Rut 4:15 - Kashibo-Kakataibo Biblia

¹⁵ An ka mi upíokin sinánmianan kaniakëtiabi mi ꞌakinti ꞌikën, min ñexuta Rut aín tuá ꞌikën, usa ꞌain ka aín ñe ꞌikë, an mi nuibakë ax ka mapai achúshi ꞌimainun rabë́ tuákën ꞌakësamaira okin mi nuibatia.

Rut 4:15 ပူးပေါင်းရင်းမြစ်များ

Génesis 45:11

Ënumi ukëkana min aintsi ꞌibukama këñunbi mitsun piti ꞌinánan, kamabi mibëa ꞌikë akamaribi añu ñubi pishintisamokin ꞌakinti ꞌain; ënuax mapai achúshi bari pain ka anun ñu ꞌapákëbi koima ꞌianan numi ax ꞌiti ꞌikën.

Génesis 47:12

Usakin, a ꞌinántankëxun ka Josénën aín aintsi ꞌibukama aín piti akamaribi ꞌinánkëxa, ꞌinánkin ka uiti ꞌitsa kara kuëënia a istankëxun an kuëënkë a cha ꞌinánan an ꞌitsama kuëënkë a chukúmashi ꞌinánkëxa.

Isaías 46:4

usa ꞌain kana ꞌëx mitsúxmi kaniakëkëbëbi usabi ꞌiti ꞌain, ꞌianan kana uínsaran kaina mitsun bu ꞌuxua ꞌirukani usai ꞌiabi bërúankin mitsu ꞌakinti ꞌain. ꞌËn kana mitsu usakin ꞌakën, usa ꞌixun kana usakinbi bërúankin, ꞌën mitsu ië́miti ꞌain;

Rut 4:16

Usa ꞌain ka Noemínën aín baba ꞌitsaira kuëënkin bikin nuibakëxa, usakin nuibakin bitankëxun ka anbi bërúankin kaniokëxa.

1 Samuel 1:8

Usai ꞌia iskin ka aín bënë Elcanánën kakëxa: Ana, ¿uisa kupín kaina inin? ¿uisa kupín kaina masá nuitukin piisamatanin? ¿ꞌËx karana mapai rabë́ bakë tuá bëbu kamasamaira minan ꞌain?

1 Samuel 2:5

ꞌimainun ka axa ꞌaisamaira pitiñu ꞌiakama, an bërí piti chukúmara kupí aín ñu bëtsi ꞌinania; ꞌaínbi ka axa numin ꞌiakama an, bërí numi tanima. ꞌImainun ka axa tuáñuma ꞌia xanukama, an mapai achúshi ꞌimainun rabë́ okin tuaxa, ꞌaínbi ka ax paia ꞌitsa tuáñu ꞌiakama ax, bërí tuáñuma ꞌikën.