Salmos 69:4 - Kashibo-Kakataibo Biblia

⁴ Añu ñu ꞌën ꞌakë ꞌaímabi ka ax ꞌëmi nishkë unikamax ꞌitsaira ꞌaish ꞌën maxkánu ꞌikë bun ꞌitsasamaira ꞌikën; axa ꞌëmi nishkë unikamax ka ꞌitsaira ꞌikën, usa ꞌixun ka bëtsi ñu ꞌakëmabi ꞌë ꞌaisa tankania, ꞌimainun ka atun ñu mëkamakë ꞌikëmabi ꞌë ñu ꞌinánun kixun ubioia.

Salmos 69:4 ပူးပေါင်းရင်းမြစ်များ

Salmos 40:12

ꞌËx ꞌaisamaira ñu ꞌinúkë ax ka ñuikinbi sënëoinsamaira ꞌikën. Usa ꞌixun ka anbi ꞌë upíokin istisama oia; ¡usa ꞌixun ka ꞌën ñu ꞌatima ꞌakë anbi ꞌë sinánñuma unisa ꞌinun ꞌimia! Usa ꞌaish ka ꞌën maxkánu ꞌikë bubëtan sënë́maira ꞌixun uisa ñubi ꞌaisama okin bëtsi sinánmia.

Juan 15:25

Nucën Papa Diosan bana cuënëo ax ca ꞌë ñui ësai quia: “ꞌËn ꞌatima ñu ꞌacë ꞌaímabi ca ꞌëmi nishcanxa”. A bana quicësabi oi ca ꞌia.

2 Corintios 5:21

Cristo axa añu ꞌuchañumabi ꞌicëbi ca nun ꞌuchacama tërë́ncë ꞌinúan, nun ꞌucha bitsi ꞌuchañuirasa ꞌinun Nucën Papa Diosan ꞌimiacëxa, nux an iscëx ꞌuchañuma ꞌinun. Nuxnu abë ꞌimainuan Cristo axribi nubë ꞌicëbëtanu ax cuëëncësabi oquin ꞌanun ca Nucën Papa Diosan nun ꞌuchacama a ꞌináncëxa.

1 Pedro 2:22

Cristonën ca uisa ñu ꞌatimabi ꞌama ꞌicën. ꞌAnan ca uisaquinbi uni paránma ꞌicën.

1 Pedro 2:24

Nun ꞌuchacama cëñucë ꞌaíshnu amiribishi ñu ꞌatima ꞌatëcënima, ñu upíshi ꞌai tsónun ca Cristo nun ꞌuchacama bicë cupí i curúsocënu bamacëxa. Mitsúxmi ñu ꞌatima ꞌai ꞌinsíncësa ꞌaíshbi upí ꞌinun ca ax ꞌaisamaira oquin paë tënëi bamacëxa.

1 Pedro 3:18

Ax upí ꞌaíshbi ca Cristo camabi unin ꞌucha cupí achúshitishi bamacëxa, unicama ami catamëti Nucën Papa Diosnan ꞌinun. Uni ꞌaish bamatancëxbi aín namibë aín bëru ñunshin ꞌitëcëni baísquiax ca bëtsi ꞌiacëxa.