Rut 2:15 - Kashibo-Kakataibo Biblia

¹⁵ Usakin ꞌatankëxa Rut amiribishi cebada bimi bitsi kuantëkënkëbëtan ka Booznën an ñu mëëxunkë unikama kakëxa: —Anribia cebada bimi nëakin bitsia kamina. Bixuma ꞌanun kixun katima ꞌain.

Rut 2:15 ပူးပေါင်းရင်းမြစ်များ

Levítico 19:9

Anúan mitsun ñu ꞌapákë biti nëtë ꞌikëbëtan bikin kamina, kamaira këñukin bitima ꞌain, ꞌimainun kamina baritëkënkin bikinmi tëxëokë a bitima ꞌain.

Levítico 23:22

Anun mitsun ñu ꞌapákë bikë nëtë ꞌikëbëtan sënë́onkin bixun kamina bikin ënkë a kamaira baritëkënbiankin bitima ꞌain. Ax ka uni ñuñuma ꞌimainun bëtsi menu ꞌikë uni mitsubë tsókë unikaman binun ënkë ꞌikën. ꞌËx kana Dios ꞌaish mikaman Dios a ꞌain.

Santiago 1:5

Uisaira caramina ami cushiti ꞌai quixun ꞌunáncëma ꞌixun camina Nucën Papa Dios ñucáti ꞌain. Ñucácëxun ca an mi usaími ꞌiti ꞌunánmiquin cushioti ꞌicën. An ca an a ñucácë unimi nishquinma cuëënquin upí oquin ꞌunánmia.

Rut 2:14

Usokin katankëxun ka anúan piti hora ꞌikëbëtan Booznën anribia atubëtan pinun kixun Rut kakëxa: —Katankëxun ka ënu ka ut, kixun kuëankëxa, kuënkëx uax tsóbutia ka pán tukakë ënë kamina bimi baka kachakë ënu chabóti ꞌain kixun kakëxa. Kakëx ka Rut anua an cebada bimi bikë unikama pi tsókë atu rapasu tsóbuakëxa. Tsóbutia ka Booznën cebada bëru tutush okë a pinun kixun ꞌinánkëxa, ꞌinánkëxun ka ꞌaímai puchákin piakëxa, pikinbi ka cebada tutush okë tëxëokëxa.

Rut 2:16

ꞌImainun kamina nëakin bikëxa cebada bimi rëukutia, abia tupikin binun isëshiti ꞌain. ¡Uínbi ka usakian ꞌaia ubiotima ꞌikën!