Santiago 1:16 - Kashibo-Kakataibo Biblia

¹⁶ ꞌËn nuibacë xucë́antu, uinu ꞌicë unínbi paráncë camina ꞌicantima ꞌain.

Nukën 'Ibu Diosan ain unikama 'inan ain bana

¹⁶ 'Ën nuibacë xucë́antu, uinu 'icë unínbi paráncë camina 'icantima 'ain.

Santiago 1:16 ပူးပေါင်းရင်းမြစ်များ

Mateo 22:29

Cacëxun ca Jesusan cacëxa: —Usama ca. Mitsun Nucën Papa Diosan bana cara uisaira quia quixun cuanan aín cushiribi ꞌunánquinma camina usaquin ꞌë ñucatin.

Marcos 12:24

Cacëxun ca Jesusan cacëxa: —Usama ca. Mitsun Nucën Papa Diosan bana cara uisaira quia quixun cuanan aín cushiribi ꞌunánquinma camina usaquin ꞌë ñucatin.

Marcos 12:27

A bana cuënëo isquin cananuna ꞌunanin, Nucën Papa Dios, ax ca bama ꞌaísha baísquitima unicaman Diosma ꞌicën. Ax ca camabi aín unicaman rabicë Dios a ꞌicën.

Hechos 1:15

Usa ꞌaish ca anu timë́ax Jesucristomi sináncë unicama ax ciento veinte xucë́nsa ꞌiacëxa. Usa ꞌain ca Pedronën atu nëbë́tsi niruxun cacëxa:

1 Corintios 6:9

¿Aín nëtënu abë ꞌiisa ꞌaíshbi ca an ñu ꞌaisama ꞌacë uni aín nëtënu Nucën Papa Diosbë ꞌitima ꞌicë quixun caramina ꞌunaniman? Camina ꞌunánti ꞌain, ainanmabi xanu cuëëncë unicama ꞌimainun an Nucën Papa Diosmi sinánquinma unin ꞌacë ñu rabicë unicama ꞌimainun aín xanuma ꞌaínbi bëtsi unin xanubë ꞌicë uni ꞌimainun xanúxmabi uni itsibë ꞌicë uni,

Gálatas 6:7

Camina upí oquin ꞌunánti ꞌain, Nucën Papa Dios parani ca uni ami cuaitima ꞌicën. Ënëx ca ësa ꞌicën: An ꞌapácë ñu bëru aín bimibi ca unin biti ꞌicën.

Filipenses 2:12

ꞌËn nuibacë xucë́antu, a ñucama ꞌunani camina ꞌëx mitsubë ꞌain, ꞌën Jesucristo ñuiquin mitsu cacë bana quicësabi oi ꞌian. Usa ꞌain camina ꞌëx mitsubë ꞌain ꞌicësamaira oi ꞌëx mitsubëma ꞌain, ꞌën mitsu cásabi oi ꞌiti ꞌain, Nucën Papa Dios cuëëncëma ñu ꞌatimi racuëti.

Filipenses 4:1

ꞌËn xucë́antu, mitsu nuibaquin sinánquin mitsu istisa tani cana cuëënin. ꞌËn mitsu ñuixuncëxmi Jesucristomi catamëcë cupí cana cuëëinra cuëënin. Mitsux usai ꞌicëbë cana cupí bitsi cuëëncësaribi oi cuëënin. Usa ꞌain cana nuibaquin mitsu cain, mitsun ꞌacësabi oquin camina ënquinma Nucën ꞌIbu Jesucristomi catamëquin an cacësabi oquin ꞌati ꞌain.

Colosenses 2:4

Cristonan ꞌicëa bëtsi unin paránquin mitsu ꞌatimaquin sinanamiti rabanan cana mitsu ësaquin cain,

Colosenses 2:8

An uni bëtsi bëtsi bana ñuixunquin paráncë unicaman mitsu, Cristomi catamëcë ꞌicëbi, ami manúnun quixun paránti rabanan camina bërúancati ꞌicanin. A unicaman ca Cristo ñuiquinma atúnbi sinánxuan unin ñuicë bana ꞌimainun ënë nëtënu ꞌicë ñu sinánti, a banacamaishi uni ꞌunánmia.

2 Timoteo 2:18

A uni rabëtax ca Nucën Papa Diosan banamabi cëmë bana ñui, anun baísquiti nëtë isa inúacëxa. Usa ꞌaínsa uni bama ꞌaish baísquitima ꞌicë quixun caquin, uni raíri uisa cara ꞌiti ꞌicë quixun sináncasmamia.

Hebreos 13:1

Mitsux Jesucristonan ꞌaish camáxbi xucë́nsa ꞌaish camina mitsux ꞌicësabi bëtsibë bëtsibë nuibanani ꞌiti ꞌain.

Santiago 1:19

ꞌËn nuibacë xucë́antu, usa ꞌain camina Nucën Papa Diosnan ꞌixun mitsun unían bana ñuia upí oquin pain cuati ꞌain. Cuati camina mitsux munu pain sinántancëx bananan bënëtishi nishtima ꞌain.

Santiago 1:2

ꞌËn xucë́antu, cana mitsu cain, uisai caramina ꞌiti ꞌain, uisa ñu cara mitsumi ꞌicëbëbi camina upí oquinshi sinani cuëënti ꞌain.

Santiago 2:1

ꞌËn xucë́antu, mitsux Nucën ꞌIbu Jesucristo, ax Diossaribi upí, ami catamëcë ꞌixun camina raíri unibëishi nuibananquin raíri uni timatima ꞌain.

Santiago 2:14

ꞌËn xucë́antu, an “ꞌëx cana ami catamëti Jesucristonan ꞌain” quiquinbi, Jesusan bana quicësabi oquin upí ñuishi ꞌacëma uni ax ca aín bana ñancáishi ꞌicën. ¿Usa unix cara Jesucristonan ꞌaish ië́ti ꞌic? Ca ꞌitima ꞌicën.

Santiago 2:5

ꞌËn nuibacë xucë́antu, ꞌën mitsu camainun ca cuat. Nucën Papa Diosan ca axa ënë menuax ñuñuirama unicama a caísia, atúxa ami upiti catamëcë ꞌianan aín nëtënu abë ꞌinun, an nuibacë unicamax ca usai ꞌiti ꞌicë quiáxa aín bana quicësabi oquin.

Santiago 3:1

ꞌËn xucë́antu, mitsux camina camáxëshiira an axa Jesucristomi catamëcë unicama ꞌunánmicë uni ꞌitima ꞌain. Camina ꞌunanin, usa uni ꞌixunbi ꞌatima ñu ꞌai camina raíri unicama ꞌacësamaira oquin ꞌuchocë ꞌiti ꞌain.

Santiago 3:10

Nun cuëbitanbi cananuna Nucën Papa Dios rabin. Rabianan cananuna nun cuëbitan ꞌatimati banain. ꞌËn xucë́antu, usai ꞌiti ca ꞌaisama ꞌicën.

Santiago 4:11

ꞌËn xucë́antu, cana mitsu cain, Jesucristomi sináncë ꞌaish camina axribia ami sináncë unicamabë ñuianantima ꞌain. Axa abëa Jesucristomi sináncë uni ñui —ax ca ꞌaisama ꞌicë —quicë uni ax ca —Nucën Papa Diosan banax ca ꞌaisama ꞌicë —quicësa ꞌicën. Usai qui camina mitsux Nucën Papa Diosan bana quicësabi oquin ꞌaíma a banax ca cuatima ꞌicë quicësa ꞌain.

Santiago 5:12

ꞌËn xucë́antu, bëtsi banacama cuaquinbi camina ënë banaira sinánti ꞌain. Mitsux camina mitsun bana isa asérabi ꞌicë quixun unin cuanun —naitanbi cuamainun cana mi cain —quianan —menbi cuamainun cana mi cai —quitima ꞌain. Uisa ñubi cara, a ñui camina —cana asérabi mi cai —quiax quitima ꞌain. Usai quima camina asérabi banáinshi banati ꞌain, Nucën Papa Diosan mitsu ꞌuchotima cupí.

Santiago 5:19

ꞌËn xucë́antu, micama achúshinën Nucën Papa Diosan bana ëncë ꞌicëbi bëtsi uni sinanamiquin ami catamëtëcënun ꞌimicëbëtan,