Romanos 2:2 - Kashibo-Kakataibo Biblia

² Cananuna ꞌunanin, Nucën Papa Diosan ca uni aín ꞌucha cupí uisa cara oti ꞌicë usoquin ꞌaquinbi, upí oquin sinánquin an mëníosabi oquin ꞌaia quixun.

Nukën 'Ibu Diosan ain unikama 'inan ain bana

² Cananuna 'unanin, Nucën Papa Diosan ca uni aín 'ucha cupí uisa cara oti 'icë usoquin 'aquinbi, upí oquin sinánquin an mëníosabi oquin 'aia quixun.

Romanos 2:2 ပူးပေါင်းရင်းမြစ်များ

Génesis 18:25

¡Min usokin uni ꞌuchañuma këñun uni ꞌuchañukama, ꞌakin kamina a rabëtaxbi ꞌuchakësa ꞌikë ꞌati ꞌain! ¡Usakin ꞌaxuma ka at! Mix kamina ꞌapu ꞌaish kamabi kushiñu ꞌain kamabi menu, ¿usa ꞌixunmi usakin ñu ꞌakë ax kara minan asabi ꞌiti ꞌit?

Salmos 145:17

Nukën ꞌIbu ax ka uisakin ñu ꞌakatsi kara kia, usakinbi kamabi ñu upíokin ꞌaia.

Salmos 96:13

usai ꞌika Diosan ꞌismainun kantati ꞌikën! ¡Ax ukin ka ënë menu ꞌikë ꞌapu ꞌixun ꞌakinti ꞌikën, ꞌakianan ka kamabi menu ꞌikë ëmakamanu ꞌikë unikamaribi ꞌakinkin asérabi an ñu upíokin ꞌati ꞌikën!

Isaías 45:19

ꞌËx kana unëax banananbi uinu kara me bëánkibukë ꞌikë anuaxbi banaima. ꞌËn kana Jacobnën rëbúnkikama kaiman: ꞌË kamina anu ñu ꞌikë anua barikanti ꞌain. ꞌËx mitsun ꞌIbu ꞌaish kana asérabi këmëima upiti banai ësai ka ñu ꞌiti ꞌikë kin.

Isaías 45:21

Usa ꞌain ka timë́kankë ꞌain añu karamina mitsun a ax kiti uni anu ꞌiti ꞌikën, ax ka uin kara ësokin ꞌati sinánxun axa kiax bëtsibë bëtsibë ñukákananti ꞌikën: ¿Uin kara bërámabi ënë ñukama ꞌisama ꞌaínbi kitabati usai ka ñu ꞌinuxun ꞌaia kiax kiakëx? ¿Uixira kara bërámabi usaía ñu ꞌiti ñui ꞌitabakëbë usai ka ꞌinuxun ꞌaia kiakëx? ¿ꞌËx karana min ꞌIbu ꞌaish axa a ñukama ñui kia ꞌama ꞌain? Usa ꞌain ka ꞌësaribi Dios uinubi ꞌaíma ꞌikën. Uinubi ka ꞌësaribi Dios an ain unikama bëtsibë ꞌakanania kananmikin ië́mikë ꞌaíma ꞌikën.

Ezequiel 18:25

ꞌAínbi kamina mitsux abi nëtë́tima ꞌëinsana upiokin ñu ꞌakima ꞌatimakin ñu ꞌai kikanti ꞌain; ꞌaínbi kamina Israel unikama mitsun kuati ꞌain, ¿mitsun sinánkëxun karana ꞌën ꞌupiokin ñu ꞌaiman? ¿Usama ka mitsun kuni kamina ñu ꞌatimakin ꞌakanin?

Ezequiel 18:29

Usa ꞌaínbi ka Israel unikama kiti ꞌikën, ꞌën isana ꞌupiokin ñu ꞌaima kiax kiti ꞌikën. ¿ꞌËn karana ꞌupiokin ñu ꞌaíma? ¿Israel unikaman atúnbi sinánxun ñu ꞌakëmakama ax kara upiokin ñu ꞌakë ꞌik?

Daniel 4:37

Usa ꞌain kana ꞌëx Nabucodonosor ꞌixun bërí Dios naínua ꞌapu ꞌikë a rabin, an ꞌakë ñukama ax ka asérabi ꞌianan upíira ꞌikën, an ka ax isa usaira ꞌikë kixun sinani rabiakakë unikama aín kuëënkësa okin ꞌati ꞌikën.

Hechos 17:31

Nucën Papa Diosan ca mëníocëxa, anúan achúshi uni, Jesucristonën camabi uni, aín nuitu cara upí ꞌicë, cara upíma ꞌicë quixun isti nëtë. Usaquian ꞌanun ca an caísacëxa quixuan camabi unin ꞌunánun, ca Nucën Papa Diosan Jesús bamacëbi baísquimiacëxa.

Romanos 2:1

Mitsúnmi uni itsi ꞌuchocëbëtanbi ca uni raírinën ꞌunánti ꞌicën, mitsun camina usa ñu ꞌati ca ꞌucha ꞌicë quixun ꞌunanin. Usa ꞌain camina minribi usa ñu ꞌatancëx —ꞌunánxunma cana ꞌa —quitima ꞌain.

Romanos 2:3

¿Bëtsi unimi, an ca ñu ꞌaisama ꞌaia quiax manánquinbi minribi usaribi oquin ñu ꞌacëbi ca Nucën Papa Diosan a unishi ꞌuchonan mi ꞌuchotima ꞌicë quixun caramina sinanin? Usama ca.

Romanos 2:5

Usa ꞌaínbi camina min sinan ꞌaisama ꞌaish sinanaisama tan. Usai ꞌiquin camina ënquinma camabi nëtën ꞌatima ñuishi sinánquin usaquin ꞌain. A cupí camina anúan Nucën Papa Diosan ꞌuchañu unicama aín ꞌucha cupí castícanti, a nëtën ꞌaisamaira oquin castícancë ꞌinuxun ꞌain.

Romanos 9:14

¿Usaquian caíscë cupí caranuna —Nucën Papa Diosan ca ꞌatimaquin sinania —quiti ꞌain? Cananuna usai quitima ꞌain.

Apocalipsis 16:5

Usaía ꞌunpáxcama ꞌicëbëtan cana an bacacama iscë ángel ësai quia cuan: —Nucën ꞌIbu Dios ꞌaish ca min sinan usabi asérabi upíira upí ꞌicën. Mix camina usabi ꞌiá ꞌaish usabi ꞌain. A ꞌunpáxcamami usoquin imi ꞌimia isquin cana ꞌunan, min sinan upí ꞌixúnmi ñu ꞌaisama cuëëncëma cupí camina usoquin ꞌan.

Apocalipsis 19:2

Ax aín sinan upíira ꞌixun ca uisa cara oti ꞌicë usoquin ꞌaia. Ñu ꞌatima cuëënquinma ca usoquin ꞌaia. Usa ꞌixun ca Babilonia ëmanu ꞌicë unicama, an camabi menu ꞌicë unicama ꞌatima ñu ꞌanun ꞌunánmianan ami sinánxma ꞌinun ꞌunánmicë cupí acama ꞌuchoquin castícanxa. Usaquin ꞌaquin ca an aín unicama ꞌacë unicama cupiaxa.