Salmos 72:2 - Kashibo-Kakataibo Biblia

² usakin ꞌanun min ꞌamikëxun ka min unikama ꞌimainun uni ñuñumakama aribi upíokin ꞌakinti ꞌikën.

Salmos 72:2 ပူးပေါင်းရင်းမြစ်များ

Isaías 32:1

Ësai ka Isaías kiakëxa: anu ka achúshi ꞌapu an upíokin ñu ꞌakë ꞌiti ꞌikën, ꞌimainun ka an bana mëníokë bëtsi ꞌapukama atúnribi upíokin ñu ꞌati ꞌikën.

Apocalipsis 19:11

Usaquin ángelnën cacëxun cana naí panárabëcë isan. Anuaxa caballo uxua chiquitia cana isan. Ax a caballonu tsócë, ax ca Aín Quicësabi Oquin ꞌAcë caquin anëcë ꞌianan ca An Uni Paráncëma caquin anëcë ꞌiaxa. Usa ax ꞌixun ca ꞌatima unicama a uisoquin cara ꞌaisa tania usoquin castícanan axa upí sinánñucama a upí oia.

Isaías 32:17

Usai ika uisaibi ꞌima añu kara upí ꞌikë ashi ꞌai, uínbi ubíokëma xënibua ꞌaínbi bukukannun ꞌimiti ꞌikën.

Isaías 9:7

Ax ka anua David tsóa anubi tsóti ꞌikën; usa ꞌikë ka ax kushiira ꞌixuan ñu ꞌaia kamabi menuxun kuati ꞌikën ꞌimainun ka chuámarua uni tsóti ax këñutima ꞌikën; usa ꞌixun ka uínsaranbi axa ꞌapu ꞌia ax ënkëma anubi ꞌiti ꞌikën, usa ꞌain ka an ꞌakë ñukama ax upíokin ꞌakë ꞌianan, an bërí pëukin ñu ꞌakë ax uínsaranbi nëtë́tima usabi ꞌiti ꞌikën. Ësokin ka Dios kamabi kushiñuira an ꞌitsaira unikama nuibakin ꞌati ꞌikën.

2 Samuel 23:3

Israel kaman Dios ax ka ësai kiaxa: An Israel kama ꞌakinkë Dios an ka ꞌë ësokin kakëxa: An unikama aín ꞌapu ꞌixun ꞌakinti ax ka uisa ñu ꞌatimabi ꞌakëma ꞌiti ꞌikën, usa ꞌixun ka Diosan kuëënkësabi okin unikama ꞌakinti ꞌikën,

1 Reyes 3:28

Usakian ꞌapun xanu rabë́ nishanankë mëníoxunkë ka kamabi Israel unibunën kuakëxa, kuati ka ꞌapumi rakuë́ti Diosan ka a ꞌapu sinánñuira ꞌinun ꞌimianan ꞌupíokia ñu ꞌanun ꞌimiaxa kiax kikankëxa.

1 Reyes 10:9

¡Min ꞌIbu Diosan ka min Dios ꞌixun, upíokin ñu ꞌaia iskin nuibakin Israelkaman ꞌapu ꞌinun mi ꞌimiaxa! ¡Xënibua ꞌaínbi Israelkama ꞌikë mikama nuibakin Diosan, ꞌapu ꞌixunmi ꞌaisama okinma ñu atu ꞌaxúnti mi anëxuanxa usa ꞌain kamina bërí ꞌapu ꞌain!

Ezequiel 34:16

ꞌËnbi kana ꞌën unikama ovejakama ꞌarakakë ꞌikësaia amami amami kuani nëtë́këkama a bëtëkënti ꞌain, bëkin kana axa ꞌinsínkë akamaribi ronkin chupa sanin aín taëmi ñukë tëkërëkaxuanan, axa ñusmakëkamaribi kushinun bërúanti aín, ꞌanan kana xuabu ꞌimainun aín kushibu akamaribi bërúankin. ꞌËn kamabi atu bërúanti ꞌain.