Salmos 69:34 - Kashibo-Kakataibo Biblia

³⁴ ¡Dios a ka an unio naí me parúmpapa ꞌimainun, kamabi ñukama anbi rabikë ꞌiti ꞌikën!

Salmos 69:34 ပူးပေါင်းရင်းမြစ်များ

Génesis 1:20

Usakin ꞌatankëx ka Nukën ꞌIbu Dios kiakëxa: Baka ꞌukëmëu ka bëtsi bëtsi ñuina ꞌaisamaira ꞌuakamë ꞌëoti ꞌikën, ꞌimainun ka me manánmi nuanti pëchiñu ñuinakama uniti ꞌikën. Kikëbë ka usai ꞌiakëxa.

Salmos 150:6

¡Kamabi ñuina axa suñun uinkë ꞌimainun unikama anbi ka rabiti ꞌikën! ¡Usa ꞌain kananuna ashi ësokin ax kuëënkësabi okin rabiti ꞌain!

Salmos 96:11

¡Me ꞌimainun naíkamë ꞌëo ax ka kuëënti ꞌikën! ¡ꞌImainun ka parúmpapa bëchuni anua ꞌikë ñukamabëbi banati ꞌikën!

Isaías 49:13

¡Naíkamë ꞌëo! ¡ꞌImainun ka bashikaman kuëëni kushin kantakin upí tania! ¡Usai ka Nukën ꞌIbun aín unikama tëmërai masá nuitutiabi an nuibakin kuëënun ꞌimikëbë ꞌiti ꞌikën!

Isaías 55:12

Usa ꞌain kamina mitsux kuëënkiani anuaxmi tëmërakankë, anuax kamina mitsun menubi uínbi uisokinbi kakëma kuantëkënti ꞌain. Usai mitsux kuania isi ka ꞌain bashikama kuëëni kantati ꞌikën, ꞌimainun ka kamabi ikama ninu ꞌikë akamax mëtashkiti ꞌikën.