Proverbios 8:28 - Kashibo-Kakataibo Biblia

²⁸ Uínsaran kara naíkamë ꞌëonu anubia ꞌitinu nëtë kuin ꞌimianan, parúmpapa nëminra anubia ꞌitinu ꞌimianan,

Proverbios 8:28 ပူးပေါင်းရင်းမြစ်များ

Génesis 1:7

Usa ꞌain ka Diosan achúshi xabá chaiira an bakakama bëarati ꞌakëxa: ꞌakëx ka xabá chaiira meu panaitsi tikimainun panaitsi axribi manámi bërúakëxa.

Génesis 1:9

Usa ꞌain ka Nukën ꞌIbu Dios kiakëxa: Naí meu ꞌikë baka ax ka anubia rakátinu timë́ti ꞌikën, me ëski mëratanun. Kikëbë ka usai ꞌiakëxa.

Génesis 7:11

Anua rabë́ ꞌuxë ꞌirukë ax diecisiete nëtë ꞌikëbë ka Noé seiscientos baritiañu ꞌiakëxa. A nëtënbi ka me bákikëbë parúmpapa ꞌukëmëu ꞌikë ꞌumpax chaiira chikíakëxa, usai ꞌimainun ka naí panarabëkëbë manámi ꞌikë ꞌumpaxribi chaiira anpënkiakëxa.

Génesis 8:2

usaía ꞌikëbë ka me baakikë axribi xëpúakëxa, anun ꞌumpax me mëuküax ukë ax anuishi sënëni nëtë́mainun naí manámi baakikë axribi xëpúkëbë ꞌuñe kushiira ꞌibúkë ax anuishi sënë́ankëxa;

Job 38:16

¿Min kaina nanë́kiani kuanxun anuaxira parúmpapa ꞌumpax chikíkë a isan?

Salmos 104:7

Usa ꞌikëbi min munuma banakin kakëx ka, parúmpapa ꞌumpax ëskikiani amo rakarakëaxa; usai ka bënëtishi mix kaná kamë ꞌëo banakësai ꞌikin kakëxun min bana kuatishi ꞌiakëxa.

Proverbios 8:27

Uínsaran kara naíkamë ꞌëo kuman batsisa a; parúmpapa chaiira manámia ꞌinun uni oia anu kana ꞌëxribi anu ꞌiakën.

Proverbios 8:29

anubia rakanun parúmpapa baka kanan, meribi anuaxa shaíkitinuma ꞌimia,

Mateo 8:26

Quia ca Jesusan bësuquin cacëxa: —¿Uisacatsi caramina racuëtin? Mitsun camina Nucën Papa Diosan ca asérabi nu bërúanquin ꞌaquinia quixun sinaniman. Cai niruquin ca suñúan —ca nëtë́t —canan parúmpaparibi —ca bucubut —quixun cacëxa. Cacëxëshia suñu nëtë́ishimainun ca baca bëchúnribi nëtë́acëxa.