Salmos 69:2 - Kashibo-Kakataibo Biblia

² ꞌëx kana ꞌian pëanpëankikë nëminra anu nanë́kësa ꞌinun ꞌitsaira ñu inúkin tanin, usa ꞌain ka ꞌën taën anu amáti ꞌaíma ꞌikën. ꞌËx kana baka nëminra anu ꞌain, anua ka aín xobukë kushiira an ꞌë taranpakin ubanpaxa.

Salmos 69:2 ပူးပေါင်းရင်းမြစ်များ

Salmos 32:6

Usa ꞌain ka, anúan tëmërati ꞌikëbëtan an nuibakë unikaman mi ñukáti ꞌikën, tëmërakë an ka baka chaiira kushi ꞌëi mapurutankëxa, uinu kara sënënia anu sënë́nkësokinribi tëmëramiti ꞌikën, usa ꞌaínbi ka anbi atu uisabi otima ꞌikën.

Salmos 40:2

an ka ꞌë uisa ñu inuti kara bamati, ꞌikëbi ꞌë ië́miakëxa; usakin ꞌakin ka chua menu nanë́kësa ꞌaish bamakësa ꞌikëbi ꞌë ꞌakiankëxa. Usakin ꞌakëx kana anuax uisaibi ꞌitëkënuxma maparanu nikësa ꞌinun ꞌëx ꞌikë ñukama inuti mëníokakën.

Jeremías 38:22

ka kuat, kamabi xanukama axa Judánu ꞌikë ꞌapun xubunu bërúkë akamax ka bitankëxun Babilonianu ꞌikë, suntárunën kushikama ꞌinánkë ꞌiti ꞌikën, a xanukamax ka ësai kiti ꞌikën: Ka kuat, an ꞌunainrakë unikamanbi ka ꞌapu paránxun ꞌanun ꞌamiaxa; ꞌamikin ka chua menu tatsimëti nanë́kësa ꞌitánun ꞌimiakëxa ꞌimianan ka ꞌapu ꞌikëbi iskëmasa okëxa.

Jeremías 38:6

Usokian ꞌapun kakëxun ka Jeremías atun ñatantankëxun kini ëskikë ꞌumpaxñuma anu nampákankëxa, a kinix ka ꞌapun bakë bëchikë Malquías ainan ꞌiakëxa, ax ka anua suntárukama an ëma bëruankë ꞌikë me mëníokë anu ꞌiakëxa. Anua itsin nanpakë ax ka ꞌumpaxñuma ꞌaíshbi me kini anu nisama chua ꞌiakëxa, anu ka Jeremías ënuma sënëni nanë́ax niakëxa.

Jonás 2:6

Usai ꞌi kana me kini ꞌukëmëuira nipakëkësa ꞌixun; ¡ënuax kana uínsaranbi chikítima ꞌai kixun sinan! ꞌaínbi kamina mix ꞌën ꞌIbu Dios ꞌixun, bamatisa ꞌikëbi ꞌë ië́mian.