Rut 4:13 - Kashibo-Kakataibo Biblia

¹³ Usa ꞌain ka anuan biti nëtë sënë́nkëbëtan Booznën aín xanu ꞌinun Rut biakëxa. Bitankëxa abë ꞌiaka Nukën ꞌIbun tutankëxa bëbu tuá bakënun ꞌimiakëxa, ꞌimikëxun ka bëbu achúshiokin tuakëxa.

Rut 4:13 ပူးပေါင်းရင်းမြစ်များ

Génesis 20:17

Usokian kakëxun ka Abrahamnën Nukën ꞌIbu Dios ñukáxuankëxa, ñukáxunkëxun ka Nukën ꞌIbu Diosan Abimélec aín xanukëñunbi pëxkuakëxa. Usokin ꞌanan ka an ñu ꞌaxunkë xanukamaribi tuánun ꞌimiakëxa,

Génesis 25:21

Usa ꞌain ka Rebeca tuakëma xanu ꞌiakëxa, usa ꞌain Isaac an ami bëchikaskin ꞌain xanu ꞌitsaira ñukáxuankëxa. Usakian ñukákëxun ka Nukën ꞌIbun an ñukákë a kuakin Rebeca tuuñu ꞌinun ꞌimiakëxa.

Génesis 29:31

Usa ꞌaínbi ka Nukën ꞌIbun isakëxa Jacobnën Lía kuëëniama, usa ꞌain ka tuapanun ꞌimianan, Raquelnëx tuáñuma ꞌinun ꞌimiakëxa.

Génesis 30:2

ꞌAínbi ka Jacobnën nishkin kakëxa: —¿ꞌËx kana Diosma ꞌain? Nukën ꞌIbu ax ka mix tuáñu ꞌiti kuëënima.

Génesis 33:5

Usai ꞌitankëx sënëni chairukinbi ka Esaúnën xanukama ꞌimainun tuákama mërakëxa, mërakin ka ñukákëxa: —Ui kara ¿ënë kamax ꞌik? —Ënëx ka an mi ñu mëëxunti ënën bëchikëkama Diosan ꞌinánkë ꞌikë —kixun ka Jacobnën kakëxa.

Salmos 127:3

Unin bakë bëchikë bakënkëkama ax ka upíokin sinánxunkian Diosanbi nu ꞌinánkë ꞌikën.

Rut 3:11

ꞌËn kana mi kain, usa aín kamina rakuë́tima ꞌain, kamabi ꞌën ëmanu tsókë unikaman ka ꞌunánxa, mix kamina achúshi xanu upí sinánñu ꞌai kixun. Usa ꞌain kana añu ꞌanun kaina ꞌë kain a mi ꞌaxúnti ꞌain.

Rut 4:12

Usa ꞌain ka Nukën ꞌIbun a mi bikë xanu ënëmi ꞌitsaira bakë bëchipanun mi ꞌamiti ꞌikën. Usakin ꞌimikëbë ka ꞌaisamaira min aintsikama ꞌiti ꞌikën, Tamarmia Judá kakë uni aín bëchikë Fares ainan ꞌiásaribiti.

1 Samuel 1:27

ꞌËn kana Nukën ꞌIbu ënë tuá ꞌë ꞌinánun ñukan, usa aín ka ꞌë ꞌinánxa.

1 Samuel 2:5

ꞌimainun ka axa ꞌaisamaira pitiñu ꞌiakama, an bërí piti chukúmara kupí aín ñu bëtsi ꞌinania; ꞌaínbi ka axa numin ꞌiakama an, bërí numi tanima. ꞌImainun ka axa tuáñuma ꞌia xanukama, an mapai achúshi ꞌimainun rabë́ okin tuaxa, ꞌaínbi ka ax paia ꞌitsa tuáñu ꞌiakama ax, bërí tuáñuma ꞌikën.