Salmos 69:1 - Kashibo-Kakataibo Biblia

¹ ꞌËn ꞌIbu Dios ꞌë kamina ië́miti ꞌain, ꞌëx inúkë ñukama an ka bakami kikësa ꞌinun ꞌë ꞌimia;

Salmos 69:1 ပူးပေါင်းရင်းမြစ်များ

Salmos 32:6

Usa ꞌain ka, anúan tëmërati ꞌikëbëtan an nuibakë unikaman mi ñukáti ꞌikën, tëmërakë an ka baka chaiira kushi ꞌëi mapurutankëxa, uinu kara sënënia anu sënë́nkësokinribi tëmëramiti ꞌikën, usa ꞌaínbi ka anbi atu uisabi otima ꞌikën.

Salmos 42:7

Usa ꞌain kana ꞌën bërí aín bashinuaxa ꞌumpax kushiira ꞌibúti maparami chakabuti banakë an ka ꞌë bakami kimikësa tamia; xukirui kushiira banaia kuakësa, usaribi kana ꞌëmi tëmëramikëxun tanin.

Salmos 69:2

ꞌëx kana ꞌian pëanpëankikë nëminra anu nanë́kësa ꞌinun ꞌitsaira ñu inúkin tanin, usa ꞌain ka ꞌën taën anu amáti ꞌaíma ꞌikën. ꞌËx kana baka nëminra anu ꞌain, anua ka aín xobukë kushiira an ꞌë taranpakin ubanpaxa.

Salmos 80:1

An Israel unikama bërúankë; an ka Israelnën rëbúnkikama achúshi ñuina aín ꞌibun bërúankësa okin bërúanti ꞌikën, mix anu ꞌikë anu ka querubinkama ax ꞌikën, ¡usa ꞌain kamina bërí nukaman ñukákëxun kuati ꞌain!

Isaías 28:17

ꞌËn kana xubu ꞌakënu a unían, anun xubu ꞌakin sënën ꞌitánun tupunkë manë tumua risiñu usaribi ꞌën ꞌakë ñukama ax upí ꞌinun ꞌimiti ain, ꞌimainun anun xubu puntëkin mëníoti usaribi ka uin kara upí ñu ꞌaia ax ꞌiti ꞌikën. Mitsun mi këmëi banai ismina uisa ñubi ꞌinútima ꞌai kixun sinánkë, a ka matsin titan masókin këñuti ꞌikën, ꞌimainun ka ami katamëtimi bukúnkë aribi bakan chinanti ꞌikën.

Isaías 43:2

Mitsux ꞌumpaxan ꞌinúkëbëbi kana ꞌëxribi anu ꞌiti ꞌain, usa ꞌain kamina bakaribi sikatibi bakami kitima ꞌain, ꞌianan ka tsi rëkirukënën anun inutiabi mi chuxtima ꞌikën, ꞌianan ka ꞌain rëkirukë anbi mi xanotima ꞌikën.

Apocalipsis 17:15

Usaquin catancëxun ca ángelnën ësaquin ꞌë catëcëanxa: —Parúnpapacama, anua ꞌatima xanu tsócë, a isquin camina ꞌaisamaira uni, camabi menu ꞌicë unibu ꞌianan camabi banan banacë unibu acama sinánti ꞌain.