Proverbios 8:34 - Kashibo-Kakataibo Biblia

³⁴ Chuámarua ka uin kara ꞌën kakëxun ꞌën bana kuatia ax ꞌiti ꞌikën, ꞌianan ka kamabi nëtë́an an bërúankë unisa ꞌixun ꞌën xubu xëkuë kamanuxun, bana kuati ukë a ka Diosan ꞌakinti ꞌikën.

Proverbios 8:34 ပူးပေါင်းရင်းမြစ်များ

1 Reyes 10:8

Ësokin min ñu ꞌakëbë sapi ka min xanukamaxa upiti tsómainun, an mi ñu mëëxunkë min uni ënë kamaribi upíokin sinánkin ñu ꞌai upitani kuëënia, atun ka mi rapasu ꞌixun ñu ꞌunánkëira ꞌixun kakëxun min bana kuatia. Usa ꞌain ka atux kamáxbi kuëënia.

Salmos 27:4

Achúshi ñushi kana Nukën ꞌIbu ñukan, usa ꞌain kana achúshi ñu ashi kuëënin: ax ka anuxun Nukën ꞌIbu rabiti xubunu ꞌëx kamabi nëtë anun tsókë a nëtëkama ꞌikën, a xubunuxun kana rabikin a ñukáti ꞌain. Ñukákin kana an unio ñukama upí iskin ashi rabiti ꞌain.

Salmos 84:10

¡Asábira ka achúshi nëtën min xubunu ꞌikë me mëníokëkama anu ꞌiti ax ꞌikën, ax ka mil nëtëkama ꞌiminu ꞌikësamaira ꞌikën! ꞌËn anuxun Dios rabiti xubu aín xëputi bërúankë ax ka asábi ꞌikën, ax ka uni ñu ꞌatima ꞌakë kamabë ꞌikësamaira ꞌikën.

Éxodo 12:7

Rëkin ñuina aín imi bitankëxun kamina mitsun xubu anuxumi nami pikë aín xëkuënu ꞌikë i, anun atsínkiantinu a unántiokin shiti aín.

Proverbios 1:21

kianan ka ꞌapukaman bana mëníokë ëma xëkuëkama ꞌimainun anuxua ñu marukankë anuaxi kianan ëma sënënakëkë anuxunbia kuakanun kiti ꞌikën:

Proverbios 3:13

Chuámarua ka an ñu ꞌunántibi sinánxun, upíokin kuakin ꞌunánkë ax ꞌiti ꞌikën;

Proverbios 3:18

Uix kara ñu ꞌunairakë ꞌikë ax ka i bimiñu unin upí iskë usaribi ꞌixun ꞌatima ñu ꞌaisa tankinbi tënëia; ax ka chuámarua tani usokin ñu ꞌakëma ꞌaish tsóti ꞌikën. ¡Ax ka chuámarua usakin ñu ꞌakë ꞌaish tsotia!

Mateo 7:24

Usa ꞌaínbi ca an ꞌëmi sinánquin ꞌën bana cuanan a bana quicësabi oquin ꞌacë uni ax an upí oquin sinánxun masinuma matánu xubu ꞌacë unisaribi ꞌicën. A unin xubu ca ꞌaisamaira ꞌuí ꞌibúcëbë ꞌitsaira baca ꞌëmainun ꞌaisamaira suñúan bëquiquinbi uisabi ocëma ꞌicën.

Lucas 1:6

Zacarías ꞌimainun Elisabet a rabëtax ca Nucën Papa Diosan iscëx aín nuitu upí ꞌiacëxa. Upí ꞌixun ca Nucën ꞌIbu Diosan banacama cuaquin an cacësabi oquin upí oquin ꞌacëxa. Usa ꞌain ca uinu ꞌicë uníxbi a ꞌatimaquin ñui ami manánma ꞌicën.

Lucas 10:39

ꞌAtsíntancëxuan bana ñuixunia ca Martanën xucën, María, axribi anu ꞌixun, a tanáin tsóxun Jesusan bana upí oquin cuacëxa.

Lucas 11:28

Cacëxun ca Jesusan cacëxa: —Usa ꞌaínbi ca an Nucën Papa Diosan bana cuanan a bana quicësabi oquin ꞌacë uni, axira ꞌën titaxa cuëëncësamaira oi cuëënti ꞌicën.

Hechos 2:42

Usai ꞌitancëx ca an bana ñuixunuan Jesusan caíscë unicaman bana ñuia cuaquin upí oquin sinani camáxbi nuibanancëxa. Nuibanani ca camabi nëtën timë́quin, ënima Nucën Papa Diosbë bananan pán tëcë́npaxun pi, camáxbi achúshinën sinánsashi ꞌaish a ëmanu bucüacëxa.