. Cristonan ꞌixúnu tëmëraquinbi ax cuëëncësabi oquin ꞌati ëncëma ꞌicë ca Nucën Papa Diosan nuribi aín quicësabi oquin aín nëtënu Cristobë ꞌinun nu ꞌimiti ꞌicën.

2 Corintios 6:10

Masá nuitucë ꞌaíshbi cananuna chuámaruaishi ꞌain. Ñuñuma ꞌixunbinu Cristo ñuiquin bana ñuixuncëx ca an a bana cuacë unicamax uni ñuñu ꞌicësamaira oi chuámarua tani cuëënia. Ñuñuma ꞌicëbi ca Cristonën nubë ꞌixun ax cuëëncësabi oínu anun ꞌinun nu ñu ꞌinania.

Filipenses 3:14

Usoquin ꞌatancëxun cananuna uisaira caranuna aín nëtënu abë ꞌaish asérabi asaribi ꞌiti ꞌai quixun isti ꞌain. Isanan cananuna uisaira oquin cara Cristo Jesúsnan ꞌicë Nucën Papa Diosan nu ꞌimiti ꞌicë quixun isti ꞌain.

Filipenses 3:3

Atúxa judíos uni ꞌicë ꞌunántiocë ꞌaínbi cananuna nux asérabi Nucën Papa Diosan uni ꞌain, aín Bëru Ñunshin Upitan ꞌimicëx. Usa ꞌixun cananuna a rabianan Cristo Jesúsmi catamëcë ꞌixun cuëënquin ꞌunanin, nux ꞌunántioracacë cupíma Cristo Jesúsmi catamëcë cupíshi cananuna Nucën Papa Diosan uni ꞌai quixun.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.

Apocalipsis 2:9

Mitsúnmi ñu ꞌacëcama cana ꞌunanin. ꞌËn cana ꞌunanin, mitsux ꞌëmi catamëcë cupí camina tëmëranan ñuñuma unisa ꞌain. Ñuñuma ꞌaíshbi camina ꞌën nëtënu ꞌëbë ꞌaish ñuñu unicamax ꞌicësamaira oi anu ꞌicë ñuñu ꞌaish cuëëinra cuëënti ꞌain. Ësaquin cana ꞌunanin, bëtsi bëtsi uni, —nux cananuna judíos uni ꞌai —quibi judíosma ꞌaish, ñunshin ꞌatimanën ꞌapu, Satanásnën unishi ꞌixun ca ꞌatimati banaquin mitsu ñuia.

1 Samuel 2:8

Nukën ꞌIbun ka ñuñuma uni ñuñu ꞌinun ꞌimia ꞌimianan ka kuaínbëkini nitsi ñu ñukákanankë uni, atúxribi ñuñu unikamabë ñuñu ꞌi ꞌapu ꞌinun ꞌimiti ꞌikën ꞌimikin ka, atux tsókë anuribi tsónun ꞌimiti ꞌikën; Dios ax ka kamabi ñun ꞌibu ꞌianan kamabi men ꞌIbu ꞌikën, usa ꞌixun ka an me uniokin anubia ꞌitinu nankëxa.