Santiago 1:10 - Kashibo-Kakataibo Biblia

¹⁰ ꞌImainun ca ñuñuira ax Jesucristomi catamëti ñuñumaibi cuëënti ꞌicën. Axa ñuñuira uni ax ca ro uáxa upíira upí ꞌitancëxbi aín upí bënëtishi nëtë́cësaribi ꞌicën.

Nukën 'Ibu Diosan ain unikama 'inan ain bana

¹⁰ 'Imainun ca ñuñuira ax Jesucristomi catamëti ñuñumaibi cuëënti 'icën. Axa ñuñuira uni ax ca ro uáxa upíira upí 'itancëxbi aín upí bënëtishi nëtë́cësaribi 'icën.

Santiago 1:10 ပူးပေါင်းရင်းမြစ်များ

1 Pedro 1:24

Nucën Papa Diosan bana cuënëo ca ësai quia: Basix ca upí ꞌitancëxbi chushia. Ro uax ca upíira ꞌitancëxbi tiriqui nëtëtia. Usaribiti ca camabi uni bamai aín upí nëtëtia.

1 Juan 2:17

Mecama ꞌimainun anu ꞌicë ñucamaxribi ca cëñúti ꞌicën. ꞌImainun ca ñunshínquian unin a ꞌatishi sináncë ñu ꞌatimacamaxribi cënúti ꞌicën. Usa ꞌaínbi ca axa Nucën Papa Dios cuëëncësabi oi ꞌicë unicama xënibua ꞌaínbi abë ꞌiti ꞌicën.

Job 14:2

Usai ꞌi ka ñu uá pëókintankë́xa barin ꞌakëx núkakësa usaribiti ꞌia; ꞌianan ka ñun tupënaxa bënëtishi nëtë́kësa usaribiti ꞌia.

1 Timoteo 6:17

Axa Jesucristomi catamëcë uni, ꞌitsa curíquiñu ꞌimainun ꞌitsa ñuñu ꞌicë camina ësaquin cati ꞌain: Curíquiñu ꞌixun camina —ꞌëx cana ñuñuira ꞌaish bëtsi unisama ꞌai —quixun sinántima ꞌain. Curíqui ꞌimainun ñucamaxribi ca nëtë́ti ꞌicën. Usa ꞌain camina min curíquimi catamëquin —uínbi ca ꞌë uisoima, añu ñu carana ꞌaisa tani a cana ꞌati ꞌai —quixun sinántima ꞌain. Usaquin sinánquinma camina Nucën Papa Dios an bamatimoi tsócë ꞌixun, anun nux chuámarua bucunun camabi ñu nu ꞌináncë, amishi catamëti ꞌain.

Mateo 5:3

An —ꞌënbi cana ꞌën nuitu upí ꞌimitima ꞌai —quixun ꞌunáncë uni, ax ca ꞌëmi catamëtia Nucën Papa Diosan aín nuitu upí ꞌimianan ainan ꞌimicë cupí, chuámarua tani cuëënia.

1 Corintios 7:31

Ënë nëtënuanu iscë ñu ënëx ca cëñutia. Usa ꞌain ca ënë nëtënuxuan an ñu bicë uni ax ñu bicëma unisa ꞌiti ꞌicën.

Salmos 103:15

Unin tsóti ax ka xubi koibia chushikë usashi ꞌikën; ꞌianan ka ninu ro uá urukë iskë usaribi ꞌikën:

Santiago 4:14

Usai quiquinbi camina uisai caramina imë́ishi ꞌiti ꞌai quixun ꞌunaniman. Uisa cara nun tsóti ꞌicë cananuna ꞌunaniman. Ax ca ꞌibútancëxa curu nëtë bënëtishi nëtë́cë usaribi ꞌicën.

Mateo 6:30

Upíira upí ꞌitancëxbia xanania unin tsin nëëncëx ca a ro ua cëñutia. Usai ꞌinunbi ca Nucën Papa Diosan aín ua upíira upí ꞌimia. Usoquin ꞌacë ꞌain camina ꞌunánti ꞌain, ro ua ꞌacësamaira oquin ca an mitsúnmi pañuti chupa mitsu ꞌinánti ꞌicën. Mitsux usaquin sináncëma ꞌaish camina upiti Nucën Papa Diosmi catamëcëma ꞌain.

Isaías 66:2

¡ꞌËnbi kana kamabi a ñukama ꞌakën, usakin ꞌakëx ka asérabi ñu mërati ꞌiakëxa! ꞌËx min ꞌIbu ꞌaish kana usai kin. Uni ñuñuma ꞌianan axa tëmërai tsókë uni ami kana ꞌëx sinanin, usa ꞌain a unikaman ꞌën bana kikësabiokin upíokin ꞌati ꞌikën.”

Isaías 40:6

Achúshi unix ka ësai munuma banai kia: kia kana ꞌën ñukan: “¿Uisai karana ꞌëx munuma banai kiti ꞌain?” Kakëxun ka an ꞌë kaxa. Ënë bana kamina munuma banai kiti ꞌain kixun ka ꞌë kaxa. “Kamabi unix ka xubi kókë usaribi ꞌikën, ¡aín tsóti ax ka ñu ua naënu kotankëxi bëríbi nëtë́kë usa ꞌikën!

Filipenses 3:8

Judíos unicama Nucën Papa Diosan uni ꞌicë ꞌunántiocë ꞌaish ꞌiásamaira ca Nucën ꞌIbu Jesucristo amishi catamëti upíira ꞌicën. Usa ꞌain cana ꞌën ꞌá ñucama ñu ꞌatima pucësa oquin ëni Jesucristonan ꞌinux amishi catamëtin.

Salmos 37:2

atun ꞌakë ñu ax ka basi tëakëx chushikë; ¡usaribiti bënëtishi ꞌia!

Isaías 40:7

Xubix ꞌimainun ro uakama ax núkai ëski chushia, uínsaran kara Nukën ꞌIbun xunkaia anun ka usai ꞌia. Usa ꞌain ka asérabi unin tsóti ax bënëtishi xubi ꞌikësaribiti inutia.