Salmos 72:3 - Kashibo-Kakataibo Biblia

³ ꞌImainun kamina aín bashi kamakëñun, matá mekama atunan ꞌain uínbi ubíokëma upitax anu bukukanti ꞌikën.

Salmos 72:3 ပူးပေါင်းရင်းမြစ်များ

Salmos 65:12

usai ꞌikëbë ka anu uni ꞌikëma menua ꞌikë basi ax paxaira ꞌimainun, matá upíirabu ꞌinun aín bashikamanu ꞌikë pëikamaribi mëníokatia;

Salmos 72:16

¡Usa ꞌain ka a menu ꞌaisamaira trigo ꞌiti ꞌikën, ꞌianan ka bashi rëbu anubi trigo ꞌaisamaira ꞌiti ꞌikën! Usa ꞌain ka Líbano menu trigo ꞌapákëxa bimikë usaira aín bimi ꞌi xubi koia iskë usaira ꞌiti ꞌikën!

Isaías 45:8

“ꞌËn kana manámixunbi ꞌën kushi xuti ꞌain, ax ka naínuax kuénkuru ꞌibúmainun kuin kamanuax ꞌuí ꞌibúkin me chabókë usaribi ꞌiti ꞌikën; ꞌimainun ka anun ië́ti ax ñu bimisa ꞌiti ꞌikën, ꞌianan ka ñu ꞌupi ꞌati ax ñu uábukësa ꞌiti ꞌikën.”

Isaías 52:7

¡Upíira upíira ka axa bashikama tësapanën, upíira bana bëi aia iskë ax ꞌikën, an ka anun upiti tsóti bana bëia, an ka anúan aín unikama ië́ti bana bëi ukin Jerusalén ësokin kaia, “Min Dios ax ka ꞌapuira ꞌikën!”

Isaías 60:17

“Usa ꞌain kana manë panshian ꞌinánkinma kuri mi ꞌinánti ꞌain, ꞌimainun kana manë iru ꞌinánkinma manë uxua a mi ꞌinánti ꞌain, ꞌanan kana i ꞌinánkinma manë panshian a mi ꞌinánti ꞌain. ꞌAnan kana maxá ꞌinánkima manë tunan mi ꞌinánti ꞌain. Usakin ꞌanan kana upiti tsótimi bukukanun ꞌimiti ꞌain, ꞌimianan kana upiokinshi ñu ꞌanun mitsu ꞌamiti ꞌain.

Daniel 9:24

Setenta semana ax ka (cuatrocientos noventa baritia inuti ñui kikë ꞌikën) min unikama ꞌimainun min ëma upí a inuti ꞌikën, inutankëxun ka ax bana kuaisama tani ꞌikëkama ꞌimainun aín ꞌuchakë kamaribi ënti ꞌikën. Usai ꞌia ka Diosan aín ꞌuchakëkama unikama tërënxunti ꞌikën, usakin ꞌakin ka uníxa bëtsibë bëtsibë xënibua ꞌaínbi nuibananti a nanti ꞌikën. Usai ka min namákësokin iskë ꞌimainun an bana ñuikë Jeremías ax kiásabi oi ꞌiti ꞌikën, ꞌianan ka upíira kakë anu ꞌikë ax upíira ꞌitánun mëníokë ꞌiti ꞌikën.

Joel 3:18

Usa ꞌain ka a nëtë ꞌikëbëtan Diosan ñukama sënë́onkë ꞌain, a menu piti ñu ꞌimainun a xëati ñukama ꞌitsaira ꞌaish aín bashikama ꞌimainun me sapankama anua ꞌumpax iskësaira ꞌiti ꞌikën. ꞌImainun ka Judá menu ꞌikë xëxákama ax ꞌitsaira ꞌumpaxñu ꞌiti ꞌikën. ꞌImainun ka anuxun ꞌë rabiti xubu anuax achúshi xëxá upíira chikíkin ka Sitim kakë me a chabóti ꞌikën.