Rut 1:20 - Kashibo-Kakataibo Biblia

²⁰ Kiabi ka Noemínën atu kakëxa: —ꞌË kamina bërí Noemí kakin anëtima ꞌain; Mará kakin kamina ꞌë anëti ꞌain, Dios kamabi kushiñu an ka ꞌaisamaira ꞌëx nishkë anunbi tëmëranun ꞌë ꞌimiaxa.

Rut 1:20 ပူးပေါင်းရင်းမြစ်များ

Génesis 17:1

Usa ꞌain ka Abram axa noventa ꞌimainun nueve baritiañu ꞌikë, Nukën ꞌIbun amiribishi ami mëratëkënkin ësokin kakëxa: —ꞌËx kana min ꞌIbu Dios kamabi kushiñuira a ꞌain, usa ꞌain kamina ꞌëx kuëënkësabi ꞌoíshi tsóanan ꞌëx kikësabiokin kamabi ñu ꞌati ꞌain,

Génesis 43:14

Usa ꞌaínbi ka Nukën ꞌIbu Dios ax kamabi kushiñu an mitsua uisabi okima nuibanun ꞌimianan, min xukë́n sipunu ꞌikë a ënun sinánmikin Benjamín utëkënun upíokin sinánmiti ꞌikën. Usa ꞌain kana ꞌën bëchikëkama nëtë́këbë, bëchikëñuma ꞌëx ꞌiti ꞌain.

Job 19:6

Usa ꞌaínbi kamina mitsun upíokin pain Diosan ka ꞌë tëmëramia kixun ꞌunánti ꞌain, an ka usai ꞌinun ꞌimikin ꞌë anu pakëti nankënua ñuina pakëkësaribi ꞌinun ꞌimiaxa.

Job 5:17

Usa ꞌain ka chuámarua ꞌiti ꞌikë ui uni kara Diosan ꞌunánmisatankin ꞌatima ñu inúnun ꞌimia ax; usai ꞌikinbi ka Dios kushiira ꞌixuan usai ꞌiti ꞌimikëxunbi ami ꞌatimakin sinánkinma abi tënëkë uni ax ꞌiti ꞌikën.

Salmos 73:14

Usa ꞌain kana kamabi nëtën rishkiakatin, ꞌianan kana kamabi nëtën tëmëramikin ꞌatimokë ꞌain.

Éxodo 15:23

Usai kuani ka Mará kakë me anu bëbakëxa, bëbakin anua ꞌikë ꞌumpax xëanuxun tankinbi ka muka ꞌikë a ꞌumpax xëama ꞌikën. Usa ꞌikë ka israel unibunën a me Mará kakin anëakëxa, (ax ka muka ki kikë bana ꞌikën).

Éxodo 6:3

Usa ꞌikë ka min chaitiokë Abraham, Isaac ꞌimainun Jacob akaman ꞌëx kana kamabi kushiñu Dios a ꞌai kixun ꞌunánkëxa, ꞌaínbi kana asérabi ꞌën anëira a atu ꞌunánmiama ꞌain: ꞌËx kana min ꞌIbu a ꞌain.

Hebreos 12:11

Cananuna ꞌunanin, Nucën Papa Diosan usoquin nu ꞌacëxun taní cananuna masá nuitupanin. Usai ꞌitancëxbi cananuna usaquian nu ꞌacë a inúcëbë Nucën Papa Diosbë upí ꞌiquin upí oquin sinani cuëënti ꞌain.

Apocalipsis 1:8

Nucën ꞌIbu Dios, axa usabi ꞌiá ꞌaish usabi ꞌicë, ax ca cushiira ꞌaish, uisa cushi cara, aín cushibëtanbi sënë́nmaira ꞌicën. Usa ꞌaish ca ax ësai quia: —ꞌËx cana uisa ñubia ꞌaíma ꞌaínbi ꞌiacën, usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain.

Apocalipsis 21:22

Nucën ꞌIbu Dios, axa aín cushi bëtsi cushisama, a ꞌimainun Carnero ꞌicësaribitia unin ꞌucha cupí bama, axbia uinu cara a ëma sënënia anubi ꞌain, ca ꞌën iscëx a ëmanu anuxun Nucën ꞌIbu Dios rabiti xubu ꞌaíma ꞌiaxa.