Romanos 5:3 - Kashibo-Kakataibo Biblia

³ Usaquin sinánquin cananuna uisai cara ñu ꞌicëbëtanbi ami sinánti ëníma cuëënin. Cananuna ꞌunanin, tëmëraquinbi tanshiquin cananuna upiti Jesucristomi catamëti ꞌunánti ꞌai quixun.

Nukën 'Ibu Diosan ain unikama 'inan ain bana

³ Usaquin sinánquin cananuna uisai cara ñu 'icëbëtanbi ami sinánti ëníma cuëënin. Cananuna 'unanin, tëmëraquinbi tanshiquin cananuna upiti Jesucristomi catamëti 'unánti 'ai quixun.

Romanos 5:3 ပူးပေါင်းရင်းမြစ်များ

Lucas 21:19

Tëmëraquinbi ꞌëmi catamëti ëncëma ꞌaish camina ꞌën Papa Diosan nëtënu ꞌëbë ꞌiti ꞌain.

Hechos 5:41

Xucëxun ꞌapucama ëbiani ca —Jesúsnan cupí tëmëranun ca Nucën Papa Diosan nu caísaxa —quixun sinani cuëënquiani cuancëxa.

Romanos 5:11

Usaquin ꞌimicëx cananuna —Nucën ꞌIbu Jesucristo a cupí cana Nucën Papa Diosnan ꞌaish abë upí ꞌai —quixun ꞌunani cuëëinra cuëënin.

Romanos 8:23

Camabi ñun a Nucën Papa Diosan ióotëcënun caínmainun cananuna nunribi Nucën Papa Diosan nu ióotëcënun bënë́quin cainin. Nucën Papa Diosan nu aín Bëru Ñunshin Upí nubë ꞌinun ꞌináncë ꞌain cananuna ꞌunanin, an ca asérabi camabi aín bana quicësabi oquin nu ꞌimiti ꞌicë quixun. Usaquin ꞌunánquin cananuna nun aín bëchicë ꞌaish aín nëtënu bëtsi namiñu ꞌiti cainin.

Romanos 9:10

Ënëribi cananuna sinánti ꞌain: Rebecanën tuá rabë́ ax ca nucën rara Isaacnënbia bëchicë ꞌiacëxa.

2 Corintios 4:17

Cananuna ꞌunanin, ënë nëtënuaxnu tëmëracë ꞌaínbi ca a ñucamax bënëtishi cëñutia. Tëmëracëbi ca nun sináncësamaira oquin Nucën Papa Diosan nux tëmëracë cupínu abë́ ꞌaish chuámarua tani cuëëinra cuëënun nu ꞌimiti ꞌicën.

2 Corintios 8:19

A uni ca camabi ëmanuxun axa Jesucristomi catamëcë unicaman ënë ñu mëëti nu ꞌaquinia nubë cuanun caísaxa. Mitsúnmi usoquin ꞌináncë isquian unicaman Nucën ꞌIbu Jesús rabinun cananuna ënë curíqui bixun Jerusalénu ꞌicë unicama ꞌinani cuanin.

Efesios 3:13

Usa ꞌain camina ꞌëx mitsu bana ñuixuncë cupí tëmëraia ñuicania cuatíbi racuëti masá nuitutima ꞌain. ꞌËn tëmëraquinbi Cristo ñui quicë banacama mitsu ñuixuncëxmi ami catamëtia Nucën Papa Diosan mitsu ainan ꞌimicë ꞌaish camina masá nuitutíma cuëënti ꞌain.

Filipenses 1:29

Nucën Papa Diosan ca Cristomi catamënun mitsu ꞌimiaxa. ꞌImianan ca ami catamëtia unin mitsumi nishquin ꞌatimocëxbimi cuëënun mitsu ꞌimiaxa.

Santiago 1:12

An uisa ñu cara ꞌicëbëbi bënë́quinma tanshiquin Jesucristomi catamëti ëncëma unicama a ca usaía ax ami sináncë unicama ꞌiti ñuia quiásabi oquin Nucën Papa Diosan aín nëtënu abë ꞌaish chuámarua ꞌaish cuëënun ꞌimiti ꞌicën.

1 Pedro 3:14

Mitsúnmi ñu upí ꞌacë cupí tëmëraibi camina Nucën Papa Diosan ꞌaquincëx cuëënti ꞌain. Mimia uni ꞌicë́xbi camina racuëti masá nuitutima ꞌain.