Romanos 2:4 - Kashibo-Kakataibo Biblia

⁴ Camina ꞌunánti ꞌain, Nucën Papa Diosan ca mi nuibaíranan, mi ꞌatima ñu ꞌacë ꞌicëbi ꞌatimoquinma mix sinanati ami sinánun cainia. ¿Axa usa ꞌaínbi caramina min ꞌatima ñu ꞌacë ëni ami sinántisama tanin?

Nukën 'Ibu Diosan ain unikama 'inan ain bana

⁴ Camina 'unánti 'ain, Nucën Papa Diosan ca mi nuibaíranan, mi 'atima ñu 'acë 'icëbi 'atimoquinma mix sinanati ami sinánun cainia. ¿Axa usa 'aínbi caramina min 'atima ñu 'acë ëni ami sinántisama tanin?

Romanos 2:4 ပူးပေါင်းရင်းမြစ်များ

2 Pedro 3:9

Usa ꞌain ca —ca uti ꞌicë quiá ꞌaíshbi ca Jesucristo xënibutia —quiáxa uni quicë ꞌaínbi uti ꞌixúnbi Jesucristonën achúshira uníxbia ainanma ꞌaish castícancë ꞌiti cuëënima, camabi unia sinanati ami catamëti cuëënia.

Isaías 30:18

ꞌAínbi ka Nukën ꞌIbu an upiokin ñu ꞌakë ꞌixun mitsumi sinania, usa ꞌixun ka an kamabi ñu upiokin mitsu nuibakin ꞌaia; an ka ax nuibanankëira ꞌikë kixun mitsun ꞌitsaira ꞌunánti kuëënia, Nukën ꞌIbu an ka ax xëshi Dios ꞌixun ñukama upiokin ꞌaia. ¡Usa ꞌain ka ami katamëtia ꞌakinti kuëënkë unikama kuëëinra kuëënti ꞌikën!

Éxodo 34:6

Kai ka Moisésnën kuanun a inubuini munuma banai ësai Dios kiakëxa: —¡ꞌËx kana Israel unikaman ꞌIbu ꞌain! ¡ꞌËx kana Dios ira ꞌain, usa ꞌixun kana ꞌën anë mitsu ꞌunánmin! ¡ꞌËx Dios ꞌixun kana nuibakin mitsun nuibakëxunmabi ꞌakinin, usa ꞌixun kana ꞌatima okima unikama nuibatin usokëxun tani ka unikama ꞌëmi katamëti ꞌikën!

Efesios 1:18

ꞌImainun cana mitsu ñucáxunin, an ꞌimicëx caramina uisairai ënë nëtënuax Jesucristosaribi ꞌaish upí sinánñu ꞌiti ꞌai quixunmi mitsun ꞌunánun. Ñucánan cana uisairai caramina aín nëtënu abë ꞌaish, axa ami catamëcë unicamabë ꞌiti ꞌai quixunmi ꞌunánun mitsu ñucáxunin.

Efesios 2:7

Jesucristonan ꞌaíshnu usai ꞌicë isquían camabi unin uisaira oquin cara an nu nuibatia quixun nëtë xënibucëbëtanbi isnun ca Nucën Papa Diosan usaínu ꞌinun mëníocëxa.

Efesios 1:7

An ca nun ꞌucha cupínu ainanma ꞌicëbi Cristo bama ꞌain, nun ñu ꞌaisama ꞌacëcama tërë́nquin ainan ꞌinun nu ië́miaxa, an nu nuibaquin.

Romanos 3:25

Ami catamëtía, uni aín ꞌuchacama tërë́ncë ꞌinun ca camabi unin ꞌucha cupía Cristo bamanun Nucën Papa Diosan mëníocëxa. An Jesucristo bamati mënío ꞌixun ca bëráma ꞌiá uniribi, axa sinanatia Nucën Papa Diosan aín ꞌuchacama ashiquin manumiacëxa. Usaquin an ꞌá cupí ca camabi unin ꞌunánti ꞌicën, Nucën Papa Diosan ca asérabi upíira upí ꞌixun an usai ca ꞌiti ꞌicë quixun mëníosabi oquin ꞌaia quixun.

2 Pedro 3:15

Camina ꞌunánti ꞌain, axa ainan ꞌiticama camabi aín ꞌucha tërë́ncë ꞌinun ami catamënun quixun ca Nucën ꞌIbu Jesucristonën cainia. Nucën Papa Diosan sinánmicësabi oquin ca abë́nu nuibanancë nucën xucën, Pablonënribi quirica buánmiquin, usaribi oquin mitsu caxa.

Romanos 11:33

Uiti cushiira cara aín sinan ꞌicë quixun cananuna ꞌunántima ꞌain. An ca camabi ñu ꞌunania. An ꞌunáncëma ñu ca ꞌaíma ꞌicën. Uisaira ꞌixun cara usoquin ñu ꞌaia quixun cananuna ꞌunaniman.

Romanos 11:22

Usa ꞌain camina ꞌunánti ꞌain, ax upí ꞌixun ca Nucën Papa Diosan unicama nuibaquin upí ꞌimianan axa aín ꞌucha ëni ami catamëcëma uni uisa cara oti ꞌicë usoquin ꞌati ꞌicën. Usa ꞌixun ca mitsúxmi a ëníma ax quicësabi oquin ꞌai, ami catamëtia oquin nuibaquin ꞌaquinia. Usai mitsux ꞌicësabi camina ꞌiti ꞌain. Usai ꞌima camina mitsúxribi judíos unibu ꞌicësaribiti ainanma ꞌiti ꞌain.

Efesios 2:4

Usai ꞌiá ꞌicëbi ca Nucën Papa Diosan nu ꞌaisamaira nuibaquin,

2 Pedro 3:3

Ësoquin camina ꞌunánti ꞌain, anúan Jesucristo utëcënti nëtëa ꞌurama ꞌain ca ꞌitsa uni aín cuëëncë ñuishi ꞌai, anun Jesucristonan ꞌiti bana ꞌatimaquin ñui, ami cuaiti ꞌicën.

1 Pedro 3:20

Bamacëma pain ꞌixun ca a unicaman Nucën Papa Dios cuëëncësabi oquin ꞌaisama tancëxa. Noénëan aín manë nunti ꞌamainun ca unicama aín ñu ꞌatima ꞌacëcama ënun quixun Nucën Papa Diosan caíancëxa. Caíncëxunbia aín ñu ꞌatima ꞌacë ëncëma ꞌicëa aín patsan bacan cëñumainun ca ꞌitsamashi ocho uníxëshi manë nunti mëu atsini ië́acëxa.

1 Timoteo 6:17

Axa Jesucristomi catamëcë uni, ꞌitsa curíquiñu ꞌimainun ꞌitsa ñuñu ꞌicë camina ësaquin cati ꞌain: Curíquiñu ꞌixun camina —ꞌëx cana ñuñuira ꞌaish bëtsi unisama ꞌai —quixun sinántima ꞌain. Curíqui ꞌimainun ñucamaxribi ca nëtë́ti ꞌicën. Usa ꞌain camina min curíquimi catamëquin —uínbi ca ꞌë uisoima, añu ñu carana ꞌaisa tani a cana ꞌati ꞌai —quixun sinántima ꞌain. Usaquin sinánquinma camina Nucën Papa Dios an bamatimoi tsócë ꞌixun, anun nux chuámarua bucunun camabi ñu nu ꞌináncë, amishi catamëti ꞌain.

Filipenses 4:19

A ꞌën rabicë Nucën Papa Dios, an ca ami cuëëncë ñu mitsu ꞌinánti ꞌicën. Jesucristonëan mitsu ainan ꞌinun ꞌimicë ꞌicë ca Nucën Papa Dios ax camabi ñun ꞌIbu ꞌixun mitsúnmi cuëëncë ñu a ꞌinánan mitsu ꞌaquinti ꞌicën.

Apocalipsis 3:20

Ënëx ca ësa ꞌicën. Bëtsi uni isi cuanxun ca unin aín xëpúti taxcaquin a xëocaxunun quixun caia. An aín xëpúti taxcaquin uni itsi cuëncë uni usaribi cana ꞌëx ꞌain. A unisaribi ꞌixun cana ui unin cara ꞌëmi sinánquin ꞌëx abë ꞌinun ꞌë caia a unibë ꞌiti ꞌain. Usai ꞌiquin cana unían abëtan piquin uni itsi ꞌunáncësaribi oquian ꞌë ꞌunánun a uni ꞌimiti ꞌain.

1 Timoteo 1:16

ꞌËx ꞌuchañuira ꞌicëbia Jesucristonën ꞌëmi nishquinma ainan ꞌë ꞌimicë cupí ca axa ami catamëti xënibua ꞌaínbi Nucën Papa Diosbë ꞌiti unicaman ꞌunánti ꞌicën, usaribi oquin ca Jesucristonën aribi Nucën Papa Diosnan ꞌinun ꞌimiti ꞌicë quixun. Atúan usaquin ꞌunánun ca Nucën Papa Diosan nuibaquin ꞌë ainan ꞌimiacëxa.

Colosenses 1:27

Uisaira upí cara a bana ꞌicë quixun ca Nucën Papa Diosan aín unicama ꞌunánmisa tancëxa. A banax ca judíosma unicamananribi ꞌicën. A banax ca ësai quia, Cristo ax ca mitsubë ꞌicën. Axa mitsubë ꞌain camina aín nëtënuribi abë ꞌiti ꞌain.

Romanos 6:15

¿Axa quicësabi oínu ꞌiti bana quicësabi oquinu ꞌacë cupíma ami catamëtiaishi ca Nucën Papa Diosan ꞌën ꞌuchacama tërë́nti ꞌicë quixun sinánquin, caranuna amiribi amiribi ꞌaisama ñu ꞌatëcënti ꞌain? Cananuna ꞌatima ꞌain.

Romanos 6:1

¿Nux ꞌuchañuira ꞌicëbi ca Nucën Papa Diosan Jesucristo cupí nu upí isia quixun sinani caranuna uisari quiti ꞌain? ¿Nucën Papa Diosan nu nuibaquin nun ꞌucha tërë́ntëcënun caranuna amiribi amiribi ꞌuchati ꞌain?

Salmos 104:24

¡Uiti ñukamaira kaina mix Dios ꞌixun ꞌakën! A ñukama kamina mix sinánñuira ꞌixun ꞌakën; ¡usa ꞌain ka kamabi menu min ꞌa ñukama ꞌikën!

Colosenses 2:2

Mitsúnmi Cristomi cushicë ꞌaish bëtsibë bëtsibë nuibanani achúshisaishi ꞌianan upí oquin a ꞌunáncëma ꞌixunbi bërí Cristo ꞌunánquin, uisaira oquin cara mitsu ꞌaquinti ꞌicë quixun ꞌunánun, cana mitsu Nucën Papa Dios ñucáxunin.

Efesios 3:16

Ax upíira ꞌaish cushiira ꞌixúan aín Bëru Ñunshin Upitan mitsun nuitu mëu sinánmiquin, ax cuëëncësabi oquinmi ꞌanun mitsu cushionun, cana a mitsu ñucáxunin.

Efesios 3:8

ꞌËx axa ami catamëcë uni raíribë sënë́nmara ꞌicëbi ca Nucën Papa Diosan nuibaquin, judíosma unicama Cristo ñui quicë bana ꞌunánminun ꞌë ꞌimiaxa, uisaira oquin cara Cristonën aín unicama nuibaquin ꞌaquinia quixuan ënë nëtënuxun aín unicaman ꞌunáinracëma ꞌicëbi.

Romanos 10:12

Judíos unicama ꞌimainun judíosma unicamaribi ꞌimainun uisa uni cara, axbi ca Cristomi catamëti ainan ꞌia. Cristo ax ca camabi uni axa ami catamëcë aín ꞌIbu ꞌicën. Usa ꞌixun ca an ñucácë unicama upí oquin ꞌaquianan ax cuëëncësamaira oquin ñu ꞌinania.

Jeremías 7:10

usakin ꞌatankëx ka anuxun ꞌë rabiti xubu ënuribi ꞌëbë bana katsikiax rikuatsinin. Atun ka sinania ënuax kananuna ië́kë ꞌiti ꞌai kixun; usa ꞌixun ka abi kananuna ꞌati ꞌai kixun ꞌën kuëënkëma ñuira ꞌakania.

Números 14:18

usa ꞌaish kamina sinan mënínñushi ꞌianan, min unikama ꞌitsaira nuibatin ꞌimainun kamina atun ꞌatima ñu ꞌakë tërëanan min bana kuaisama tankë akama ënkinma uisakin kaina ꞌaisatani usakin tëmëramin, ꞌanan kamina aín papanan ꞌanan aín bakë bëchikënën bëchikë ꞌimainun aín baba aín xutan bakë bëchikënën bëchikë akama ꞌatima ñu ꞌaia tëmëramiti ꞌain.

Jonás 4:2

Usa ꞌain ka abë banakin Dios ësokin kakëxa: —ꞌËn ꞌIbu Dios ësa ñu ka ꞌiti ꞌikë, kiax kana ꞌën menuaxi ꞌëx kian. Usa ꞌain kana bënëtishi Tarsis menu abáti sinánkë ꞌian, ꞌën kana mix kamina achúshi Dios nuibanairakë ꞌaish bënëtishi nishkëma a ꞌai kixun ꞌunánkë ꞌian, usa ꞌain kamina ꞌën sinánkëxun ꞌitsaira uni nuibakin ꞌatimokin tëmëramikatsi kixunbi mimia sinanatia ꞌakëma ꞌain kixun ka munuma banai ami nishkin Dios kakëxa.

Oseas 3:5

Usai pain ënë ñukama ꞌikë ꞌain ka Israelkaman ami sinanatëkënkin, Nukën ꞌIbu Dios rabiti sinántëkënti ꞌikën, ꞌimainun ka atun ꞌapu ꞌia David aín rëbúnki achúshi atun ꞌapu ꞌiti ꞌikën. Anuan ënë nëtëkama këñuti a nëtë ꞌikëbëtan ka ami rakuë́kin Dios upíokin a ꞌakinun kixun ñukáti ꞌikën.

2 Corintios 8:2

Amia uni nishmainun bëtsi ñu cupíribi tëmëraquinbi Jesucristomi catamëti ëníma ca chuámaruaishi ꞌaish bucuia. Chuámarua ꞌixun ca ñuñuma ꞌixunbi cuëënquin ñuñu unin ꞌacësa oquin curíqui ꞌinánxa.

2 Pedro 1:11

Usai ꞌitancëx camina Nucën ꞌIbu Jesucristo, an nun ꞌucha tërë́nquin Nucën Papa Diosnan ꞌinun nu ië́micë, an mëníosabi oi asérabi aín nëtënu abë cëñútimoi ꞌiti ꞌain.

Apocalipsis 2:21

Axa usai ꞌiabi cana usa ñu ënía ꞌëmi sinánun caían. Caíncëxunbi ca ëmi catamëquin sinanaquin aín ñu ꞌatima ꞌacë ëncëma ꞌicën.