Romanos 1:3 - Kashibo-Kakataibo Biblia

³ A cuënëomia banax ca aín Bëchicë, Nucën ꞌIbu Jesucristo ñui quicë ꞌicën. Aín ꞌunan papa ax ca Davidnën rëbúnqui ꞌiacëxa.

Nukën 'Ibu Diosan ain unikama 'inan ain bana

³ A cuënëomia banax ca aín Bëchicë, Nucën 'Ibu Jesucristo ñui quicë 'icën. Aín 'unan papa ax ca Davidnën rëbúnqui 'iacëxa.

Romanos 1:3 ပူးပေါင်းရင်းမြစ်များ

Génesis 3:15

ꞌËn kana mixmi xanubë nishananun ꞌimiti ꞌain, ꞌën ꞌimikëx ka min rëbúnki ꞌimainun xanun rëbúnki nishananti ꞌikën. Aín rëbúnkinën ka min maxkánu mi amánuxun ꞌaia, ꞌakëxun kamina aín taë tsipútunu ꞌanuxun ꞌain.

Salmos 2:7

ꞌËx kana uisakin ꞌati kara Diosan sinánxa a ñui kiti ꞌain, an ka ësakin ꞌë kaxa: Mix kamina ꞌën bakë bëchikë ꞌain; usa ꞌaish kamina bërí ꞌën bakë bëchikëira ꞌiti ꞌain.

Amós 9:11

A nëtë ꞌikëbëtan kana ꞌën David ꞌapu ꞌain ꞌasaribiokin Israel unikama ꞌapuñu ꞌinun ꞌimiti ꞌain. ꞌImikin kana kamabi ñukama anu ꞌikë akama ꞌatëkënun ꞌamiti ꞌain,

Mateo 1:1

Jesucristo ax Davitan rëbúnqui ꞌaish ca Abrahamnën rëbúnquiribi ꞌiacëxa. Jesucristonën raracama ca ënë unicama ꞌiacëxa:

Mateo 1:16

Jacob ax ca Josénën papa ꞌiacëxa. José ax ca María an Jesús, Cristo cacë, a tuua, aín bënë ꞌiacëxa.

Mateo 1:6

Isaí ax ca David, axa ꞌapu ꞌicë, aín papa ꞌiacëxa. David ax ca Salomonën papa ꞌiacëxa, aín titax ca Uríasnëan casunan xanu ꞌiacëxa.

Mateo 12:23

Jesusan usoia isi ca anu ꞌicë unicamax ratuti sináncasmai canancëxa: —¿Ënë unix cara asérabi Davitan rëbúnqui, axa uti nun caíncë, a ꞌic?

Mateo 15:22

Bëbaia ca anu ꞌicë Cananea xanu, an anu cuanquin munuma banaquin Jesús caráishiacëxa: —Mix camina Nucën ꞌIbu, Davitan rëbúnqui ꞌain. Usa ꞌixun camina ꞌë ꞌaquinti ꞌain. ꞌËn ini tuá ca anua ñunshin ꞌatima ꞌain ꞌitsaira paë tania.

Mateo 26:63

Quixuan cacëxbi ca Jesús quiáma ꞌicën. Quiamoquin ca judíos sacerdotenën cushicaman ꞌapun amiribishi catëcëancëxa: —Nucën Papa Dios axa bamatimoi tsócë, an cuamainun ca nu ñuixun, ¿mix caramina asérabi aín Bëchicë, Cristo, axa utinu nun caíncë, a ꞌain?

Mateo 27:43

Ax isa aín Bëchicë ꞌaish Nucën Papa Diosmi catamëtia ca quiaxa. Ax asérabi anun cuëëncë ꞌixun ca Nucën Papa Diosan bërí ië́mitsianxa, usa ꞌaínbi ca ië́mima.

Mateo 3:17

Usai ꞌicëbëtan ca Jesusan naínuaxa banaia cuacëxa, ësai qui: “Ënëx ca ꞌëx amiira sináncë bacë bëchicë ꞌicën. Ami sinani cana chuámarua tani cuëënin”.

Mateo 9:27

Usobiani anuax cuaniabi ca uni bëxuñu rabëtan Jesús caticabianquin munuma cuëncë́onquin cacëxa: —Davitan rëbúnqui, nu nuibaquin ca nu pëxcut.

Lucas 1:35

Cacëxun ca ángelnën cacëxa: —Nucën Papa Diosan Bëru Ñunshin Upí ca minu uti ꞌicën. Manámi ꞌicë Nucën Papa Diosan sinanën camina tuñu ꞌiti ꞌain. Usaquian sinánxuncëxunmi tuacëx ca ax Nucën Papa Diosan iscëx upíira ꞌiti ꞌicën, —ax ca Nucën Papa Diosan Bëchicë ꞌicë —quiax ca unicamax a ñui quiti ꞌicën.

Lucas 1:69

An ca cushiira ꞌixuan an nu ië́miti axa unun mëníoxa. Ax ca an Nucën Papa Dios rabia David, aín rëbúnqui ꞌiti ꞌicën.

Juan 1:14

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

Juan 1:34

Usaquin isun cana —ax ca Nucën Papa Diosan Bëchicë ꞌicë —quixun camabi uni cain. Usaquin ca Juanën cacëxa.

Juan 1:49

Cacëxun ca Natanaelnën cacëxa: —Mix camina Nucën Papa Diosan Bëchicë ꞌianan Israel unicaman ꞌapu ꞌain.

Juan 10:30

ꞌËx ꞌën Papabë rabë́ ꞌaíshbi cananuna achúshishi ꞌain.

Juan 10:36

¿Nucën Papa Diosan ënë menu uni ꞌinun ꞌë xuá ꞌaínbi caramina mitsun uisa ꞌixun, aín Bëchicë cana ꞌai qui cana Nucën Papa Dios ñui ꞌatimati banai quixun ꞌë cain?

Juan 20:28

Cacëxun ca Tomásnën —mix camina asérabi ꞌën ꞌIbu ꞌianan ꞌën Diosribi ꞌai —quixun cacëxa.

Juan 20:31

Jesús ax ca asérabi Cristo, Nucën Papa Diosan Bëchicë ꞌicë quixun ꞌunanimi ami catamëti mitsux xënibua ꞌaínbi Nucën Papa Diosnan ꞌinun cana ënë banacama cuënëon.

Juan 5:25

Usa ꞌain cana asérabi mitsu cain, ca uti ꞌicën, anúan aín ꞌucha cupí bamacësa ꞌixunbi unicaman ꞌën bana cuati nëtë. ꞌËn bana unin cuati nëtë, a nëtë ca ënëx ꞌicën. Usa ꞌain ca an —asérabi ca aín bana ꞌicë —quixun ꞌë ꞌunánquin ꞌëx quicësabi oquin ñu ꞌacë unicama ax, aín ꞌucha tërë́ncë cupí Nucën Papa Diosnan ꞌaish, nëtë́timoi abë ꞌiti ꞌicën.

Juan 7:42

Nucën Papa Diosan bana cuënëo ca quia, ax ca Davidnën rëbúnqui ꞌiti ꞌicën. Usa ꞌaish ca anuaxa David bacë́an, Belén, anu ꞌicë uni ax ꞌiti ꞌicën.

Hechos 2:30

David, ax ca an Nucën Papa Dios quicë bana unicama ñuixuncë ꞌiacëxa. Usa ꞌixun ca paránuxunma Nucën Papa Diosan —min rëbúnqui achúshinëx ca judíos unicaman ꞌapu, Cristo, ꞌinuxun ꞌaia —quixun cá bana a ꞌunáncëxa.

Hechos 3:13

Usama ca. Nucën Papa Dios, aira nucën rara Abraham, Isaac, Jacob acama ꞌimainun nucën raracama ꞌimainun nucën chaitiocëcaman rabia, an ca aín Bëchicë Jesús asaribi cushi ꞌinun ꞌimiaxa. Usa ꞌicëbi camina uni isa ꞌaminun quixun mitsun ꞌapucama ꞌináncan. ꞌInáncëa Pilatonën ëinsa tancëbëbi camina mitsux cuëëncëma ꞌain.

Hechos 8:36

Ñuixunbiancëxun ca baca cuëbí ꞌurama cuanquin, a unin Felipe cacëxa: —Ënu ca baca ꞌicën. ¿Anuxun caramina ꞌë nashimitima ꞌain?

Hechos 9:20

Anu ꞌixun ca anua judíos unicama timë́ti xubucamanuxun, Jesús ax ca asérabi Nucën Papa Diosan Bëchicë ꞌicë quixun unicama ñuixuancëxa.

Romanos 1:9

ꞌËn cana Nucën Papa Dios cuëëncësabi oquin chiquíshquinma aín Bëchicë ñuiquin unicama bana ñuixunin. An ca ꞌunania, ꞌën cana abë banaquin nëtë camabi mitsu ñucáxunin.

Romanos 4:1

Usa ꞌain sapi cananuna quiti ꞌain, ¿uisa cupí cara nucën rara Abraham a Nucën Papa Diosan upí isacëx?

Romanos 9:3

Usai ꞌiti ꞌaínbi atúxa Cristonan ꞌinun ꞌëx ainanma ꞌaish Nucën Papa Diosan uisa cara oti ꞌicë usoquin ꞌacë ꞌiisa cana tanin.

Romanos 9:5

Israel unicamax ca Abraham ꞌimainun Isaac ꞌimainun Jacob, Israelribi cacë, acaman rëbúnqui ꞌicën. Uni ꞌaish ca Cristonën ꞌunánpaparibi Israelnën rëbúnqui ꞌiacëxa. Ax Diosribi ꞌaish ca camabi uni, camabi ñun ꞌibu ꞌianan ángelcaman ꞌiburibi ꞌicën. A ca camabi unin xënibua ꞌaínbi rabiti ꞌicën. Usai ca ꞌiti ꞌicën.

1 Corintios 1:9

Nucën Papa Diosan ca ax quicësabi oquin ñu ꞌaia. Mitsúnmi aín Bëchicë, Nucën ꞌIbu Jesúsbë ꞌixun, an sináncësaribi oquin sinánun ca mitsu caísacëxa.

1 Corintios 10:18

Camina ꞌunanin, an a rabiquin ñuina ꞌacë Israel unicaman ca Nucën Papa Dios rabia. ꞌImainun ca an a ñuina nami picë unicamanribi Nucën Papa Dios rabia.

Gálatas 4:4

Usa ꞌaínbi ca aín uti nëtë sënë́ncëbëtan Nucën Papa Diosan aín Bëchicë ënë nëtënu xuacëxa. Achúshi xanúxa bacë́ncëx canitancëx ca judíos unicama ꞌicësaribiti Moisésnën cuënëo bana, usaía judíos unicama ꞌiti, a ꞌunáncë ꞌiacëxa.

1 Tesalonicenses 1:10

Acama ñuianan ca mitsun camina Nucën Papa Diosan Bëchicë Jesús bamacëbia anbi baísquimia, axa naínuax uti caini quixunribi ñuia. Ax ca an Nucën Papa Diosan, uni aín ꞌucha cupí castícancëbëtanbi, ainan ꞌicë nu ië́miti a ꞌicën.

1 Timoteo 2:5

Nucën Papa Dios ax ca achúshishi ꞌicën. An abë́a camabi uni upí ꞌinun ꞌimiti axribi ca achúshishi ꞌicën, a uni ca Jesucristo ax ꞌicën.

1 Timoteo 3:16

Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.

2 Timoteo 2:8

Axa bamaxbi baísquia Jesucristo, Davidnën rëbúnqui, a camina manuquinma sinánti ꞌain. A ñui quicë bana anun uni Nucën Papa Diosnan ꞌinux ië́ti, a ca ꞌën unicama ñuixuncë ënëx ꞌicën.

1 Juan 1:3

Nuxnu asérabi Nucën Papa Dios ꞌimainun aín Bëchicë Jesucristobë upí ꞌicësaribitimi mitsúxribi nubë Jesucristomi upiti sinánun quixun cananuna nun nu isanan cuacë, ënë ñucama mitsu ñuixunin.

1 Juan 3:23

Axa quicësabi oquin ꞌati bana ax ca ësa ꞌicën, cananuna aín Bëchicë Jesucristomi catamëanan bëtsibë bëtsibë nuibananti ꞌain, an nu cacësabi oi.

1 Juan 3:8

Usa ꞌaínbi ca an ñu ꞌatima ꞌacë unicama ax ñunshin ꞌatimanën ꞌapun uni ꞌicën, ñunshin ꞌatimanën ꞌapu ax ca nëtë ióñubi ꞌucha ꞌaish usabii bërí nëtë́nbi ꞌuchaia, usa ꞌain. Usa ꞌaínbi ca ñunshin ꞌatimanën ꞌapúan ñu ꞌatima ꞌacëcama cëñui Nucën Papa Diosan Bëchicë uacëxa.

1 Juan 4:15

Uin cara —Jesucristo ax ca asérabi Nucën Papa Diosan Bëchicë ꞌaish asaribi ꞌicë —quixun ꞌunánquin unicama ñuixunia, ax ca Nucën Papa Diosbë ꞌicën. ꞌImainun ca Nucën Papa Diosribi a unibë ꞌicën.

1 Juan 5:1

An —Jesús ax ca Cristo, axa utia judíos unicaman caían, Nucën Papa Diosan Bëchicë, a ꞌicë —quixun sináncë unicamax ca Nucën Papa Diosan bëchicëribi ꞌicën. Uicamax cara Nucën Papa Diosmi sinania ax ca aín bëchicëcamamiribi sinania.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.

1 Juan 5:5

Axa —Jesús ca asérabi Nucën Papa Diosan Bëchicë ꞌicë —quixun ꞌunani ami catamëcë uni an cuni ca ënë menuxuan ñu ꞌatima ꞌacëcama ënquin ꞌatëcënima.

2 Juan 1:7

ꞌItsa unin ca camabi menu cuanquin uni paránquin —Nucën Papa Diosan Bëchicë ca uni ꞌinux uacëxa —quixun caquinma, bëtsi bana ñuiquin uni parania. Usa unix ca an uni paráncë ꞌianan an ꞌatimaquinra Cristo ñuicë uni a ꞌicën.

Apocalipsis 2:18

Usaquin catancëxun ca ësaquinribi cuënëonun Jesusan ꞌë caxa: —An axa Tiatíranuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: Nucën Papa Diosan Bëchicë, axa cushiira ꞌaish aín bëru rabë́ tsi rëquirucë ënxáira iscësa ꞌianan aín taëx cashtá manë́xa niba nibaquicë ꞌaish ichúcësa, an ca ësaquin mi caia: