Romanos 2:3 - Kashibo-Kakataibo Biblia

³ ¿Bëtsi unimi, an ca ñu ꞌaisama ꞌaia quiax manánquinbi minribi usaribi oquin ñu ꞌacëbi ca Nucën Papa Diosan a unishi ꞌuchonan mi ꞌuchotima ꞌicë quixun caramina sinanin? Usama ca.

Nukën 'Ibu Diosan ain unikama 'inan ain bana

³ ¿Bëtsi unimi, an ca ñu 'aisama 'aia quiax manánquinbi minribi usaribi oquin ñu 'acëbi ca Nucën Papa Diosan a unishi 'uchonan mi 'uchotima 'icë quixun caramina sinanin? Usama ca.

Romanos 2:3 ပူးပေါင်းရင်းမြစ်များ

Mateo 23:33

ꞌAtima ꞌixun uni paráncë ꞌaish camina mitsux runu an uni picë asa ꞌain, mitsun raracama ꞌiásaribiti camina ꞌin. Mitsúxmi usai ꞌicë cupí ca Nucën Papa Diosan asérabi mitsux bamaia anuaxmi tëmërati manë tsinu mitsu ꞌimiti ꞌicën.

Mateo 26:53

¿Caramina ꞌunaniman, ꞌën cana ꞌën Papa aín ángelcama ꞌë ꞌaquinun xunun ñucáquin cati ꞌain? ꞌËn ñucácëxun ca aín ángelcama uitishi cara ꞌë ꞌaquinun bëríbi xuti ꞌicën.

Lucas 12:14

Cacëxun ca Jesusan cacëxa: —Usai ca mibë min xucën ꞌiti ꞌicë quixun cana ꞌën mëníotima ꞌain. Ax ca ꞌën ꞌatima ꞌicën.

Lucas 22:58

Usoquin can, basicëma ꞌaínshi ca uni achúshinënribi Pedro isquin cacëxa: —Mix camina abë nicë uni a ꞌain. Cacëxun ca Pedronën cacëxa: —ꞌËx cana ama ꞌain.

Lucas 22:60

Usaía quia ca Pedronën cacëxa: —Uisai qui caina usai quin, a cana ꞌën ꞌunaniman. Quicëbëshi ca ꞌatapa banacëxa.

Romanos 1:32

Atun ca ꞌunania, Nucën Papa Diosan mëníosabi oi ca usa unicama ainanma ꞌaish xënibua ꞌaínbi abë ꞌitima ꞌicë quixun. Usaía Nucën Papa Dios quia a ꞌunánxunbi ca usa ñu ꞌaia. Atúinshi ꞌaíma ca uni itsínribia usaribi oquin ꞌaia isti cuëënia.

Romanos 2:1

Mitsúnmi uni itsi ꞌuchocëbëtanbi ca uni raírinën ꞌunánti ꞌicën, mitsun camina usa ñu ꞌati ca ꞌucha ꞌicë quixun ꞌunanin. Usa ꞌain camina minribi usa ñu ꞌatancëx —ꞌunánxunma cana ꞌa —quitima ꞌain.

Romanos 2:2

Cananuna ꞌunanin, Nucën Papa Diosan ca uni aín ꞌucha cupí uisa cara oti ꞌicë usoquin ꞌaquinbi, upí oquin sinánquin an mëníosabi oquin ꞌaia quixun.

Romanos 9:20

Mitsúnmi ꞌë usaquin cacëxunbi cana mitsu cain, ¿Mitsux unishi ꞌaíshbi caramina Nucën Papa Diosbë cuëbicanánti ꞌain? ¿Ñutë banati ꞌunan ꞌixun cara —¿uisoti caramina ësoquin ꞌë ꞌai? —quixun an ꞌacë xanu cati ꞌic? Ca catima ꞌicën.

1 Tesalonicenses 5:3

Axa Jesucristomi sináncëma unicamaxa: “Chuámashi cananuna bucuin, uisa ñunbi ca nu uisotima ꞌicë” quicëbëbi ca anúan cëñúcanti nëtë atun sináncë ꞌaímabi unuxun ꞌaia. Xanu tuñunën ca anúan ax bacë́nti nëtë sënéncëbëtan paë taníma ꞌima. Usaribiti ca axa usai banacë unicama anúan cëñúti nëtëa ucëbë ië́tima ꞌicën.

Hebreos 12:25

Cananuna ꞌunanin, Moisésnëan Nucën Papa Diosan bana ñuixuncëxunbia an a bana timaquin cuaisama tancë, nucën raracamax ca castícancë ꞌiacëxa. Moisésnën ñuiá banasamaira ca Jesucristo ñui quicë bana, Nucën Papa Diosan naínu ꞌixun nu ꞌinan, ax ꞌicën. Usa ꞌain ca nucën raracamaxa ꞌiásamaira oi an Jesucristo ñui quicë bana timaquin cuaisama tancë unicama ië́tima ꞌicën. Usa ꞌain camina asérabi Jesucristo, Nucën Papa Diosan a aín nëtënua xua, a ñui quicë bana timaquinma upí oquin cuati ꞌain.

Hebreos 2:3

¿Asérabi usa ꞌain caranuna nux —Jesucristomi catamëtia uni Nucën Papa Diosnan ꞌinun ië́ti bana a cuatíbi, a bana quicësabi oi ꞌicëma ꞌaish uisa tancëx ië́ti ꞌain? A bana anun nun ꞌucha tërë́ncë ꞌaish Nucën Papa Diosnan ꞌinux ië́ti, a ca Nucën ꞌIbu Jesucristonën pain unicama ñuixuancëxa. Usa ꞌain ca an cuacë uni raírinën, a bana ca asérabi ꞌicë quixun ꞌunánquin, nuribi ꞌunánmiacëxa.