Salmos 69:3 - Kashibo-Kakataibo Biblia

³ ꞌItsaira banai kana tëëxan; usa ꞌain kana ꞌën tëru paëia tanin; ¡usai ꞌianan kana uni kara bain aia kixun kainkësa okin ꞌën Dios kainin!

Salmos 69:3 ပူးပေါင်းရင်းမြစ်များ

Salmos 22:15

ꞌËn kuëbitax ka mapú xuikëx ëski ꞌirukë usaribi ꞌikën; ꞌimainun ka ꞌën ana manxantanu takáshkikë usaribi ꞌikën. ¡Usa ꞌikë kamina bamax menu rakakësa ꞌitánun ꞌë ëan!

Salmos 22:2

ꞌËn ꞌIbu Dios nëtë ꞌimainun ꞌimë́bi kana ꞌëmi ꞌakinun kixun mi kain, ꞌaínbi kamina ꞌën kakëxunbi kuatima; ¡ꞌëx anun tantiti nëtë ka ꞌaíma ꞌikën!

Salmos 40:3

Usa ꞌikë ka anun a rabi kantanun ꞌë Diosan kanta ió achúshi ꞌunánmiakëxa. Usai ꞌëx ꞌia isi ka ꞌitsaira unix kuëëni chikirakëkin Nukën ꞌIbu rabiakëxa.

Salmos 69:21

ꞌËn pitinubi muka ñu ꞌaruanan ka, shimaia ꞌë ñu bimi baka kachakë xëanun kixun ꞌinánkëxa.

Juan 19:28

Usa ꞌain ca Jesus, ꞌën ꞌati ñucama cana cëñua quixun ꞌunani Nucën Papa Diosan bana cuënëo quicësabi oi, —cana shimain —quiacëxa.

Hebreos 5:7

Jesusan ca ënë menu ꞌaish abë banaquin aín Papa ñu ñucácëxa. Ñucáquin ca axa bamatimoquin a ië́miti cushiñu ꞌicë ꞌunánquin, munuma banaquin cacëxa. Usaquian ax cuëëncësabi oquin ꞌaquinun quixun ñucácë cupí ca Nucën Papa Diosan Jesucristo ꞌaquiancëxa.